ابوك كبير سن اوجدانكم عايشين قولي قصصهم

حلو موضوعك مميز صراحه ياليت البنات يتفاعلون

جدى يحكى لنا قصته هووعمتى الله يرحمها ويطول عمر جدى يوم كانو صغاركانو يرعون الغنم وجوعانين عاد عمتى قالت لجدى انا جوعانه قال يخسى الجوع واخدوا من الغنم وحده واكلوها ودفنوا الاعظام وكانو دايم على ها الحال لين صارعدد الغنم اللى اكلوها 18وابوهم ما يدرى وبعدين قالوله وسامحهم وشكر اتمنى تكون القصه اعجبتكم

ابوي الله يحفظه يقول ان ابوه زمان اللي هوجدي الله يرحمه عطاه 10 ريال وسافر ابوي راح الرياض وتوظف بالقاعده الجويه
وكل مابغى يشتري بسكوت ولا عصير ولا اي شي( لأنه كان صغير بالسن كل فتاه بأبيها معجبه ودها تصغره ) يطلع ذالدراهم ثم يرجعها ماهانت عليه يقول جلست معي 6 شهور ولما نقل على جده <<قصت حياته كامله>>
كان فيه ناس على الخط تبيع طاست الماء للي يبي يشرب ب5 قروش وكانت غاليه ال5 قروش وبس

موضوعك مره حلو جزيتي خير المهم انا بقول شي مختلف شوي يعني بابا اسمه أحمد ليه سموه احمد لان كان عنده اخ قبله بس توفي الله يرحمه المهم وفاته قصه غريبه وتخوف كان زمان شوي جوع وفقر يقول الوالد بالقوه يلقون شي ياكلونه وطبعا عندهم غنم بس مايقدورون يذبحون منه كل شوي لان جدي يخاصمهم الله يرحمه يبغا يبعه ويستفيد المهم مره عمي هذا الى اسمه احمد كان هو واصحابه اثنين فى الجبل ويرعون الغنم وجاعوا مره قالوا له ايش رايك تذبح وحده من الغنم وناكله وابوك اذا سالك قول مدري مالقيته شكل السباع اكلته يعني الذياب قال طيب شوركم وهدايت الله وتوه يذبحون الا ذيك الحرمه من بعيد جايه وشكله يخوف اتضح انه ماهي من الانس يعني جنيه وتقول من بعيد عيالى جواع هات ذبيحه لى ولعيالى وانتم يالله روحوا وخلوه قال عمي لاوالله ماعطيه واخذ ذبيحه فى ظهره وزملاء اخذوا الغنم وجوا هاربين وهو يجري طاح واختفت الذبيحه من ظهره واخذوه اصحابه وودوه البيت الى الولد متغير وجهه قلب وبدا المرض فيه وجابوا له امام المسجد يقرا عليه قال تلبسته واذاته ومااظن بيعيش لانه تقول ماني طالعه منه الين يموت وماجلس الا ثلاث ايام ومات بعده الله يرحمه وجدتي حامل بابويه من محبتهم له سمو ابويه أحمد على نفس اسمه الله يرحمه ويغفر لنا جميعا

يسلمووووو الموضوع حلو بس ما تحضرني و لا قصه

الامااااااااكن قصتك مراا تخوف
الله يرحم عمك و يحفظ لك الوالد يارب