شكرا لكم يابنات كلامكم ريحني اشوي

حبيبتى مو كل من معاة شهادة واعى وفاهم للعالم من حوله
كل اللى عليك تكونين مكتبه عندك وتزيدين ثقافتك بكل شى عن التربيه عن الامور الطبيه عن الامور الساسيه
يعنى من كل بحر قطرة وابنى لك ثقافه
ولو حسيت احد استنقصك ردى وقولى وهو كل من معاة شهادة يعتبر فلته زمانه بعضهم جاهل لكثير من امور الحياة
وان التعلم مو متوقف على شهادة معينه بل وش كثر يقرا فى السنه من كتاب
لا احد يهمك
الحمدلله ان ربى رزقك بزوج كويس واولاد ربيهم احسن تربيه وبنشوف مين اللى بيضحك فى النهايه صاحب الشهادة الجاهل ام المثقف الواعى الملم بكثير من جوانب الحياة

اجل انا الى يسمى زوجى حرمنى من الدراسه الله يحرمه والله انه يختلق المشاكل وقت الاختبارات النهائيه ويرجعنى عند اهلى وان خلصت الاختبارات ردنى الله لايسامحه لين كرهت الدراسه بسبته

طيب تقدري تكملي إقنعي زوجك وعيدي الثنويه لأنه ماأعتقد يقبلو بشهادة ثنويه عدى عليها أكتر من 4 سنوات أم صحبتي أكبر أولادها يمكن نهاية العشرينات أو بداية التلاتين و عندها أحفاد وحاليا بتحضر الدكتوراه الأولاد والزواج ماهم عائق للدراسه

مرت ولد خال أمي أول ما إنخطبت إنصرعت خخخخخ وهيا تركت الدراسه في أولى ثنوي و على 17 سنه إتزوجت وخلفت بنتها الكبيره و كانت حامل في التاني قامت رجعت سجلت في تاني ثنوي من جديد وخلصت الثنويه من كم سنه ياما حريم على نفس الطريقه إنتي بس حطي الهدف في راسك ولا تخلي أحد ينظرلك نظره عشان سبب إنتي تقدري تغيريه

حبيبتي سامحي ابوج وادعي له..
مها كان هذا الوالد حتى لو كان متزمت..

بالنسبة للدراسة.. كملي انتساب..
مع ان كثير ناس مخلصين جامعات وثقافاتهم صفر..
وانا قابلت امثالهم ف حياتي..

وفيه بناات بس الاعدادية وماشاءالله..
متثقفات وفاهمين التكنولوجيا والنت وحتى بالسياسة!

الانسان هو اللي يطور نفسه بنفسه..
مايحتاج شهاده عشان يثبت انه مثقف..


ف الدولة الدراسة بالانجليزي ف كل الجامعات..
تدربت مع بنات وبعضهم شهاداتهم ماستر..
والله مب شماته بس الانجلش مايتكلمون عدل!
شلون تخرجوا ماعرف!

هذا دليل على ان الشهاده ماتثبت درجه ثقافه الانسان..

وترى الوالد يوم حاول يحرمج من الدراسة والله مب حسد..
كثير مثله..
تفكيرهم منغلق والخوف متمكن منهم..
هذا هو السبب..

عكس الازواج اللي يحرمون حريمهم بسبب الغيره والخوف من انها تستقل :@

ادعي له واذكرية بالخير..
مهما كان.. بر الوالدين واجب ياقلبي..
ومتاكدددده مليون ان اللي سواه كان نتيجه خوف وحرص زايدين..


موفقه,
اختج,
ألميرا