ماكانوا البنات يسوقون
ولاكان عندهم مساحة الحريه الي فيه الحين
ولاكانت الوحده تروح مشوار إلا مع محرم حتى لو كان عندهم سواق لازم يروح معها احد من اخوانها
بس ما دعوا ولا كرهوا آبائهم ولاتمنوا موتهم.
الي ما يوديك له اليوم يوديك له بكره.
يمكن الي فيك من تعسير بسبب عقوقك وكرهك لأبوك.
تقربي منه وقوليله علمني أسوق ومارح نطلع ولانجي إلا بأمرك وبعلمك و برضاك.
مشاويرنا كثيره وانت ماتقدر عليها.
او جيب سواق يخلص أمورنا.
لكن تدعين عليه وتتمنينه يموت عشان تمشيه أو طلعه وروحه!!!!
منتي أعظم منه جل في علااااه ولو ابوك قالك اكفري الله نهااااك تقوليله اوف بل أمرك بمصاحبته بالمعروووووف وبخفض جناح الرحمه والذل له.
وانت هنا تدعين عليه يموت!

السلام عليكم ورحمة الله وبركاته

اعتب عليك عتب شديد
صياغة كلامك عن ابوك لاتليق بك كمسلمة 💔💔


فكيف وأنتِ تدعين عليه ..!!

العقوق ياحبيبة كبيرة من كبائر الذنوب
وله عقوبات معجله في الدنيا


قال صلى الله عليه وسلم:
( إن من اكبر الكبائر ان يلعن الرجل والديه )

استغربوا الصحابه !! وقالوا : وكيف يلعن الرجل والديه؟

قال: يَسُبُّ الرجُلُ الرجُلَ فيَسُبُّ أباه ويَسُبُّ الرجُلُ أُمَّه فيَسُبُّ أُمَّه.


يعني اصلا حتى يُستبعد ان يلعن الرجل والديه عندهم ، فكيف وحده تدعي على ابوها .. بس عشانه رافض انها تسوق؟؟🥲💔



حبيبة القلب لاتغرك الدنيا ، وتتنافسين فيها مع اهلها حتى تنسيك الاخرة ✋🏼🌷

الارزاق أقدار مقدرة ، كتبت وحنا أجنّة في بطون امهاتنا
) يكتب رزقه واجله وعمله أشقي او سعيد (


فاتقي الله في والديك ، لو ربي كاتبلك السواقه بتسوقين ..ولو ربي مو كاتب لك لو مافيه شي يمنعك و ودك ، ماسقتي


ابوك عصبي ، جاف ، فض ... يخانق ....الخ
الوالدين لهم احترامهم كيف ماكانت شخصياتهم لايسقط حقهم بالبر والاحترام وحسن العشرة ..والصحبة لهما بالمعروف ..وخفض جناح الذل لهما من الرحمه
والدعاء لهما : ( ربي ارحمهما كما ربياني صغيرا )❤️‍🔥❤️‍🔥


نصيحة ياحبيبة القلب : 🌷
راعي الله ثم راعي والديك
برك سبب لسعادتك وتوفيقك في الدنيا والاخرة


وحنا ماخُلقنا اوصياء على والدينا نعدد خطاياهم ومعايبهم هذا لاينبغي.

وماكانت نفسيتهم كذا إلا بما تحملوه من مسؤولياتنا ، وامورنا ومشاكلنا ومشاكل الحياة
فلنتق الله في حديثنا عن ابائنا ولانعطي انفسنا صلاحيات نتكلم عن عيوبهم بغير داعي ..



ثم اي امر يتعسرلك
تذللي لمن بيده الامر بالدعاء يجيك بإذن الله بلا عناء

وحتى لو عندك عسر،مواصلات وانتي طالبه او موظفه لايمنع برا بوالديك تحولين لعن بعد

امني مستقبلك ، يمكن تطلقين يمكن يمكن....الخ
حطي إكس على هالكلام❌️

لان الارزاق بيد الله ☝️
والله وعد اللي يتقيه يرزقه من حيث لايحتسب 👌🌷

تدعين على ابوكِ يموت عشان ما خلاكِ تسوقي... 💔
هو ليه متشدد كذا الا انه خايف عليك...
لاهو ضاربك ولاهو مقصر بشي بس عشان مو مخليك تسوقي تتمني الموت له...
على فكرة في الكون هذا كله بعد الله عزوجل ماحد سندك غير ابوكِ
لا اخوكِ
ولا زوجك
هذول ممكن يتغيروا مع الايام بس ابوكِ لا مستحيل...
استغفري ربك بس...

الله يهديك لاتدعي وادعي له انو الله يهديه
وان شاء الله يوافق انك تسوقين على خير

الله لايباركْ فيكِ
ولايحللك
يَـ قليلة الأدب
كيف جااك قلب
ترفعين يدينك
وتدعين عَ أبوكِ
أعوذ بالله منك ومن شكلك
ومن شرع علمك الدعااء
عَ والدينك..

وعلشاان إيش
علشاان شي تاافه يَـ أخس البنات
علشاان سواقة
وشوية مشاوير
ماتسوى
جزمة
حسبي الله فيكِ

أبوك ذا أبوك كل تجعيدة
فـِ جسمه تعلمك
عن إنه قد إيش أفنى بحيااته علشانك
والله ثم والله
مافي شي يعوض فقدان الأب
لو كاان مقفل عليك
بغرفة
كاافي عليك
إنه عاازك من ذل الحيااة
ومايرضى عليك
الهوان إذا جد الجدّ
يوقف بوجه كل من يضايقك

وخير يَـ طير وإذا رفض سواقتك
وش يعني
تراه عاصر زمن غير زمانك
وهالأشياء يشوفها
غريبة عليه
وكثيرين مثله..

وإذا أجل مشاويرك وعطلها 
وش يعني خربت الدنيا 
ماصارت اليوم 
تصير بكره وبعده وبعده 


الله يطول بعمره ويخليه تااج عَ راسك
ولايقطع حسه بهالدنيا

سبحاان الله ذكرتيني بعيال ٣
كانوا
يتمنون موت أبوهم علشان الورث

علشان شوية فلوس
الجوعانين
توفوا كلهم بحاادث
وأبوهم بقى عاايش
ليومك ذا..