قطرية موووت @ktry_mooot

عضوة نشيطة

ابوى مشتهى ؛؛؛؛؛تكفون تعالواا

صبحكم **** بالحير حبايبى ابوى فديتة مشتهى الملوخية وقلت لة ابشر بسعدك ابطلعها من بنات حواء :42: يعنى من النت قال وهى تطلع قلت افا عليك كل الى فى بالك ابطلعة لك قال افزعى يابوش انى مشتهيها ومو ماكلها من زمان والحين ابيكم تحطولى افضل وصفة مجربة وزينة عشان الوالد **** يحفضة يارب :)

يلزم عليك تسجيل الدخول أولًا لكتابة تعليق.

تسجيل دخول

m33 • 14 سنة

شوفي حبيبتي اول شي تحمسين بصل وثوم بشوي وبعدين تضيفين لحم مقطع صغار وتقلبين حتى يتغير لون اللحم ثم يضاف عصير الطماط وتضيفين شوي صلصه وتزيدين ماء حارومكعب ماجي وملح وفلفل اسود وتتركينه يغلي ثلث ساعه ثم تضاف الملوخية المطحونه وتغطى لمدة ربع ساعه وبعدها دوقيها وقبل التقديم ضيفي لها ثوم محموس في شوي زبده وكزبره وتغلى شوي وتقدم وبالف صحة وعافية :42:وان شاء الله تعجب الوالد:26:

أسمى الأماني • 14 سنة

الملوخية المصرية غير طبعا...

تسلقي اللحم او الدجاج بكيفيك بعد ما يستوي تجيبي قدر ثاني تحمي شوية زيت وتحطي ثوم يعني لاربعة انفار يمكن راس ثوم كامل مفروم ووعليه كزبرة ناشفة ...
و بعدين تنزلي مرقة اللحم بالصفاية على الثوم وراح يفوح شوي ...
اذا بدا يغلي نزلي الملوخية على الشوربة معه شوية بقدونس مفروم مفروم...
وبسسسسسسس ولا تغطيها و تقعد ساعة قبل التقديم...

بطه بنفسجيه • 14 سنة

رفع انا اموت في الملوخيه بس ما اعرف لهاا

الدانه25 • 14 سنة

انا طريقتي في الملوخيه غير مااحبها تطبخ واجد

اذا طبخت الدجاج اخذ من مرقته وبالخلاط مع الملوخيه

وارجعها على النار خمس دقايق تقريبا لما تغلي

ولاتنسين تحطين معها ثوم

sadfa • 14 سنة

ام عبودي وليونا :

لا يمكنك مشاهدة هذا التعليق لانتهاكه شروط الاستخدام.

اول شي تحمري بصل ثم نضع الثوم وبعده نضع الدجاج والماجي والبهار مع بعض وبعدين حطي الماء ينسلق به الدجاج وبعدين لما ينشف الماء ويبقى شوي نضع الملوخية وخليها تفور وبعدين حطي شوي ثوم عشان الطعم ويفور شوي وطفي عليها وقدميها مع رز ابيض ومع ليمون يممممممممممممممي احنا دايم نسويها كذا وعيالي يموتون فيها كثير