ابووي بالمشفى واخوي مو سائل

السلام عليكم
اخواتي الكرام انا ابوي جاته جلطة قبل اسبوع ونقلناه للمستشفى بسرعة وتحسنت حالته بس لسا قاعد بالمشفى ل الثلاثاء لا يخرجونه
انا من اول ماراح للمستشفى راسلت اخوي وقلت له ترا ابوك بالمشفى جاته جلطة ونقلناه للمستشفى ضروري
شاف الرسايل وما رد بحرف رجعت كلمته بعد يومين قلت له ترا ابوك وضعه مو كويس بالمشفى لو تتكرم وتجي تشوفه وعطيته العنوان
وبعدها جا اقسم بالله لا سلم على ابوي ولا شي بس قاله الحمدلله على السلامة ماتشوف شر يا ابوي وقعد طول وقته يخز ب امي وامي ماتناظره وفينا يناظرنا من فوق لتحت تقولو قاتلين له واحد وزاد استفزاز يحط رجل على رجل ويكلم زوجته وبنته ويقولها وش تبغين اجيب لك وانا جاي للبيت ويضحك ولا كأنه قدامه مريض
طبعا امي ماكلمته بحرف ولا احنا لاننا نخاف منه بس ابوي كلمه سأله عن اخباره وشغله وذاك يرد عليه بالموت لحد ماقام ومشى بدون استأذان
انقهرت منه مهما حصل هذا ابوه
قلت ما اخليها تمر راسلت زوجته سلمت عليها وقلتلها عن زوجها ولي يسويه مع ابوه
ردت علي قالت لي مالي شغل فيكم ابدا زوجي رجال مو ولد صغير عشان اكلمه وسوت بلوك
بنت خالته زوجة ولد عمي قاعدة بس تضحك وتتشمت فينا تقولي ترا والله كل ماجا طاريكم عنده وخصوصا ابوكي صار يغلي غليان
بنات انا افكر ارسله رسالة طويلة ومختصرة عن فعايله وانه ولده يرد له كل شي بيسويه الحين واسوي له بلوك بس خايفة من ردة فعله
امي تقولي تجاهليه هذا ترباية خواله وامه وخالاته طبيعي يكون كذا
بس انا منقهرة من احتقاره ل ابوي