السلام عليكم ورحمة الله وبركاته
لاحول ولاقوة الا بالله ,,
اول شي اشكر اختي لاتموت الاماني ع انها سمحت لي اكتب بمعرفها
و ثاني شي وربي مو عارفه كيف والا من وين ابدأ
انا يابنات ابوي انسان عصصبي و عليه تصرفات غريبه ,, يعني جاف معنا احنا ياعياله و جاف مع امي حيل ,, و غير كذا دايم يقول كلام جارح لها قدام بنات اخوانه المتزوجات ,, احيانا يقول انا صابر عليك والا انتي مين يتزوجك ! و اذا تكلمت يقول يوووه >> بنبرت استهزاء وتحطيم
و بنات اخوانه و غيرهم من محارمه يقولون ماشاءالله عليك يافلانه كيف مستحملته !>> يقصدون امي
وامي كثير يحز بخاطرها مثل اي احد بالدنيا ,, اذا الوحده مالقت الكلمه الحلوه من زوجها ع الاقل ماودها تلقى السبه ! ,, امي صابره عشانا لاني ابوي لو راحت وتركتنا ماعنده مشكله يزوجنا لاي احد او يخلينا خدم لعماتي بس عشان يقهرها و كثير يهددها بهالشي لا صارت مشكله بينهم ويهددها يمنعنا من دراستنا عشانه عارف ان الدراسه الحق الوحيد اللي ماخذينه بهالبيت وتقدرون ترجعون لكذا موضوع لي ع هالمعرف يتكلم عن وضعنا ..
طبعا فلوس مايعطينا ولا ريال لانه عاطل عن العمل ,, عنده ارصده بالبنك وعنده ارض بس جالس مو راضي يتحرك و يسوي شي ..
وربي يابنات بيتنا نصه مو مؤثث و النص الثاني فرش قديم بدون كنب !
مانطلع من البيت الا لخوالي او اعمامي و مدارسنا ,, ملاهي لا .. سوق عند الحاجه بس ,, اما نروح لمول من الجديدات نتمشى او نتعشى ممنووووع,, جارات ممنووووع ,, و امي ودها تروح تشوف العالم تفك عن نفسها ,, ماغير بزوايا الصاله وهو يدخل ينام ويطلع حتى الاكل ياكل برا عند اصحابه واحنا والله ليالي ننام بدون عشا او خبز او رز ابيض ويارب لك الحمد ..
زواجات مانقدر نحضر فوق انه ممنوع كمان عشان المصاريف .. والعيد فرحته قتلها بعيون اخواني الصغار لا ملابس ولا حلاو عيد
كل هذا وامي صابره وتردد اذا كبرتوا بتعوضوني رغم ان بداخلها تحس ان عمرها راح مع انسان بالنهايه ماقدرها ولا هو اللي عزها ولا هو اللي تركها تعيش حياتها ع الاقل تتعرف ع جارات صديقات تنسى همومها معهم :44:
كل هذا الكلام عشان تعرفون وضعنا ,, والله يابنات امي استحملت شي عظيم والله لو اني مكانها مااقدر ,, والله اني كرهت الرجال من معاملة ابوي لها ,, واقسم بالله انها حنونه وانها ماتقصر معاه بشي وفوق هذا كله مره ضربها وضربنا عشان جبنا قطعة اثاث في البيت بدون أذنه وانقهرر لانه يبي طول عمره يحكرنا ,, المهم انها بكت يابعد عمري ياجعل عينها ماتشوف الا السعاده ,, وبعدها بشوي قالت روحوا شوفوا ابوكم لايكون ارتفع ضغطه >> لان معاه ضغط
تخيلوا يابنات مره بنت عمتي كانت بتطلعنا لحديقه وكان رافض تدرون ليش ؟ >> لانه مايبي يفتح عيونا مايبغانا نشوف ان الناس عايشه وتروح وتجي عشان مانطالبه بهالشي !
بعد هذا كله بعد صبر عشرين سنه لامي معاه ,, اكتشفت من كم يوم انه متزوج مسيار وحده برا الرياض ويسافر لها كل فتره ويبغى يجيبها ويقسم بيتنا لها ع اساس تكون قريبه منه
واحنا ورب البيت تجينا ايام نروح لمدارسنا بدون فسحه ! و تجينا اعياد نبكي قهرر نبي لبس عيد قدام بنات خوالي اللي مايدرون وش وضعنا وبيتنا مايزورونا فيه نجتمع ببيت جدي
و ربي اذا رحنا لمناسبه والله اننا ماعندنا ثقه بأنفسنا لانا ماتعودنا كيف نتصرف عند مجموعة حريم وبنات .. والبنات اللي بأعمارنا رقص و وناسه وثقه ,, اشوف بعيون خواتي الصغار الانكسار!
