اختي همي @akhty_hmy

عضوة جديدة

ابوي بيزوجني وانا راافضة لاسباب .. ساعدوني الله يخليكم<تم الدمج الرد الثاني رقم 185

السلام عليكم ورحمة الله وبركاته

بدون مقدمات ولا شي بدخل علطوول

ابووي بيزوجني وانا توي باولى ثانوي بواحد عمره 28 سنة بالعطله الصيفيه
وانا رااافضة بس ابوي يقول الا بتتزوجين انه رجال ماعليه ..إلخ
وانا امي توفت (( الله يرحمها ويجمعنا بها في الفردوس الجنة))من بعد ماجابت اختي بسنة او اقل ماادري كم بضببط
وانا اكبر وحده و عندي اخت وحده بس باولى ابتدائي عمرها 6 سنوات و7 اشهر << مدخلينها قبل عمرها للمدرسة

المهم ان ابوي يقول بتاخذينه بالعطله خلاص انتي كبرتي ومصصم اني اتزوجه
وانا مااودي به لان صرااحه مااعرف لا شي في هالامور
لا اعرف اطببخ ولا انظف ولا اسوي اي شي وحتى الصحون لوبغسلها كسرتها كلهاا مااعرف شي اببد
باللهي وشوله ماخذني !! اقول لابوي اني مااعرف شي يقول لا بتعرفين كل البنات ماايعرفون بعدين اذا قعدوا كم شهر او سنة عرفوا
وحتى مااعرف في امور الزوااج شي

والشي الثاني اني ابي اكمل درااستي << هذا السبب حتى لو تزوجت بكمل درااستي غصب عنه بس هو سبب من اسبااب اني رافضه الزواج

والشي الثالث اختي ماابي اخليها عند احد ابد ابيها تكون داايم عندي وابوي قلت له خلاص لو وافقت على الزواج لوو اقدر اخذ اختي قال هو تقدرين بس بعد 6 شهور او سنة وبخليها عند عمتك
وانا مستحيييل اخليها لو نص يووم وعمتي داايم تعصب عليهاا وتضربهاا حتى حتى ابوي ماضمنه اببد اخاف يضربها
اختي ماادري وش سالفتها بس انها انطوائيه كثير وتستحي كثير وخوافه واذا قلتي لها شي مااتستوعب الا بعد عنااء
وهم اذا طلبوها و قالوا لها شي تقعد تناظرهم وهم يحسبونها انها تعاند ويقعدون يضربون فيهاا ويسحبونها وهي اصلا مااتدري وش يقولون
انا اذا بغيت منها شي يعني مثلا ابي اقولها ابي قلم اقعد اقول ابي قلم ابي قلم ابي قلم اقولها حوال 120 مرره الين تفهم بعدين تستوعب اللي اقوله
تروح بسرعه تركض وتجيبه وهي فرحااااانه مرره جد ارحمهااا
واذا جيت ادرسها اقعد العصر كله والمغرب كله ومرات العشااء عشان اقريهاا ولا احل لها وااجب مو انها مااتسمع لي ولا لانها تلهى بشي ثاني ولا لانها مااودها تدرس بس هي مااتفهم بسرررعه اللي اقوله لها
ومااتحب تللعب مع الصغار اللي كبرهاا اببد دايم سااكته ولا قد تكلمت مع اي مخلوق ماتتكلم الا معي
واذا بكت ولا جاها شي يعورهاا تبكي بصوت خفيف وتسكت عن حقها كثير ولا تقولي اي شي الا اذا سألتها اقعد مع ساعة عشان تقولي وش فيها ووش اللي تبيه
قد يوم ضربتها عمتي وقعدت تبكي انا عصبت ورحت لعمتي وقلت لها انها مو بسرعه تستوعب تقول الا بس هي معانديه وتقولي شوفي يمكن انها تشوف اشيااء تبيها في المدرسة وتغار ولا تعطينها شي انتي انتي حارمتها :(
وانا والله مااقد قصرت معها بشي والله يعني ابوي اذا ودانا السووق اي شي ااذا شفت عيونها طاايحه عليه اشتري لها ومدلعتها ومرتبتهاا يعني مو مخليتها كذذا سيبه وحاطتها بعيوني والله اني اهتم بها اكثر مني
واللي يقهرني عمااتي دايم ضرب فيها هم اصلا مايحبوننا بس مايكرهونننا مااعرف كيف اقولكم يعني وشلون يعني احنا كأننا عندهم عيال الجيراان لان ابوي اللي هو اخوهم بسببنا ماتزوج وحده ثانيه لان هو يقول هم بنات وين احطهم فيه !!!!!!!
المهم يعني لو بتزوج واحط اختي عندهم على قولت ابوي 6 شهور ولا سنة يمكن القااهاا ميته وهم ماايصبرون معهاا دقيقه وحده الا وهم مهاوشينها اجل لو بيدرسونها وبيأكلونها .... إلخ وش راح يصير فيها ؟!

