ابوي طردني قدام زوجي

السلام عليكم ورحمه الله وبركاته

الى اخواتي العاقلات صاحبات التجربه فقط ولا اريد من هي من عبدة الرجال اللي بتقولي تعطري واكشخي ترد علي منعا للاحراجات

انا مشكلتي من البدايه باختصرها تزوجت ولد عمي بالضغط من ابوي بعد الزواج راح اهو لمدينه ثانيه يشتغل فيها وانا عند اهلي وكان يجي كل فتره وزواجي مدته 6 شهور وكنت ما اطيقه وكنت اتعب كثير ومضاربات كثيره صارت بينا كان عصبي وراعي مشاكل وماريحني المهم في احد الايام قومني من النوم وسوى مشكله كبيره لحظتها انفجرت وحسيت ماني قادره اتحمله طلعت من البيت اليوم الثاني لانه سافر ورحت لاهلي وقفلت جواللي عنه شهرين وطلبت الطلاق وصاربينا بس مكالمتين كلها تجريح في تجريح

المشكله هنا ابوي عنده 9 بنات وزوجتين ويعاملنا كالسلع وماعمري حسيت انه اب قاسي وجبار
في البدايه وقف معي ويوم شافني مصره عالطلاق خاف اني ارجع واقعد في كبده صرت بينا مشادات كلاميه جاء يوم اتصل على زووجي وضربني قدامه وطردني معه من البيت مع زوجي ورجعت لبيت زوجي مهانه مكسوره مجروحه حزينه خائبه الامل الحين اهو تغير شوي واتوقع قريب بيقلب
المهم انا الان طالبه في الجامعه واهو مو معارض على دراستي بس تجيه حالات يتسلط انا الحين حالتس النفسيه زفت

احس برعب خوف ارتباك توتر شيئ مو قادره اشيله من خيالي حاسه اني لا مكان ولا اهل ابوي كبر المشكله ومنع امي وخواتي من الزيارات وصار يقول ان خالاتي مغيرين ي

انصحوني وجهوني عطوني ذره امل زوجي يقولي انه يحبني بس ما اقدر اصدق احس كل رجال الارض زي ابوي المشكله اخوي وابوي كانو منفذين المخطط
انا انسانه مجروحه ماعندي مصدر مادي وامي مش موظفه ولا عندي بيت احس المستقبل مجهول احس بيجي يوم بانرمي في الشوارع


عزيزاتي مشكلتي الحين نفسيه طول الوقت مرعوبه وخايفه وحاسه بيصير لي شيئ شين وما اصدق من زوجي ولا كلمه حلوه

واهو يبيني احمل صايره احس انه يبيني احمل عشان يربطني بالاطفال احس انه يبي يهددني بهم افكار سوداويه جدا مع اني مومنه ان الحمل بيد الله

بس لاتلوموني انا توني صغيره عمري 20 سنه وعشت عند اهلي في بيت كله جحود

الله يحفظ امي ويطول بعمرها

يعني هل الحمل و مافي يدي مانع حمل ما اقدر