ابووي باعني على واحد ما يبيني

السلام عليكم و رحمة الله و بركاتهإليكن قصتي :انا للأسف ما اعرف أفوت بالمقدمات و لا حتى أنسق المواضيع فابختصر مصيبتي ، اولا انا الان مخطوبه لأحد اقرباء العائله ، و المشكله هنا اني مااا ابيييه و لا هو يبااااني !!!!واضح الحين انا الي معصبني ان ابوي الله يسامحه كان في أشخاص يتقدملوي بس اهواا رافض بحجه قريبه هذا و رفض أشخاص انا كنت أشوفهم زي النعمه بحياتي ، مستعده أسوي المستحيل عشان اكسبهم وبالأخير يجي ابوي بكلمه منه يدمر كل شي انا كنت اتمناه .... والله احكيلكم و القهرر مالي صدري ... الحين ذَا خطيبي له بالحوسات و الطلعات و اللل.... تعرفون انتو ........وآهو بعد فيه جمال فيحسب كل بنت طايحه عليه( أمه مو من المنطقه و على قدر عالي جدا من الجمال بِسْم الله ما شاء الله اللهم لا حسد وهو طالع لها) الحين ذَا خطيبي يوم كنت اشوفه بالاعراس ، و هم من زمان حاكيين انا احنا لبعض (حاكيين بالسر و انا ما معي خبر مثل الأطرش في الزفه )كان يطّلع فيني بنظرات بااارده جدا يعني تقدرون تقولون نظرات استحقار لا مباله ما ادري شنو ما ادري كان يفكرني مغرمه او معجبه به لدرجه انه اخفى خبر خطبتنا عن الناس خوفا يزعلون حبيباته والحييبن انا الضحيه مفكرني ميته عليه و اذا ما اعطيته وجه يقول بلقى الي احسن منك و الي احلى و الي تسوووااك..... أهوووا ما يبااني و الأدهى و الامر مجبوووور يتجوزني فكيف يتكون نظرته لي و اني انا الي طايحه عليه ؟؟؟؟مع العلم انا ما اباااه و لا أريده وحاولت احبه حااااولت والله حاااولت بس مو فايت قلبي و لا ارتحت له ، علما اني أحب شخص و الحين أهوا متجوز و انا للأسف و كل الأسف ما ادري كيف اقولها و الله استحي منكم انا بتقدرون تقولون اني اشغلته عن أهله و عن زوجته و هو متجوز جديد الان و يفكر يتجوزني الثانيه ، مابي احس حالي حمل عاحد او ثقل او أسبب للناس مشاكل بحياتهم ابي أعيش بسلام بس ظروفنا حكمت علينا الحياه اللعينه ذي و الحين انا قررت اترك حبيبي بس اهوا يباني و انا ابيه و شاء القدر نفترق والحين مخطوبه لقريب العائله الي حتى ما يطّلع بوجهي و مفكرني ميته عليه و انا ما أريده و لا ابيه و بالنسبه للموضوع الثاني واهوا موضوع المتجوزين انا اشعر بقررررف لا متناهي من مجرد الحديث حول ذااك الموضوع ..... قسم بالله قرفانه عيشتي لدرجه اني صرت أفكر بالانتحاااار و شرب حبوب و نفسيتي سيئه جدا انا قررررفااانه من ليله الدخله و ألي بيصير فيها ما بي اتجوووز كرهت حياتي ولا تقولون احكي لامك او فهمي ابوك ترى ابووي باعني يوم ملكني على واحد مثل ذُا و طرد ناس ما ينردون اما بالنسبه لامي فاااخر شخص أفكر احكيله أسراري و ايش يصير معاي فاهيا امي لا تفكرون كل الامهات واحد ترى امي تطلع من البيت دون شور ابوي و تروح عند الدجالين و للمشعوذين و تتعامل بالسحر و الأحجار و ما ادري شنو وحسبي الله فيها على قد ما حاولت تفسد بين ابوي و عمامي و كانت تنهرني بالعانس وانا توي طالعه عالدنياوفسدت بين أخوالي و الحين ما يكلمونها و تقولي كلماااات ولا افضح ولا أفظع عدوك ما يسترجي يقولك ياهن فضلا عن انها حاولت طردي من البيت !!!!اي رح تستغربون و ابوي كان بيطلقها لولا اخواني الصغار فأي كره تحمله لي امي ...... تكفون شورو علي بس تكفون لا تجيبون سيره أمك و الا ابوك ذولا بااعوني فضلا عن اني اشتغل وأبوي ماخذ الراتب كله و أهو يتصرف فيه ... أرجوكم حياتي بتروح فكرت يوم اتجوز افتك من عيشه الذل هذي طلع الجاي أدهى و امر