(( انا عشت اغلب عمرري في هم وكدر وضيم شفته منهم ماابي اختي تشوفه ابد ))

يمكن مااقدر اخلي اختي اسعد انسانه بس بحااول
لان فرقى الام شي صعب صعععععب :(

المهم وقلت لابوي عن هالاسبااب كلهااا بس يقول كلمة وحده انا ماراح ابقى لك فاهمه

تكفون بنات سااعدوني والله مالي الا الله ثم انتم
وشلون اخلي ابوي يرفضضضض
وبنات لو تزوجت وش اسوي مااعرف شي لا اطبخ ولا اسوي اي شي ساعدوني
واختي ابي اي طريقة تكون داايم جنبي ماابي اخليها عند اي انساان حتى ابوي لان ابوي اكيد بيحطها عند الشغاله وانا ماابي الشغاله وحتى ابوي مااقد كلمها طول عمره ولا يعرفها ابد كثري يعني لو يقولها شي وهي مااتدري وش يقول اكيد بيعصب عليها ولا يضربها ولا يصرخ عيها وانا ماابي احد يلمس اختي

بنات ساعدوني والله راح ادعي لكمممم من كل قلبي تكفوون طلبتكم لا تخلوني

اسفه اني طولت عليكم بس مااعرفت كيف افضفض لكم واقول
ااسفه :44:

تابع الرد 185

244

47K

يلزم عليك تسجيل الدخول أولًا لكتابة تعليق.

تسجيل دخول

مصرقعة هانم • 13 سنة

ابوك يلمح يبغى يتزوج وهذا معنى كلامه " انا ماراح ادوم " ,, انت فهميه انه اذا يبغى يتزوج بكيفه لكن مالكم فيها صالح ولا لها عليكم كلمه ولا يخليها تتدخل فيكم ,,ولا حتى ياخذو شورها ,, والزواج يتاجل اليين على الاقل تخلصين ثاني جامعه ,, قولي يابوي انت عزوتي ومالنا غيرك وين ترمينا ؟؟ تبغى تشوف نصيبك الله يوفقك لكن لا تحطني وانا بزر واختي توليها اللي ما يرحمها ,, انتظر كم سنه اكمل دراستي وانتبه لاختي وتكبر شوي ..

د.سمر • 13 سنة

ياعمري عليك وعلى اختك ..ياقلبي ماعندك خالات حبوبات بمقام امك يكلمو ابوكي ..

قولي لابوك بكمل دراستي الشهادة مهمه في هادا الزمان لاتضيعها انتي صغيره مره على الزواج ومسؤلية

حاولي يالغلا وكملي دراسه ياعمري

الله يفرجها عليك

جـرح يقتـل • 13 سنة

أول شي انا احبـــــــــــــك جدااا

واحب طيبة قلبـــــــك وحرصــــــك على اختك

واحب المشاعر اللي جواك نـــــــادره هالزمن

بالنسبه لي اشوف ان كان الرجـــــــال كويس واخلاقه زينه وافقــــــي .. وممكن تاجلينها لزواج فترة ..

ممكن تاخذين اختـــــك عندك من وقت لوقت ان كان زوجك يسمح ليش ماتكلمينه وتنقلين له مشاعرك او ترسلينها له برساله ... انا متاكده انه بيعجب فيك اكثر لو قرى الكلام اللي احنا قريناه

.. طيب ماعندك خالات يهتمون فيهــــــــا

ياحبيبتي والله انك من انبل واكرم الناس اللي مروا علي ....... الله يوفقــــــــــك ويصلح حالك وحال اختك يارب

بالونه بالهواء • 13 سنة

الله المستعان
مشاعرك اتجاة اختك جدا رائعه وانتي لها بمثابه الام البديله
*انتي بالنسه لموضوع الزواج استخيري الله 00صلي صلاة الاستخارة
مرة ومرتين وثلاث وان شاء الله يوفقك بحياتك
واستغلي الوقت الان في الطبخ ادخلي المطبخ ومعك كتاب وجربي مرة تخيب والثانيه تصيب
والانسان يتعلم ماانولدعالم بالتجربه والممارسه يضبط معك كل شي الطبخ والتنظيف
واذا الله اراد وتزوجتي ليه ماتعيشين عند اهلك اذا كان بالبيت ابوك واختك بس 00او تسكنين بيت بنفس حي اهلك عشان تكوني قريبه منهم لو احتاجوك
الله يوفقك ويسخر لك 000

تهت بحبك • 13 سنة

حبيبتي اذا الرجال زين تاكدي ابوك ادرى بمصلحتك
وكلنا تزوجنا واحنا ما نعرف شي ماعليه تعلمي فترة الملكه اشتغلي بالبيت ادخلي قسم الطبخ بالمنتدى وتعلمي
واختك حبيبتي شوفي مين احن وحده من عماتك و فهميها وضع اختك زي ما قلتي لنا
او حتى وصي عليها البنات اذا عمتك عندها بنات
وقبل زواجك بفتره كثري زيارتك لعمتك اللي اخترتيها ونامي احيانآ عندها عشان اختك تتعود عليهم واذا خرجتي سوق او اي مكان ودي اختك عندهم ووصيهم يلاعبوها عشان تتأقلم عليهم
او
اذا ترتاحين لوحده من خالاتك وتشوفينهم احن من عماتك كلمي ابوك انك تخلين اختك عندها
بس اهم شي
اللي تخلين اختك عندها فهميها زين حالت اختك