ابوي تغير علي

كثري من الصدقه يالغاليه عن ابوك و امك
و اشتركي مع ابوك و امك في عمل الخير
و طرق الصدقه و الخير كثيره لا يشترط ان تكون دايما بالمال

هذا حال الكبر احتمال موضوع التقاعد +مرضه الله يشفيه عامل له ازمه الرجال عكس الحريم يحبوا يشتغلوا مايحبوا الجلوس كذا بدون شغله بس مصيره بيتعود يتأقلم اما بالنسبه لمرضه حاولي انتي واخوانك واعمامك تجمعوا له المبلغ للعمليه مايصير كذا جالسين وشايفينه يتألم وساكتين اقنعوه يعملها والله حرام ترى المرض يفقد الانسان لذة الحياة وامك اكيد تغيرت لانها شايله همه الله يطول بعمر والديك ويرزقك برهم

يمكن في موضوع يشغل بالهم انتي ماتدري عنه دام امك صارت كيذا كمان


ادعي،لهم دعاء الولد للوالدين مستجاب وادعي بالثلث الاخير تري الدعاء زي السحر نتايجه بس اهم الشي الدعاء مع الايقان بالاجابه

وعليكم السلام ورحمة الله ..


جزاك الله خير على ملاحظتك والديك حتى نفسياتهم
واضح اعراض اكتئاب يعاني منها ابوك ،، ولا تحسبينه عين على التفس ان يُحال للتقاعد وخاصة اذا كان قيادي ناجح في عمله وله مكانته بين الناس ،، لذلك اغلب متقاعدينا يتزوج ليثبت للناس ولنفسه انه مازال شاب ومعطاء..
انت تقدرين تأثرين عليه بالتفاؤل عطيه ابحاءات نفسيه ان التقاعد بداية اجمل مرحله للانسان .. يصير الشخص يعمل لنفسه ولأسرته بعد ان ادى رسالته للوطن ..
خل يبه نبدأ نحفظ قران ،،، ولو يسجل نادي خاص بالمتقاعدين بيتعرف على تاس مثله كثر وينسجم معهم شوي شوي ..
ممكن حالته الصحية ما تسمح له ابحثي له عن علاج طبيعي جلسات تريحه وتخفف الالم ،، او المشد البي يرفع الرقبة ويزيل الانضغاط ..
اذا امكاناتكم تسمح سافرو السفر يجدد النفسية ويشعره انه استفاد من التقاعد استجمام وجو عليل وامطار توسع الصدر
لو شفتي ان حالته تزداد ومافيه استجابة كلموا اقرب الناس له يحبهم ويحبونه خلهم يجون يزورونه ومرات يصطحبونه معهم لجلساتهم ..
واخيرا ،، روحي لطبيب نفسي واشرحي له حالة والدك وممكن يصرف لكم حبوب مضادة للاكتئاب مفعولها واضح جدا على النفسية ،، يستخدمة فترة ثم يتركها بالتدريج حسب حالته


قدامه العافية الله يحفظه لكم ولو تقرين له في الماء المعوذتين والاخلاص واخر سورة البقرة مع الفاتحة سبع مرات ويشربها بتلاحظين فرق كبير

فعلا زي ابو زوجي قبل يتقاعد فرفوش ووناسه بعد جلسة البيت بدأ يتعب وممرض وجاه ضيقة صدر والحين يعالج عند النفساني الله يشفيهم فعلا جلسة البيت للرجل مرض