ابوي بيفصل خواتي من الجامعه عشان زوجته؟؟ وش الحل

لا حول ولاقوة الا بالله

ربنا يهديه ويصلح حالكم

تعالي شوفي فرحتي ببنت زوجي وهي في الجامعة وربي ماوسعتني الدنيا كنت ازن على راسها تسجل بالجامعه
واكلم قرايبها انه يقنعوها لحدت ماسجلت ربنا يسعدها ويحقق امانيها هي واخوانها واولادي كلهم
في دا الزمان ماينفع البنت الا دراستها

ربنا يوفق اخواتك وتشوفيهم بااعلى المراتب

اول شي ان شاء الله ربي يسمنك بصحه وعافيه
ومالكم الا الدعاء الله يصبركم

لازم واحد يوقف ابوك عند حده واذا كان لكم عم اخو لابوكم اشكو ابوكم عنده

واذا تعقدت الامور خلي خواتك يروحون يعيشون عند اخوك المتزوج

ويعفون اخوك من مصاريفهم ويصرفون على انفسهم من مكافأتهم

ويفتكون من ذل ابوك وزوجته

وبالنسبة انه ممكن يفصلهم حتى لو عاشوا عند ابوك اسألوا محامي كيف تحولون ولاية خواتك لأخوك

والله يفك ازمتكم وحسبي الله على كل زوجة أب ظالمة جعلها تشوفه بعياله وحريمهم وجعله تذوق اللي ذاقته امك

وبعد حسبي الله على كل زوج يفرق بين زوجاته ويظلم وحده على حساب الثانية جعله يشوف عقاب الله بالدنيا قبل الآخرة

الله يهديه ابووك حاط عينه على مكافأه هالمسكينــآت
خلها تكفي مصروفهم وكتب الجامعه ومصاريف الجامعه ماتنتهي الله يهديه بسس
بس يااختي لاتستسلموون هذا مستقبلهم وخلهم يشدون حيلهم ويتمسكون بدراستهم هذا املهم الوحيد من بعد الله
عشان يتخرجون ويتوظفون ويعوضون نفسهم وامك المسكينه

وششي يقهر يضغط ع بناته الي جزء منه عشان زوجته

واذا ع المكافأه يقولون له مانقدر لانها يادوب تكفي مصروف الجامعه

وربي يعينكم ويهدي ابوك لكم دعواتي لكم ان ربي يفرج همكم :(

الله يسعدكم كلكم

ياحبيتي اخوي ساكن بشقه صغيره ببيت اهلي مايقدرون يروحون خواتي عده ولوفرضا ان اخووي براا وبيروحون له تبين ابووي يذبحهم ويسووي مشاكل مع اخووي وامي وش ذنبهاا
غير كذاا اعمامي ملووا من مشاكل ابوي ولوتدخل عمي ابوي بيقول له مالك دخل بيني وبين بناتي وبيقلب السالفه على امي والبنات وبيقولهم ليش تطلعون اسرار البيت
وبالنسبه للمحاممي مايمديها ابد ابد بيصير مشاكل اكثررر
الله يجزاكم خيرر