ابوي اتخذ قرار ظلمني

عمري دخل ال 32
يوم كان عمري 19 تقدم لي واحد من اقاربنا جارنا بيتنا جمب بيتهم طالب جامعي طب ومن عائلة غنية وابوي ماكلمني ورفضة وحاول لمدة ثلاث سنوات يكلم امه تكلم امي وابوه يكلم ابوي وكلمت اخته اختي الكبيرة الرجل فية كل الي تتمناه كل بنت
غني ومتعلم ومحترم ومحافظ على صلاته ورفضة ابوي بدون مادري حتى انه تقدم
وكان يقول بزوج ولد اخوي فلان وقال لمي ماراح ازوج احد غير ولد اخوي فلان وولد اخوه جاهل شهادته متوسطة فقير بس علشانه ولد اخوه يبي يزوجه وعسكري راتبه 5600 واخلاقة شينة وجاهل عنده المراة عبدة وظيفتها بالحياة تقدم زوجها وضد عملها وضد دراستها بس تجلس تخدم زوجها وتجيب عيال
تخيلو يوم كمل عمري 28 تقدم لي شخص رغم ان الكل يعرف اني محجوره لولد عمي فلان ولاكن امه كلمة امي ولا ابوي كل من كلمه رفض بدون سبب بس كذا
وراحت امي وقالت لبوي خاف الله في بنتك كبرت وانت ترفض كل الخطاب علشان ولد اخوك راح ابوي كلم ولد اخوه قاله تعال اذا تبي ازوج بنتي زوجتك ولاترا بزوجها الخاطب
قال مابي بنتك كبيره تخيلو بعد ماضاع عمري وابوي حاجرني له يقول كبيره مابيها ملك علي الخاطب وانسجن حكم 5 سنوات طلع راعي مخدرات
وخلعته من المحكمة وعمري 32 الحين من 3 سنوات محد تقدم لي الى اخس خلق الله يا مطلق اخلاقة شينة ولا خريج سجون ولا شايب عمره 57 يبغاني على امرته
انظر ببوي وبقلبي خنقة اقول في نفسي انت الي وصلتني للمرحلة ذي بسبتك انا حالي كذا
الولد جارنا الي تقدم لي لمدة 3 سنوات وهو يحاول ان ابوي يوافق وانا مدري تزوج ومعه 3 عيال
وكل 6 شهور يسافر برا المملكة مع زوجته وعنده فلة ملك بتركيا وعنده مصنع هناك ويستورد وشاري بيت قصر وخدم
والله ماهمني هو كثر ماهمني اني انقطعت ماكونت اسرة لا طفال ولا زوج والابيت محذوفة بالبيت فاضي كل اخواني وخواتي تزوجو وانا جالسة ببيت قديم بين اربع جدران
تقدم لي واحد مسجون 7 سنوات واخوانه متعاطين وهو ماندري عنه ورفضته وخايفة ان محد يتقدملي لن عمري 32 وصل
منقهر من ابوي مرات اقول هو السبب الله يسامحه ومرات اقول كل شي مكتوب
هل هاذا الاب يستحق انك تبره وتحسن له حسبي الله ونعم الوكيل بس مافكر بمصلحتي يفكر في اخوه وولده واخر شي اصلا مايبغاني يقول كبيره البنت مابيها
قاهرني ابوي اشوف يسولف بالمجلس ويضحك وانا منقهره ماعمره قال الله يوفقها ولا شال همي لا يقول بيجيها رزقها وبس (فضفضة )
حرمني من السعادة ومن تكوين اسرة واالاطفال والحين اعيش بتعاسه وحزن وضيقة من 3 سنوات ماطلعت من البيت الى بسنة مرة ولا مرتين ولادراسة ولا عمل ولا شي بالحياة
بس الاكتئاب ذبحني دعواتكم لي