ابووي يا بنات جعل ربي اللي تدخل موضوعي تتوفق دنيا واخره

السلام عليكم ورحمة الله وبركاته



خواتي حبيت اجي وافضفض لن انا من امس نايمه بقهري


خواتي ترى ابوي متزوج على امي وحده ثانيه المهم ايام مواعيده كانت هي دوم تروح وياه بس الحين ماصارت تروح معاه لنها ولدت


المهم من بعدها صرت انا اروح معاه وربي اني يوم اروح معاه مالي فايده 5 ساعات اقعد عالفاضي ما اسوي شي وهو يكون راقد جمبي وبس


اخوي العود قالي ليش تسيرين مالج فايده هني هو بيخلص وبيقوم وبنرده البيت وبس

المهم يوم كنت اروح معاه كان اخو يجي يصحيني لن انا كوحده اسهر الليل عشان اصلي القيام واستنا الفجر واصلي الفجر وانام لاا تقولولي عدلي نومج لن يوم اعدله ابد ما اصلي القيام وهذا طبعي واذا ماصليت القيام اظايق واعصب


المهم اخوي كان يجي يصحيني من يوم ما اخوي رجع لشغله صار اخوي من الاب يوصل ابوي المستشفى

ومحد منهم يصحيني ولا ابوي يصحيني واخر مره خذى ولده معاه وراح


ويوم يشوفني قدام الناس يحرجني ويقولي ماتجين مع ابوج اقوله ابويه انت ماتصحيني يوم يجي موعدك صحيني يقولي لا انا ما اصحي احد انتي قومي الصراحه استغرب


وامس انا كنت نايمه بعز نومي ومن يومين اخوي من الاب الصغير يباني احمل له العاب من اللاب مالي وانزلها بالفلاش انا قلت له اللاب مالي مايتحمل اقعد احمل فيه اخر مره حملت فيه خرب وسكر عليه ما ادري شو صابه

فمن يومها ما احمل فيه الاشيا الكبيره شرات الالعاب وجي

المهم سار اشتكى عند ابوووي وامس انا كنت نايمه بدري تعبانه عند امي ابوووي دخل هاجم علي ويصارخ علي وانا نايمه ويقوول قوومي طلعي للولد الععابه وحطيها بالفلاش قوومي انا مارديت عليه لني نايمه مهدود حيلي تعبانه وتم يصارخ يعني اتخيلو الموقف بنات وحده نايمه وجاي تصحيها من عز نومها عشان تحط لولدك العاب بالفلاش :44: وعقبها تم يقول قوومي من النوم ياللي ماتجين ويا ابوج المستشفى ويصارخ انا كم مره قتله لما تروح صحيني ولسى جايب اللوم عليه وانا عارفه ان هذا كله من زوجته هي اللي تعبي له راسه عليه واللي زعلني بعد انه جاي وماسك ولده الدلوع وياه ويصارخ علي وانا نايمه ويصحيني عشان اقول اطلع له العاب يعني بالذمه ماعرف والله شقووول

امي قالت له هي ما:44:تطلع لن اللاب مايتحمل كم مره يخرب عليها قالها بس بس كل هذا كلام فاظي تقولينه انتي وبنتج !!!!

خواتي شو اسوي لني تعبت والله تعبت انا مقابل مواعيد ابوي عندي مواعيد لامي بس امي يوم اروح معاها صدق لنها تحتاجني انا اخلص لها كل شي واروح وارد ابوي لا اتم جمبه وهو نايم وبس لمدة 5 ساعات وبعدين هو مايقومني ومرات احسه مايباني اسير معاه بس قدام الناس يبين اني انا الغلطانه والله تعبت ويوم جاب ابنه امس وتم يصحيني بصراخ عشان اقوم احط العاب لابنه صج هالموقف وايد زعلني حسسني اني ما اسوى شي عند ابوي حتى مارحمني اني نايمه لا حتى النوم مالي عادي ما انام بس المهم اقوم انزل العاب لابنه الدلوع

واليوم هو عليه موعد قلت مابروح ماعاه بسبة هالحركه بعد وباجر امي عندها موعد والله خواتي محد يساعدني ولا احد يقدرني الحركه اللي سواها امس ذكرتني يوم كنت صغيره وابنه شاف عندي لعبه تم يقول لابوي ابا هذي ابوي شل لعبتي اللي احبها مني وعطاها ابنه وانا اقول لابوي مالتي والدموع ببعيني وكنت بصيح مارحمني قالي خليه يلعب فيها وهو خذاها مني وانا اطالعه بحرقة يوف وابوي مارحمني المهم عنده عياله من زوجته الثانيه


بنات محتاجه لكم ردو علي احس عمري تعبانه خلاص مو عارفه شسوي اريد اطلع من بيت ابوي من كثر الهم والقهر



وهاليومين صرت احلم بطليقي انه يبا يرد لي وجي يعله مايرد هو بعد ذوقني كل انواع الظيم والقهر والظلم :44:


يااااااااااااارب رحمتك