ابوي قال هذا مامنه خير اتركيه وعياله يجونك كل يوم وانا أتكفل فيك

السلام عليكم أخواتي أنا استشرت مستشار ومارد علي فنزلت لكم الكلام مثل ماهو ابي ارائكم
مشكلتي هي متزوجة من17 سنه عندي 4 أطفال أكبرهم بعمر 15 وأصغرهم بعمر 3 سنوات من بداية زواجي كان دائما زوجي إذا فضفضتله عن اي شخص أذاني يقول اكيد انتي السبب اكيد انتي مسويه شي هذا الشخص ماذاك إلا من فعل انتي سويتيه ودائماً أنا المسؤله أنا السبب ،،بعدها فهمت انه ماعاد افضفضله ،، اي سالفه اقولها او موضوع يقول اسكتي او يمسك الجوال يطنشني مايجلس بالبيت 24 بالاستراحة يشيش مرات بالملحق ينادي أصحابه ويشيشون يسافر الوحده سياحه تقريبا بالشهر مره لازم سفره ولا اقوله شي بالعكس ارتاح انه راح لانه إنسان عصبي انتقادي إذا دخل البيت جميع من في البيت يتوتر ماعنده ادنى رقي يشتم يلعن يزاعق في أقوى صوت على شي سخيف جدا مع الناس يسلف ويعطي مع بناته مايقصر لكن أنا إذا عطاني شي بسيط 1200﷼ شهرياً رغم ان راتبه كويس يمكن يستلم من غير البدلات 33 الف وهذا غير البيت ملك وغير دوراته وغير اللي عنده بالأسهم ولا عنده اقساط بيت والعامله مزود راتبها 1800 زودها 300﷼ كان 1500أما أنا يستكثر علي الفلوس ودايما إذا حصل بيني وبينه نقاش حاد يقولي عطيني اللي حولت لك رجعي فلوسي الدرجة صرت أبيع مرات من ذهبي عشان اصرف ع تفسي الحد ما ابوي صار يساعدني ابوي الحمدلله عنده خير وربي مغنيه يساعدني لانه يعرف ان زوجي مايعطيني فلوس تكفي ،، زوجي يسافر بالشهر مره سياحه ولا عمري قلتله شي لانه يفكنا من شره وعصبيته حتى بناته صارو يتضايقون منه مره سفرنا بلاد خارجيه وكان فيه وانت بالكرامه كلب ينبح قام زوجي شافه ويقلده ينبح ،، بناتي زعلو قالو بابا انت رجال وأبو المفروض ماتنبح تفشل يابابا وانا تنرفزت مررررره من طريقة نباحه كانه خبل ولا شارب شي والسواق اللي معنا نقد عليه وتكلمت معاه غلط اللي تسويه لا تنبح إذا مر كلب والله الناس تنقد عليك قال مالك دخل مره من المرات بنتي طاحت في أبوها يكلم بنات بالسناب وقالت ياماما ترى بابا يكلم بنات بالسناب نبهته وقلت انتبه عندك بنات وانت قدوتهن وأبوهن مايصير وأنكر المره الثانيه جتني بنتي الثانيه قالت ياماما ترى بابا يكلم بنت بالسناب ونبهته وعصب وتنرفز صار يقلل بالمصرف أنا ماعندي أنا مامعي شكل الفلوس تروح على اللي يكلمهم بالسناب هذا غير صار يدقق بشكلي وراه شكلك كذا وراه ريحة عطرك شينه وراه البيت وسخ ،، مره طلعت معاه وجواله شابكه ع شاشه السياره ودق وتوتر وفصله بسرعه وصار يلف حول نفسه وده يرد وكان وقتها وقت نوم مايقدر يصرفني ثم نزل الصيدليه يقاله محتاج حاجه بس ماش بشوفه لان الصيدليه شفافه كل شي باين بالأخير قال بنزلك البيت وخابر بنتي تبي الصيدليه قلت بس هي حاطه برأسها حنا قال تغسله انتظرها رغم انه حار مره وعجل إلا انه قال عادي انتظرها بالسياره الحد ماتخلص وقالي انزلي البيت نامي وانا انتظرها نزلت لقيت بنتي الكبيره جالسه بالصاله والصغيره تتروش عشان تشيل الحنا قلت الكبيره بسسسسرعه