ابوعيالي وحالتي النفسيه

السلام عليكم ورحمة الله وبركاته
ابغى افضفض مافي داخلي الله يسعدكم دنيا واخره
.
الي عارفه الي صارلي وملكة زوجي
وبقول فيه شي مضيقني مدري هو استفزاز ولا ايش ماقدرت افسره
امس وصلتني هديه ارسلتها علي خطيبة زوجي الي هي بتكون ضرتي مستقبلا مابغيت هديتها نفسيا وكنت برجعها لأني كارهه الهديه بس عشان انا من اقنعها بزواج من زوجي ولأنها طيبه قلت في نفسي مالها ذنب
.
هديتها جوال وطقم ذهب مدري ايش الهدف من الهديه وايش تبغى مني بعد
.
مادري هي فكره منها او فكره من زوجي قال لها اهديها او زوجي معطيها الهديه عشان ترسلها لي ويحاول يقربنا من بعض
.
من بعد الملكة كلام صرت ماتكلم مع زوجي الاقليل وبختصار يقولي ليش قلبتي ومضيقه خلقك وترى انا ماخطبة الابعد ماقتنعتي وخليتك انتي من يختارلي وعطيتك الي تبغيه
.
اقوله مافيني شي يقول فيك الف شي كنت احبه ودمر حب له في قلبي 16 سنه حتى عيالي يشوفون اني متضايقه عشان خطبته وصارو مايسولفون معاه زي اول ونبهتهم اكثر من مره انهم يحبون ابوهم ويسمعون كلامه ويجلسون معاه يبقى ابوهم وحبيبهم اما انا ماتهون علي نفسي اتركه لوحده بس ماأسولف زي اول هو يسولف وكأنه ماهو مسوي شي وانا ماأعلق ولا اضحك ولا ارد عليه الا إذا سأل وهو يحاول ينسيني موضوع زواجه
.
يوم السبت كان بيطلعنا طلعه ورفضت قلت تعبانه . سمعت انه مجتهد في موضوع زواجه وراح يخليه في الإجازه القريبه وبادي يأثث لها
.
اليوم جاء وطلب مني اني اروح معاه قلت تعبانه وقالي عشاني قلت ياما سويت عشانك المستحيل وانت وش سويت لي غير حرقت قلبي
.
بالأخير رحت معاه وصلينا صلاة المغرب والعشاء بالحرم
يحاول يجبر كسري بس ماضن بيجبر ماني قادره اتقبله الله يلعن الشيطان يارب هون علي ياعظيم
.
والله اني ماشتركت معكم بمنتداكم الا عشان تسمعون مني واسمع منكم عسى ربي يهون علي والي مرة بضروفي وزوجها تزوج عليها تقولي الله يفرج همها وكيف عدة ازمتها ونفسيتها كيف كانت و تغير عليها او ماتغير وكيف صار يعاملها بعد زواجه وهل تغير حبه لها او ماتغير
.
تعبت وتعبت نفسيتي ورب الكعبة