ابوي بيتزوج على امي بعد عشرة 23 سنة

ابوي يبغي يتزوج على امي بعد عشرة 23 سنة




ويحط السبب يبي عيال لأن اخواني 4 وعشان محد يعرفني




واحد متوفي ، واثنين مريضين ، وواحد بس اللي متعافي ، الله يشفي المرضى ويرحم الميت ويحفظ المتعافي




يقول لأمي ابي عيال عشان يخدمونك ويقوموا فيك شوفي فلانة عيال زوجها قايمين ففلانة وشوفي علانة ... إلى آخره.




امي من عرفت وهي تبكي يا بنات قسم بالله لا تتسحر ولا تفطر زي المسلمين




ابوي يقول لها ان ما زاد غلاك ما هو ناقص ، وانا احبك ومن ذا الكلام ، بس بتزوج




ويضرب لها امثلة برجال جماعتنا اللي تزوجوا وصار زواجهم نعمة لزوجاتهم ، او اللي تزوجوا وخلفوا عيال




ابوي متدين الحمدلله ، وامي تحترم ابوي ، علاقتهم الحمدلله زينة ، ما تصير مشاكل كبيرة بينهم الا اذا مناقرات بدون طوالة السن




* امي موظفة ومن اخذت ابوي وهو بطاقتها معه ما اخذتها غير من 4 سنوات تقريباً ولا زال يصرف منها




السبب يمكن من امي لأنها ما عودت ابوي على ان البطاقة ملكها مو ملكه وابوي يحسبها راضية الله اعلم




قال لها بكتب لك البيت باسمك ( يقصد بيتنا ) وقال لأمي دفعتي اكثر مني فيه وما انكر فضلك




بس امي صغرت الدنيا بعينها وما همها شي لا بيت ولا فلوس ولا بطيخ اللي تبيه بس ابوي ما يتزوج عليها




امي لها اعداء كثير وطبعاً زي كل زوجة اولى خايفة من الشماتة ااااه يا امي يا حبيبتي




( امي ما انكر كانت ايام الدراسة تنشغل بشغلها كثير عننا وعن زوجها وبيتها ، وكنت انصحها تهتم بابوي شوي وتخلي شغلها فترة ما تسمع كلامي كانت ضامنة ابوي مستحيل يسوي هالشي وتو من يومين لما كلمها ما صدقت شكت ان احد معبي راسه مع انه يحلف محد معبي راسه ولا شي )




وقال ابي اتزوج بدون سبب ، امك مو مقصرة معي بس بتزوج




ساعدوني بنات ايش اقول لها بخليها تقرا ردودكم