البسي عباتك وروحي شوفي بابا وش يسوي وفعلا راحت لقته يكلم ويوم شافها سكر والثانيه يوم غسلت شعرها من الحنا وركبت السياره ورى أبوها شافته يكلم وحده بالسناب وعلموني بناتي قلت ترى أنا تركت لك الأطفال ورحت بيت اهلي وخلاص مليت منك ومن خرابيطك لامصرف زي الناس وزياده بناتك يقفطونك تكلم بنات بالسناب حتى ماسترت على نفسك كانت ردت فعله جا عند ابوي دخل عليه بالبيت بدون استأذان رب بنتك بنتك قليلة أدب وكلام كثير وراح يقاله زعلان خليته10 ايام دق بعدها يتشره أنا صراحه ألاحظ انه صايره ماتهتمين بنفسك وكلام وتبريرات طبعا أنا رديت عليه وقلتله كيف تبين اهتمّ وانت 24 ساعه برى البيت ؟؟؟ وهو طبعا رد وقال ترى أنا غلطت بسببك وانا مشيتها له بما انه دق وخاف وبرر مرت تقريباً 8 شهور بهدوء سافرنا سوى مع الأطفال لا يمشي معاي ولا يبي يكون جنبي وتحسه مشمئز حتى إذا حطيت يدي على يده يبعدها مايساعدنا في شناط السفر بالمطار يمشي الحاله مامعاه شي أنا وبناته نشيل الشنط سكت ومشيتها اللي حصل مرت الشهور بعدين مره كان جايب اغراض من السوبر ماركت وهو متعود اغراض السوبر ماركت يحطها عند باب الحوش واحنا نأخذها الجوى للمطبخ فدق مره مرتين ثلاث أنا كنت بالحمام مارديت جلس يزاعق علي بأعلى صوت وش فيك ماتردين ليش وينك شيلي الأغراض وكان يكلم خويه بالجوال وخويه يسمع بعدين قلت هدي نفسك واتكلم زين ليش التشتيم ماراح أشيل شي قال شيليييهن غصب بأعلى صوته مع تزعيق وصرااااخ ويمسكني مع ثيابي غصب واروح اقفل على نفسي بغرفه واخليه بعدها وش يصير يرجع بالليل ولا كانه سوى شي يدخل بالمجلس خلاص أنا اسف تبين عشاء طبعاً هددته لو تكرر هذا الفعل ماراح اجلس بالبيت لازم تخفف عصبيه وتقطع التشتيم عشان بناتك مايتعودون وتخرب اخلاقهم يسمعون أبوهم عطالعه والنازله يشتم مر شهرين وجا العيد جا ابوه عندنا يتقهوى ضاعت ساعه زوجي وهو يتوضى فسخها بعدين فقدها نسي وين حطها ويدورها ولا قالنا شي تحسبونه قال أنا أدور ساعتي يدور ع صامت ويدور فجئه ينطق باسمي في اعلى صوته يا فلااااااانه بزعاق وصراخ الله يلعنك وييييييين ساعتي وسمعه ابوه وأخوه قالو استهدي بالله وانا قلت تعوذ من الشيطآن نلقاها ولقيتها في المغسله ،، اسكت ومشيتها وعاتبته ليش الصراخ عند أبوك وأخوك عيب مايصير قال نزفزتوني وين وديتو ساعتي قلتله انت تتوضى وفسختها وش دخلنا حنا ،، نجي للطامه الكبرى هذا قبل3 أسابيع كنت جالسه أنا وبناتي بالصاله مع اذان المغرب بنتي بالمتوسط قالت بروح السوبر ماركت قلت روحي مع السواق وراحت طبعا هي مستأذنه من أبوها العصر فجئه نزل زوجي يهاوش ويزاعق اول شي سكرو التلفزيوووووووون بصوت عالي كلنا توترنا وسكرناه قال وين البنت قلتله طلعت السوبر ماركت وقالت انها مستأذنه منك قال بس الان وقت اذان مغرب طبعا كل هذا يقوله بصراااااخ وزعاااااق شديد ودق على بنته قال ارجعي ارجعي للبيت جت البنت وكانت خايفه ترتجف وهاوشها ليش تروحين المغرب وانا قلتلك العصر أنا تدخلت قلت ماتفرق السوبر ماركت مايقفل وقت الصلاة قال انتي كولي ……. واسكتي