ابوي متغير

اذا أمك مو مهمته فيه ولا في نفسها وما تعطيه حقوقه
خلوه يتزوج إِيش هالانانيه في أمك

ساعدوا امك باشغال البيت واعطوها فرصه تهتم بنفسها وزوجها

ياختي ساعدوا امك عشان تهتم بنفسها شيلوا معها شغل البيت مو معقول عندها بنات كبار وللحين شغل البيت مو مخليها تهتم حتى بنفسها اتذكر من وحنا بالابتدائي نشتغل مع امي وبالمتوسط حتى العشى والغدا في الاجازات نطبخ عنها كل يوم وحده
اذا امك ماعطت ابوك حقوقه وملت عينه كيف تبغينه مايتزوج
الحقوا على امك وخلوها تجدد شبابها 40لسى صغيره بس تحتاج انها تتفرغ للاهتمام بنفسها وكويس عندها بنت مثلك شايله همها وتفكر كيف تساعدها لكن مايصير تحطين ايدك على خدك لازم تسوين اللي تقدرين عليه اذا تبغين ابوك مايتزوج على امك
والله يهدي ابوك ويصرف نظره عن الحرام

اول شي ابوك ليس ملاك منزل من السماء وليس معصوم عن
الغلط وكل انسان يغلط ويذنب ورب العالمين يحاسب ويغفر او يعاقب اتركي اللي
شفتيه وانسيه ولا تتكلمين به عند احد استري عليه .
ثاني شي اللي بين امك وابوك لا تتدخلين فيه ولا تشيلين همه لانهم كبار
ناضجين واعيين ومو كل شي يحصل بينهم من مشاكل وخلافات بتشوفينه او تعرفينه
يمكن امك تعرف اشياء كثير وساكته وشايله في قلبها عشان كذا اهملت نفسها .
وترى موضوع ان ابوك يبي يتزوج وكل شوي يردد هذي الكلمه مالها دخل بإن امك
اخر فتره اهملت نفسها حسب كلامك فهذا دليل انها ماكانت مقصره مع ابوك
وشايلته وشايلتكم رغم انها موظفه لكن اللي تسويه ما اثمر في ابوكم ولا غير
رايه بإنه يبي يتزوج ثانيه .
بما انك لسه صغيره اتوقع لسه عمرك بين 15 إلى 18 فما راح ازيد بالكلام
لكن انصحك لا تحملين امك المسؤليه ولا تقولين ابوك طاح من عينك لان اثنينهم اهلك مهما حصل بينهم من خلافات
والرجال اذا حط براسه يتزوج حتى لو زوجته ملكة جمال راح يبقى الموضوع في راسه لانه هو يحب النسوان وما يكتفي بوحده .
اسأل الله ان يشرح صدوركم وييسر اموركم ويصلح مابينكم