السلام عليكم ورحمة الله وبركاته ....
والله ياخواتي ماني عارفه ابدى من وين وانتهي من وين
لكن بفضفض لكم واقولكم
قصتي ياخواتي
ابوي الله يسامحه ظاهر الدنيا وباطنه كان من قبل خمس سنوات مورينا الويييييييل وانواع الخوف والتعذيب
هو في داخله رحوم وطيب بس الحبوب المخدرة لاعبه فيه وينقلب علينا
المهم هذا كله والتعب والتعذيب نسيته من زماااااااااااااااان وماني شايله لا انا ولاامي ولا اخواتي
حتى اقاربنا الي كانوا قاطعينا تسامحنا منهم وصار يجونا
المهم شهر 2 الي راح طاح وانكسر الحوض عندة وصار عندة جلطه
وحسيت انه تعذب وتبهذل ومن عمليه لعمليه في الاخير صار مقعد ولايقدر يتحرك ولاشي غير عربيه حقت المعاقين اوديه واجيبه فيها
المهم ياغاليات
امي مرة ماتقدر تقوم بابوي وصرت انا واخواتي نتناوب عليه مثل السسترات
حتى تنظيفه وانتم بكرامه وترويشه صرت اشوف ابوي مثل ماخلقه ربي
الي ابي اعرفه هل يجوز لي ولا اطلع على عورته
وثانيا شي مايصلي ولايصوم وماخذت فتوى
بنااااااااااااات انا مدري وش اسوي
حاله ابوي مرة تخايلوا من دخل الشهر الكريم مارتحت لانوم ولاحتى عبادة
كل شوي يصيح صوته يسمعونه الجيران مدري وش اسوي رغم انوا مافيه تقصير ابد
احيانا والله ادعي يارب تاخذة وتريحه منهالتعب واحيانا اتعوذ من ابليس واقول الله يطول بعمر
انا مدري ليه تكلمت بس احس اني مخنوقه ودي افضفض ودي احد يحس فيني
تعبت وتعبت نفسيتي
ماشكيته لوشكاني @mashkyth_loshkany
عضوة نشيطة
يلزم عليك تسجيل الدخول أولًا لكتابة تعليق.
كيشمارا
•
لاحول ولاقوة الابالله لله يشفيه ويهديه حتسبي الاجر عند ربك وربك ماينسى عبده لله يرحم بحالك يارب ويسعدكم
الصفحة الأخيرة
والله ماعندي علم