السلام عليكم
كيفكم ا بنات عالم حواء عساكم طيبات
انا هنا بافضفض لكم عن حبي وخوفي على اغلى البشر
اللي كان بعد الله سبب وجودي في هذي الدنيا
اللي كبرني ورباني وعلمني اللي لحم اكتافي من خيره
اللي عيشني احسن عيشة
انه حبيبي ونور عيوني ونبض قلبي ابويه الغالي الله يطول بعمره
صدقوني يا بنات ما في اغلى ولا احن ولا اعطف من الاب
ابويه اغلى عندي من الدنيا وما فيها عسى الله يخليه لنا ويحفظه من كل شر
انا متزوجة وبعيده عن اهلي في مدنية ثانية
ساعات احن واشتاق لاهلي ونفسي اكون عندهم وابوس يد ابويه وجه وقفا
واقوله يا جعل روحي تفداك يا اغلى الناس
اااااااااااااااااه يا ليت الاعمار تهدى كان اهديت عمري لابويه ياجعل يومي قبل يومه
ابويه يا بنات من قبل 6 سنوات تقريبا مرض وجاه فشل كلوي
وكنت باتبرع له بس الظروف وقفت ضدي واتبرعت له اختي والحمد لله نجحت عمليتهم
وفجأة بعد العملية ب 5 شهور تقريبا وهو لسى في فترة النقاهه جاه السكري
وصار ياخذ انسولين
والله يا بنات اني لما اشوف الانسولين مع ابويه اتمنى اموووووووووووووووت ولا اشوف المنظر
اتمنى الارض تنشق وتبلعني ولا اشوف ابويه ياخذ ابرة الانسولين
منظر فوق طاقتي وفوق قدرتي الله يشفي ابويه من كل مرض قولوا امين
انا هنا حبيت افضفض لكم واطلع اللي بخاطري
واطلب منكم تدعون لابويه بالشفاء والعافية وطولة العمر يااااااااااااااارب
يمكن فيكم من لو اقسمت على الله لابرها
تقبلوا فائق شكري لدخولكم صفحتي
يلزم عليك تسجيل الدخول أولًا لكتابة تعليق.
سمو الاميرة 23
•
الله يشفيه ويعطيه الصحه ويخليه لكم يارب
الصفحة الأخيرة