ابوي توفى 💔

السلام عليكم
بنات انا تعبانه ابوي توفى الله يغفرله ويرحمه واليوم خامس يوم له واحس اني لسى مو مصدقه قلبي فيه زي الطعنات كأن شخص ماخذ سكينه ويطعن خصوصا لما شفته في المغسله وسلمت عليه ولمست وجهه اه بس ليتني مارحت للمغسله وشفته صورته وهو مكفن للحين في راسي حتى وانا اصلي ماتروح ، متى يخف الالم والشعور يابنات متى يخف الحزن اللي فقدت امها وابوها تقولي متى قدرت تجتاز هالالم وتمارس حياتها ، كل مانزلت للصاله لقيت امي تفطر شفت مكانه خالي وجتني الخنقه وطلعت اركض ابكي وعلى هالحال كل ماشفت مكانه وعصاته انهرت وبكيت ، وغرفته تعبتني كل مادخلتها انهرت ، امي احسها شايله بس قدامنا تسوي قويه بس امي تغيرت صايره عصبيه ومكتمه اذا جلست معها اسولف تسكت وتناظر الارض ماترد ، امهاتكم كيف بعد وفاه ابوكم ؟ اللي مروا بهالتجربه علموني واسوني تكفون تعبت حتى عيالي اهملتهم ، وادعوا لوالدي حبيبي بالرحمه والمغفره ، الله يرحمك ياابوي ويدخلك جنات النعيم