ابويا قال لأمي روحي من البيت💔

السلام عليكم
بستشيركم في موضوع مهم عن امي وابويا
الموضوع انو قبل كم يوم صارت ممشكلة مررا بسيطة (المشكلة هي عشان شاف اختي اظافرها طويله قال ماتعرفي تربيهم وبنات ش.... وخربانين ومعرف ايش وكلام كثير كأننا سوينا ججريمة ونحنا اصلا من النوع الي مايطول بس اظافرنا تطول بسرعه) وابويا اتدخل وسووا مشكلة كبيرة ودخل امي وقالها انتي ماتعرفي تربي ايش فايدتك ورمى عليها منشرة الملابس حتى المنشرة اتعوجت
وصار مايجي البيت وراح لحرمته الثانيه
قبل لا اقول ايش صار بعدها ابغا اعطيكم نبذه عن ابوييا اارجوكم اسمعو لمن النهاية
ابويا من يوم نحنا صغاار وهوا يضرب امي ومشاااكل ككثيرة بينهم ويسبها قدامنا وتزوج عليا والله 8 مررات وامي صابرة عشاننا صار ابويا معروف بالرجال الي يتزوج ويحب الحريم كانو كدا الناس يقولو لنا حتى وانا صغيرة
وامي ضضضحت بأشياء كثثيرة عشانه وتحبه الى الان يعني تخيلو في مرة كان بيتزوج وحده اجنبيه ووقتها معرف قالو لازم تكون حرمتك ميته واسمها ينشال من كرت العايلة
راح خدع امي وامي وافقت وشال اسمها تخيلو💔💔 كأنها هي مو موججودة والله في اشياء ككثيرة تبكي واخر وحدة اتزوجها وخلاص رسسا عليها وجاب منها عيال
وفي خلال السنوات القريبة دي صار يسوي اي شي بس عشان امي تروح من البيت يسوي مششاكل كثثيرة عشان بس تخرج وقالها في وجهها انا يا حرمة مااابغاكي ماتصلحيلي روحي شوفي حياتك واتزوجي
لو تبغي عريس اجبلك 💔 بقكلم
برضها امي جالسسه تقول اصصبر اتحمل بس ابويا صصار يتماادى صار حتى رأيها في موضوع ماايبغاه ماايبغا اي شي منها ويترفز منها ونحنا صرنا كبار صرنا نشوف صرنا نفهم ايش بيصير حولناا صرنا مانرضا على امنا تنهان قدامنا وتنضرب يكفي وانا صصغييرة شفتهاا الين متى نسسكت الى ان جاا الوقت دا حق المششكلة لمن ابويا ضربها جيت انا دافعت عن امي جا ابويا قالي للا تتدخلي قلتله هاذي امي
قالل انا من زمااان اسوي دا الشي جاات ع الييوم تجي تقوليلي طببعا ابويا انصصدم مني وصار يقلي ايش تبغيني اسوي يعني امكم ماتعرف وامكم فيها وفيها قلتله امي تقولنا كل شي وتسوي كل شي انته ماتشوف وقلتله ع الاظافر انو نحنا موقصدنا نطوول وفهمته الموضوع سسكت وبعدها بيوم راح بيت حرمته الثاني وصار مايجي وامي الله يهديها كلمته ف الواتس قاللتله فينك ليش ماتجي قالها روحي انتي وعيالك ماتعرفي تربيهم اولادك وسخين مو متربييين وكلام كثثير وكان جاد في الموضوع للاسف ابونا يشوفنا انو نحنا مو متربيين ونحنا وربي كاننا في سجن حتى بيت جدتي مانعه عنا مانرووح ولا مكان ولا تتفرجو افلام ولا ششي بس يبغانا ناكل نشرب ننام ومانسوي ولا شي بالمقابل هوا يسوي دي الاشياء كللها كفايه حارمنا من اشياء كثثيرة بعدين تجي تقول انو نحنا وسخين والله االناس الي برا يقولو دولا ماشاءالله اخلاق ولكن ابويا مايشوف فينا شي برضو مافي مشكلة نحنا راضضضين لانو ابونا مهما كان نسمع كلامه لكن عشان امنا مارضيينا ولا احد راضضي بالي يسويه فيها
امي جلسست تبكي تقول بعد دا كلله بعد 25 سسنة يقلي كدا بعد ماسويت له كل ششي بس عمره ماقالي كلمة طييبه لا يقول بس يرحمني من المشاكل
الزبدة من الموضوع امي قالت تستنا لمن اسبوع اذا ماجا بتروح حقيقي
واخواني كلهم يبغو يروحو معاها وقهرانين من ابويا ومحد يبغا يجلس لانه هوا كمان قال خدي عيالك ماابغاهم 💔


ايش تسوي امي تستنا اسبوع ولا تصبر ولا ايش تسوي هي تقول اذا هوا ماجا دا الاسبوع يعني عاجبه الوضع يعييش مع حرمته الثانيه ونحنا وانا معاكم كاننا في سجن بس يجي يحط الاكل ويروح حتى مايجلس معانا
تقول كيف اعيش كدا قالت اروح احسن وقالت اشيلكم معايا وانتو كبار مو صغار ونحنا واقفين مع امي اخويا قالها خلاص اذا مايبغانا نحنا نروح
انا اكبر وحدة فيهم واخويا اصغر مني بسسنة
ايش نسسوي امانة قولولي
معليش لو الكلام ملخبط اصلا حتى في اشياء ثانيه كان ودي اقولها 💔بس ماابغا اطول عليكم