ميعاااد طلال @myaaaaad_tlal

عضوة جديدة

ابوي 😭😭😭

سلام عليكم بنات والله احترت فين اكتب موضوعي كنت ابي اكتبه ف تويتر خفت من ابوي يشوفه لانه يتابعني ومالقيت الا هنا انسب شي ..بنات الله يخليكم ساعدوني ومابي احد يجرحني بالكلام ...انا امي الله يرحمها توفت من وانا صغيره كان عمري سنتين والحين انا عمري٢٠ وابوي عمره ٣٩وابوي هو اللي رباني وتعب علي والله ماتزوج عشاني كان خايف يجيب لي زوجة اب تعذبني وكانت جدتي تحن عليه تبيه يتزوج بس كان رافض وانا من صغيره متعلقه ف ابوي والحين متعلقه فيه اكثر هو صار لي كل شي الاب والام والاخ والاخت ماعندي غيره وقبل يومين ابوي ناداني قال يابنتي انا بصراحه ناوي اتزوج وانا الحين بسألك انتي موافقه ع زواجي قلت له ليه تبي تتزوج قال ابي اجيب اخ لك او اخت انتي وحيده وانا مو دايم لك قلت لا ماني موافقه ولا ابي اخ ولاشي انت عندي والله معاي هو الحافظ بنات انا انصدمت وربي غصب عني مابيه يتزوج اغار عليه معقوله وحده تاخذه مني وربي الحين حسيت بشعور المتزوجات يوم زوجها يتزوج عليها اخ شعور يوجع اعرف اني انانيه بس غصب عني احب ابوي مابيه يروح مني والحين عماتي زعلانات مني لاني مو موافقه ع زواج ابوي ..ايابوي قال ماراح اتزوج الا اذا بنتي وافقت وربي تعبانه مادري ايش اسوي .اسفه طولت بس والله مخنوقه وحبيت افضفض

22K

يلزم عليك تسجيل الدخول أولًا لكتابة تعليق.

تسجيل دخول

جنوبية يمانية • 5 سنوات

حبيبتي الله يهديك هاذا جزات ابوك انك تجازيه كذا مفروض انتي بنفسك تروحي تخطبي له وتخطبي له بنت حلال قال ايش احس بغيره المتزوجات
ياحبيبتي حرام والله الوالد تعب معاك كثير الان جا وقت انه يرتاح ويشوف نفسه وحياته وانتي مش بنت صغيره
وبعدين مصيرك تتزوجين وتتركينه اتقي الله ووافقي وروحي بعد اخطبي له احلا البنات وربي يوفق الوالد لما يحب ويرضى

👑 الملكة 👑 • 5 سنوات

ياقلبي ادري انك متعلقه فيه بس يكفي انانيه ..
تاكدي الي رفض يتزوج كل هالسنين عشانك مابيتركك لو تزوج وبعدين انتي ماشاءالله سرتي ٢٠ سنه العمر كله يارب خلاص باي لحظه بيجيك زوج وبتروحين من عند ابوك..
روحي طيبي خاطره ووافقي لانه يكفي هو بعد يحتاج حب انتي ماتقدري تعطينه اياه ...واكيد انتي بنته ولك مكانتك مايحتاج تغارين من اي احد

هايدي الجميلةة • 5 سنوات

طيب اذا جاء نصيبك رح تتزوجين ولا رح تقولي ابي ابوي ،، ؟؟
رح يجي نصيبك بيوم وتتزوجي وتتركيه وهو رح يبقى لحاله محتاج زوجه تكون معه بدنيته مو يكون وحيد

تيفانية انيقة • 5 سنوات

جنوبية يمانية :

حبيبتي الله يهديك هاذا جزات ابوك انك تجازيه كذا مفروض انتي بنفسك تروحي تخطبي له وتخطبي له بنت حلال قال ايش احس بغيره المتزوجات ياحبيبتي حرام والله الوالد تعب معاك كثير الان جا وقت انه يرتاح ويشوف نفسه وحياته وانتي مش بنت صغيره وبعدين مصيرك تتزوجين وتتركينه اتقي الله ووافقي وروحي بعد اخطبي له احلا البنات وربي يوفق الوالد لما يحب ويرضى

حبيبتي الله يهديك هاذا جزات ابوك انك تجازيه كذا مفروض انتي بنفسك تروحي تخطبي له وتخطبي له بنت...

👍🏻

لارا@ • 5 سنوات

هايدي الجميلةة :

طيب اذا جاء نصيبك رح تتزوجين ولا رح تقولي ابي ابوي ،، ؟؟ رح يجي نصيبك بيوم وتتزوجي وتتركيه وهو رح يبقى لحاله محتاج زوجه تكون معه بدنيته مو يكون وحيد

طيب اذا جاء نصيبك رح تتزوجين ولا رح تقولي ابي ابوي ،، ؟؟ رح يجي نصيبك بيوم وتتزوجي وتتركيه وهو رح...