كل هذا وكنا راضين بوضعنا ونقول بكره احسن بكره نتخرج نتوظف تهون ,, لكن هاليومين لما اكتشفت امي انه متزوج مسيار وصار يلمح بيجيبها لبيتنا ,, امي انقهرررت مانامت الا ساعه طول اليوم ..
تقول حسيت ان عمري ضاع مع انسان ماقدرني .. فوق اني صبرت ع الفقر و ع المعامله السيئه جررحني وماقدر صبر عشرر سنين حكره و بدون فلوس و معامله جافه ..
ااااااااااااااااه يابنات مقهوووره عليها .. خايفه يرتفع ضغطها خايفه يطق فيها عرق من القهر ,, الحرمه لما يتزوج عليها زوجها وهو مو مقصر تنقهر فـكيف بأمي اللي قصر بحقها وعاشت اقل مماتتمنى اي انسانه وبالنهايه حط وحده ع راسها ويبغاها تشاركنا بيتنا اللي ما اثثه حتى ..
بنات امي تاكدت انه متزوج مسيار وهو يلمح بس ما اعترف وانا قلت لها لا تقولين له انك داريه عشان ماتهونين عليه الموضوع وبكره يجيبها بس المشكله هي مو قادره تمسك نفسها من القهرررر :44:
وش تسوي ؟ تواجهه ؟ والا لا ؟ تحاول تسحبه لجانبها ؟ والا تبين له زعلها ؟ تكلم الحرمه وتقولها عن وضعنا ؟ والا كذا بتتأزم المشكله ؟
تكفون يابنات شوركم انا قلت لها بكتب لبنات حواء ومارح يقصرون واللي ماعندها حل تدعي لها او تسوي ع الاقل رفع حطوا نفسكم مكانها الله لايجعلكم بهالمكان
انا بخليها تقرا ردودكم .. تكفون ادعوا لها وانصحوها وبردوا ع قلبها الله يبرد على قلوبكم
هذا الموضوع مغلق.
حبيبتي نحن لا نعلم بشخصية والدتك بالضبط حتى نعرف طريقة التعامل معه وربما الحل برأينا لا يتفق ولا ينجح مع والدك , لكن أظن أن سبب ما مررتهم به ومرت به والدتك أنها اعتادت على الضعف في موقفها وليس قصدي أن تكون قوية أو كالرجال في تعاملهم بل على الأقل تأخذ حقها خاصة حقوقها الشرعية من نفقة وغيره , وكذلك والدك اعتاد منها موقف الضعف وعاشت حياتها للتضحية فقط ولم تجعل لنفسها حق بل ضحت به لأجلكم , ولذلك أنا بنظري أن التعامل بقوة في موقف والدك أفضل لأني أحس أنه خائف أن تثورون في وجهه أو حتى تطالبون بحقوقكم , لذلك لتستشير والدتك أو أنت بالنيابة عنها مختصين في المشاكل الأسرية حتى تكونوا على بينة في أمركم , والزموا الاستغفار والصدقة وقيام الليل وقراءة القرآن خاصة سورة البقرة ورددوا دائما اللهم كما ألنت الحديد لسيدنا سليمان ألن قلب والدنا علينا .
وفقكم الله وفرج همكم ورد لكم والدكم وألان قلبه عليكم ويسر أموركم كلها وعوضكم بالأزواج الصالحين الأتقياء وأسعد قلب والدتك
وفقكم الله وفرج همكم ورد لكم والدكم وألان قلبه عليكم ويسر أموركم كلها وعوضكم بالأزواج الصالحين الأتقياء وأسعد قلب والدتك
آلسآمريه
•
وربي انا أعرف إنسانه عزيزه علي نفس المعاناه ووإستحملت عشان عيالها نصره ربي وطلعو عيالها ماشاء الله وعوضوها صبرها وبعد ماتزوج افتكو منه وقلت المشاكل وصار ينشغل عنهم كثير والحين مريض يعاني ......... الله يمهل ولا يهمل ياقلبي اصبروآ وصبريهآ لأن الله مع الصابرين وبيعوضكم خير ... وإدعي لأبوك بالهدايه .... الله يآآآآآآجركم
الصفحة الأخيرة
شوفي خلي اخوالك يتأكدون من الوضع ويتدخلون
لان المره اذا تورطت مع رجال ما ينفع
خلي امك تملك اخوالك يجوون عندكم مثلا تعزمهم وتوريهم البيت
وتقولهم انه متزوج وهم يحلونها
اتوقع اخوالك رجال ويعرفون كيف يتصرفون مع ابوك
وان شا ءالله ربي ييسر عليكم