ابوي تعب من خواتي للأسف

مرحبًا بنات
مدري من وين أبداً
لكن عندي خوات ثنتين صغار اتعبو للأسف ابوي
كل يوم طلبات طلبات بس يناظرون
الناس ويناظرون صديقاتهم الدنيا تغيرت ادري
والكل صار يسوق خواتي لما شافو كلً صديقاتهم
صار عندهم سيارات جننو اهلي وابوي مره ع قد حاله
قسم بالله اني ارحمه وهو يقولهم جبتو لي المرض ترا
اذا قامو يغثونه ياخذ لهم قرض وكل راتب ابوي ٨ الاف لو اخذ قرض وش بقى ؟
لحالها فاتوره الكهرب ١٨٠٠
غير كذا لما تجي اتكلم انا وأقول من وين له ابوي
بس تناظرون السنابات والناس وتغارون
يقولون انتي مالك دخل خلاص ماتبين كيفك
ولا كلمتهم المعتادة
ماحد قاله يجيبنا للدنيا دام انه موب قد الصرف
يحسب حياتنا نفس حياته
طيب هو من وين له !!
المصيبه كل خواتي الثنتين فاشلات بدراستهم
وعلل يبون ابوي يحقق لهم كل امانيهم
زي سفر برا سيارات ماركات واشياء كذا
قسم بالله كرهت التطور وكرهت المظاهر وكرهت كل شي
لما صرت اشوف الهموم ب ابوي وامي من خواتي
اللي مافيهم رحمه
كل همهم فلانه وعلانه
ولما اجي افكر اقول بنفسي والله مالومهم
البنات صايرات بزياده اخذين حرياتهم وناس محققين
لبناتهم كل شي وهم مو مره
فهم يشوفون اللي من جيلهم ويبون زيهم وهذا اللي كرهني
بالتطور اللي جالس يصير والله اننا كنا
لاحظو كنا ناس بحالنا محافظين فجاه خواتي صارو يشوفون صديقاتهم وقريباتي يحضرون
حفلات اغاني واشياء ماترضي الله صارو يكسرون
كلام اهلي ويسون كل شي ويدرون ان هالشي يزعل ابوي وامي لكن ماهمهم
كل كلامهم انتي تحسبين عايشه بالعصر الحجري
توك بعد باقي ٢٠٣٠
ماتحسين بالتطور اللي جالس يصير هذا كلامهم لي
او خلك بالقوقعه حقتك !!
عايشه بعالم ثاني صرت أشوف بنات من اقاربي والله العظيم
كان يضرب فيهم المثل ب العقل والسنع فجاه انقلبو
صرت اقول والله مالوم خواتي وبنفس الوقت
خايفه عليهم اجل الحين انصدمت ان صايرات
بعض لبنان ينافسون العيال يكشتون
او يطلعون شاليه وبلا كل وحده تجيب شيشتها ولا دخانها
صديقتي تقول كل قريبتها كذا يشيشون
واهلهم مايدورن
ونفس الشي اختي تقول كل صديقاتي
بكل طلعه ينقلون الشيشة الإلكترونية معهم
مادري الحياة صارت كذا وشي عادي
او انا اللي على كلام اختي عايشه بعالم غير العالم
ومو حاسه باللي جالس يصير وان الشي هذا عادي
احس اشتقت لحياتنا قبل اشتقت البساطه
للأسف البنات فجاه بدون مقدمات تفلتو فجاه
كانهم كانو مكبوتات ولا صدقو يشمون شوي حريه
اخذو البعض الحريه بقلة الأدب
وصارو يكسرون كلمة اهلهم الاب وآلام صار مالهم كلمه
ولا لهم حكم على البنات اقسم بالله ان الحين بعض الشباب صايرين مطيعين اكثر من بعض البنات وهالشي شفته قدامي
شفت ام ملتزمه تتكلم عن بنتها بقهر تقول فرطت
من يديني عجزنا عنها وكل شي معها الحين
ليش بعض البنات ماتفكر الا بس بنفسها ماتفكر بسمعه ابو وام وأهل
واذا جلسو يتهاوشون معها من ضمنها اختي قامت تقول
الله يلعن عيشتكم شوفو الناس كيف عايشين
وأنتم كأنكم العصر الحجري والله لاهج مثل غيري اللي هجو وكلام ماينقال صارو اهلي يسايسون خواتي وكل شوي تزيد طلباتهم
وكل شوي تزيد عنادهم لدرجه وحده من خواتي تناطح ابوي وتقول مافي فرق بين بنت وولد مثلي مثل الرجل انا بكل شي