ميمآ و بس @myma_o_bs

محررة فضية

ابوي .. بعد عملية القلب المفتوح ..

السلام عليكم ورحمه الله وبركاته

قبل كم يوم نزلت موضوع عن ابوي انه راح يعمل عملية قلب مفتوح وهذا هو الرابط

http://forum.hawaaworld.com/showthread.php?p=42582194#post42582194

حابه اشكركم وحده وحده .. للي دعيتوا لوالدي .. واللي هونت الموضوع علي .. واللي راسلوني عالخاص .. واشكر الأخوات اللي معي ع البلاك بيري وكانوا كل شوي بيسألوا ..

الحمد لله سواها الاحد مو اللي فات اللي قبله .. وبعد ماطلعوه العنايه المركزه صار عنده نزيف ورجعوه للعمليات واعادوا الخياطه من جديد ..

جلس بالعنايه 5 أيام كانوا ينقلون له دم لأنه فقد دم كثير وقت النزيف .. نقلوا له 9 أكياس دم مع البلازما ..

وطلعوه بعد 5 ايام في التنويم ..طبعا اخواني معاه من الظهر الين الساعه 8 المساء بعدين اجي انا واختي نرافق معاه طول الليل ..

وامي انشغلت بجدتي جات تزور ابويا وتعبت ونقلوها المستشفى طلع عندها فشل كلوي .. وورم ع الرئه اسأل الله العظيم أن يشفيها ..

وابويا كان يقول لامي تجي تزور 10 دقايق وتروح ماكان يبغاها ترافق معه يخاف لاتتعب من السكر ويرتفع . لانه في موضوع سابق ذكرت ان والدتي لاتضايقت من شي يرتفع السكر عندها ويسوي لها تسمم في الدم وكم مره دخلت العنايه عشان هالسالفه فابويا مسكين كان حريص انها ماتطول عنده عشان لاتشوفه وهو تعبان ..

فكنت اروح له كل يوم من الساعه 8 مساء الين 1 الظهر :(

والله يابنات مايعرف طعم النوم من الالم ,. تصدقوا بالله ماكان يتألم من العمليه ابدا

لا من عمليه صدره ولا رجله

يتألم من يده اليسار الم مو طبيعي .. ابويا صبور جدا والدليل انه ماشا ءالله مااشتكى من عمليه فتح الصدر كامل وفتح الساق كامل

اشتكى من يده اليسار فقط

لدرجه انها تطيح مايدري عنها ولازم يشيلها بيده اليمين

طبعا جلسنا 4 ايام ع هذا الحال

شافه دكتور عظام

ودكتو راعصاب

ودكتور قلب

يعطونه مسكنات فقط لانهم مالقوا سبب ابدا ..

وكنت اقرا عليه وادهنه باولفن وفولتارين والالم يزيد

لدرجه الصراخ ..

كان الم شاد عليه جدا لدرجه انه والله العظيم يابنات اذا جاء بيجلس عالسرير .. يجلس ع رجله اللي فيها العمليه يعني ينسى المها لو مااذكره واقول انتبه رجلك لاتجلس عليها

يقول يابنتي والله من الم يدي ماني حاس بالعمليه ولا باي شي :icon33:

اللي صار كتبوا له خروج وقالوا له اصبر ع الم يدك شوي .. رب ضره نافعه .. الله مايجمع بين ضرين هون عليك عمليه قلبك بالم يدك ..

وطلع من المستشفى ولله الحمد واليوم الاول مانام من الالم

اليوم الثاني جبنا له شيخ قلنا تهدا نفسيته لانه كان خايف جدا لدرجه انه كره السرير ينام جالس ع الكرسي ..

كان الخوف مبين فيه ..

وقرا الشيخ عليه وعلى يده وقرا على زيت زيتون وعلى مويه .. والله يابنات بدون مبالغه والشيخ لسه بالمجلس عند ابويا واخواني يتقهوى الا ابويا نايم وربي له 4 اايام مايعرف النوم ونعطيه المسكن ومع المسكن منوم برضه ماينام من الالم

وماشا ءالله نام وقتها من بعد صلاه العشا والشيخ موجود الين اذان الظهر ماشا ءالله

وصحي طيب بسم الله عليه ونفسيته 100%

وصرنا كل يوم ندهنه بالزيت المقري ويشرب مويه مقريه ..

اللي صار ..

امس قال بجرب انام بدون زيت مقري .. ونام .. ساعه تقريبا الين 3 الليل صحي شايل البيت على صوته من الالم

ودهناه بالزيت وكل شي ومن 3 الليل الى الان مانام ويصيح من الالم

لامسكن نفع ولا زيت ولا شي :(

بنات وش تتوقعون السالفه نفسيه .. والا ايش ؟؟

انا اقول لو عين او شي لاسمح الله معقوله لو بطل زيت ع طول تثور يده ولا كيف ..

الله يسعدكم اللي تعرف تعلمني :(

صعبان علي ابوي ..

37K

يلزم عليك تسجيل الدخول أولًا لكتابة تعليق.

تسجيل دخول

لهيم • 14 سنة

الله يشفيه ويخليه لكم
ولازم يتابع المستشفى000 وبعد لايترك الزيت المقري
والقران شفاااااااااااااء
( وَإِذَا مَرِضْتُ فَهُوَ يَشْفِينِ ))..!!

ام أديبه • 14 سنة

الحمد الله على سلامته
الله يتم عليه عافيته ويلبسه لباس الصحه والعافيه

عسل مسلسل • 14 سنة

أسأل الله الكريم رب العرش العظيم ونسأله بإسمه الأعظم الذي إذا دعي به أجاب وإذا سأل به أعطى أن يمن على والدك بالشفاء العاجل وأن يجعل ماأصابه تكفير لذنوبه وخطاياه
الله يقر عينكم به وبسلامته وعافيته..
حبيبتي كثرو من الإستغفار والصدقه وعليك بسهام الليل فإنها لاتخطئ..
‏<‏<< الله يفرجها عليكم وعلى كل مسلم إن شاء الله>>>...

رفع رفع

بودي بيوتي • 14 سنة

الحمد الله على سلامته
الله يتم عليه عافيته ويلبسه لباس الصحه والعافيه

أم سوسو وريري • 14 سنة

يا عمري عليك ،،، والله سلامة أبوك ما يشوف شر وقدامه العافية إن شاء الله ،،، وربي يخليلك أبوك وكل وحدة يخلي لها عزوتها وسندها .بنات أمانة قولو آمييييييييين .