قبل كم يوم حدث مو قف لي مع ولدي الكبير الله يصلحه ويرزقني بره وتحدثنا عن الاب قال انتي وخالاتي دايم تمد حون جدي وتذكرون مواقف له بكل فخر وفي كل موقف من ابي تذكري جدي قلت له والله ياولدي اني اتمنى ان اقف على اعلى جبل في العالم واقول بكل صوتي انا بنت هذا الرجال انا فخورة بك يا ابي بكل لغات العالم الله يديمك فوق راسي يا عصابة راسي انت واغلى الناس امي روحي ونبض فؤادي بارك الله فيك على هذا الموضوع

ابوي مافي مثله عليه حنيه ماشفتها عند حد والله العظيم انه حتى الاكل يبدينا على نفسه الله يفتح له ابواب الرزق والمغفرة ويطول بعمره هو وامي لاني مااتصور اني اقدر اعيش بدونهم حتى وانا متزوجة.

والله صدقتي الله يحفظه ويخليه لنا يارب
امي الغاليه الله خليها لنا يارب

ماشاء الله عليكم يابنات .. قريت كل كلمه كتبتوها وانا اقرا اسمي بالله واقول ماشاء الله ، الحمدالله على كل حال يابنات انا فاقده فاقده فاقده حنان الاب ، فقدت حنانه اكثر من بعد ماتزوجت ، مابي اتكلم عنه واقول شو يسوي فينا ، نحن بعاااااد جدا عن ابوناا ، والله ودي احس بهالمشاعر الي تحسونه تجاه ابوكم ،، خاطري ولو مره وحده يرن تلفوني ويطلع المتصل ابوي ، يسأل عني ...
خاطري ولو مره يقولي كيفك يا بنتي ناقصك شي تبين شي .. يقولي شوفيك زعلانه ومتضايقه
خاطري يقعد يسولف ويضحك معاي ومع خواتي ..ويخاف علينا ويحن عليناااا ... وينك يابوي ليش حارمنا منك وانت مووجود ..
آآآآه والف آآه ....

ياليت لو عصبي بس حنون ويسولف وياخذ معنا .. ياليته لو بخيل بس ما يبخل علينا بمشاعره وعاطفته وحنيته ...

تدرون قبل لا اتزوج المرات الي ركبت معاه السياره تنعد بالاصابع ويوم كنت طفله ما اتذكر كثييير .. كنت احلم انه يدخل علينا ويقولنا يالله بطلعكم بوديكم ، كنت اشوف بنات اهلي كيف طلعات وجيات ونحن ننتظر حد يتصدق علينا وياخذونا معهم ، وهذا هو ابونا موجود ... مابغي شي غير ان الله يحنن قلبك علينا ،، والله مايعيز الي عشته لعيالي ..

ادعوا لنا بابنات الله يحنن قلب ابونا علينااا

الله يطول بعمره ويكفيه مااهمه ويحسن خاتمته