السلام عليكم ورحمة الله
يا بنات ابوي منوم بالمستشفى من اليوم الفجر عنده أزمة ربو حاده عاد اخواني خذوه للمستشفى على طول و بعد ما عطوه العلاج و الكمام والأكسجين صار احسن بس الدكتور قال لازم يدخل للمستشفي يومين او ثلاثه لزيادة الإطمئنان
عاد اليوم العصر قلت بروح أزوره وخذيت وحده من خواتي ودخلت عليه وسلمت ولا ما شا الله بخير و قعدت اسولف وياه سوالفنا المعتاده واحاول اجيب له اخبار حلوه
وعلى المغرب حس بضيق تنفس بس على خفيف و ناديت الممرضه و عطته كمام وعقبها انا حسيت ان الكمام ما نفع معاه ناديت الممرضه مره ثانيه و عطته اكسجين لكن كل ما و حالته تتدهور و تنفسه يضيق ونادوا الدكاتره
وحطوا له جهاز للتنفس و قال الدكتور اذا ما تحسنت حالته راح نظطر نحط له تنفس صناعي وانا قمت ادعي وادعي و اتصلت على اخواني لأن حسيت اني تعبت وقمت استغفر الله
والله يا بنات ان ابوي صار بين الحياة و الموت وانا اشوفه وماني قادره اسوي شي الا الدعاء وجوا اخواني وعيال عمي وصار توتر قمت مسكت اخواني قلت لهم استغفروا الله بهذه اللحظات ونفس الشي قلت لخواتي و عليكم بالدعاء وامي حبيبتي حسيت انها جت ورجيلها مو قادره تشيلها صحت عليهم لا تشوف ابوي ومسكتها من ايدها ولميتها و قمت اطمنها ان ابوي بخير وادعي له قالت ابي اشوفه قلت لا يا يمه ارتاحي و تراه بخير وقامت تصيح ولميتها والحريم تجمعوا علينا و قاموا يهدونها و يطمنونها
وبعد مده جا الدكتور قال ان حالت والدكم مستقره و ينادي وحده اسمها قهر الليالي منهي هذي قلت له انا قال يبي يشوفج ورحت له ولقيته حاطين له جهاز التنفس و يطمني (( يا بنتي الله يرضى عليج و يخليج انتي و اخوانج لا تخافين على أنا مع الله و الله معاي و كل اللي يصير تراه خير لي)) قلت له يا يبه انا اشوف انك ماعليك الا العافيه ربي لك الحمد و الشكر و عسى ربي يخليك لنا يا رب و ترجع لنا سالم
وبعدين طلعت لأن الدكاتره موصين انه ما يتكلم واجد علشان ما يتعب و يبذل جهد واهو يتنفس
ورجعت البيت وصليت و دعيت وقلت ابي اوصيكم يا بنات حواء بالدعاء لوالدي ان ربي يقومه بالسلامه و يرجع للبيت سالم غانم و عافى يا رب
الله يشفيه و يشفى جميع مرضى المسلمين يا رب
قهر الليالي @khr_allyaly
عضوة نشيطة
يلزم عليك تسجيل الدخول أولًا لكتابة تعليق.
الصفحة الأخيرة
ويرجع للبيت سالم غانم ويخليه لكم
اللهم امين