قال واليوم وين بتروحون قلت بروح امي اسلم عليها توها جايه من السفر قال وراه ماعلمتين قلت هذاني الحين قلتلك قال المفروض تعلميني قبل بيوم قلت طول عمري اعلمك بنفس اليوم وش عدا ما بدأ لكن باذن الله المره الجايه نرسلك برقيه قال وشوووووو بزعاق وهو يصرخ قلت يا فلان ترى وربي تصرفاتك صايره زي أبوك،، ابوه جاب الأم زوجي القلب والضغط والسكر وكم مره يطردها من البيت مسكينه الدرجة مره ارتفع عندها الكرياتينين وبغى يجيها كلى من ابو زوجي وضغطه عليها ،، طبعا زوجي يوم قلت له لا تصير زي أبوك فجئه صار تقل مجنون وقام يسب ويقول يلعن امك يلعن امك وياخذ الجزم وانت بالكرامه ويرميها علي ويتفل علي ويقولي اطلعي برى ويرمي عبايتي علي ويقول برى برى بأعلى صوته ويسكر الباب ثم يدق على امي بنتكم قليلة أدب طردتها ثم دق على ابوي بنتكم ماتربت طردتها ماتحترمني ولا تقدرني وقام يألف وكلام كثير نسيته
المهم أنا دقيت ع ام زوجي قالت عادي تحملي واذا تفل وضرب بالجزمه روحي تروشي وصلي ركعتين وبعدين انتي غلطانه ليش تقولين يشبه ابوه ههههه
دقيت على اخو زوجي والصراحه كان منصف وحقاني قال هذا مجنون وش جاه وقالي اخو زوجي انه حتى أنا كم مره ينفعل علي بدون سبب وبرمضان متهاوشين ،،ومره ما أعجبه تصرف زوجي
بخصوص بناتي قال زوجي اتركيهم بالبيت وبناتي أنا أربيهم ومالك دخل فيهم يوم طلع رحت اخذت أغراضي كلها وطلع قال البناتي شفتو ماتبيكم اخذت كل أغراضها وطلعت قالت بنتي يا بابا ترضى جدتي يسوي فيها جدي كذا ترى احنا مانرضى اللي سويته في ماما قال لا الوضع مختلف اساساً أمكم ماتبيني وكارهتني وحتى انتم ملت منكم وانا خلاص بأسس حياة جديده وبتزوج وهي خلاص أصلا أنا ما أبيها مليت منها أعطيها شهرياً 1200 وماملت عينها وش تبي بعد أنا خلاص مليت مابيها دقيت على اخوه قلت تفاهمت مع زوجي قال والله يا ام فلان اخوي قال لا احد يتدخل وانا تركته لانه يألف كلام مو صحيح ويحط فيك كلام يضيق الصدر ،، مع انه ام زوجي تعبت في رمضان وكانو اخوان زوجي يوميا يفطرون عند امهم وأبوهم صرت أنا كل يوم أتكفل في فطور رمضان مدة 10 ايام الحد ما طابت ام زوجي ومع ذلك ما بي هديه ولا شي ابي الاجر ماقدر تضحياتي الحين صرت أنا الغلطانه بعد التفله والضرب بالجزم والتلعين والتشتيم..
ملاحظات بقولها لك من بداية زواجنا ماكانت ظاهره لي لكن الحين يومرجلست أفكر في ذا 3 أسابيع تذكرت أشياء كثير اي شي يصير انا المسؤله اتذكر مره كنت حامل وهو مره مبسوط في هذا الحمل ونزل معاي دم وضاق صدري خفت اسقط قالي زوجي ادري انك انتي ماتبين الحمل وتحاولين تسقطينه لا تسوين فيها انه ضايق صدرك ما أنساها والله يا كلامه جرحني مرتين الأول حملي اللي ممكن ينزل والجرح الثاني تشكيكه فيني ما احسه سند والله العظيم هذا لو صار لي شي في أطفاله ممكن يسجني ماعنده شي اسمه قضاء وقدر إنسان مو مريح وكذاب ونصاب وراعي تأليف ياربي يا التأليف اللي جلس يقوله ال ابوي شي يضيق الصدر مافيه اي مخافه من الله
طبعا الان من طردني من البيت له 3 أسابيع لادق ولا ارسل ولا شي