السلام عليكم..
يابنات بدخل بالموضوع على طول..
ابوي يابنات مدري وش فيه وش صاير له ليش متغير كذا
له يومين مو ابوي اللي اعرفه
ابوي رجال طيب متسامح يحبنا ويراعينا
متحمل مسؤليتنا من الى
ومو مقصر لا من الماده ولا من العاطفه
والله اللي صاير ذا اليومين مو طبيعي ابدا
تخيلو انا اول سنه بالكليه
قلت له يبه طالبين مني كتب
قال لي ابشري بس خلي يوم االاربعاء لين يطلبونها كلها وننزل ناخذها مره وحده
قلت ايه احسن برضه..
اللي حصل اني امس قلت له تعال مرني بعد العشا عشان الكتب
قال لا مافي
قلت ليش
قال بس كذا
قلت شلون بس كذا مشغول ولا وشو
قال مو مشغول
قلت مامعك فلوس؟
قال الا معي
قلت يمكن مزاجه متعكر ومتضايق من شي
تركته وقلت يصير خير بكره
اليوم كلمته قلت له يبه الكتب لازم انزل اشتريها
قال لي لا انا قايل لك لا
قلت طيب ليش لا
اذا فيه شي علمني
قال بس كذا مزاج
ابوي عمره ماكان كذا ابدا
حتى اختي مثلي تبي كتب ورد عليها نفس الرد
استغربت منه وربي
قلت اكيد مامعه ومستحي لا يعلمني لانه مثل ماتعرفون صعبه الرجال يقول ماعندي فلوس
كلمت امي((الوالده عايشه بروحها مومطلقه لكن عايشه ببيت لحالها))
قلت لها يمه صار وصار بس الله يخليك بدون مشاكل وعوار راس عطيني فلوس ولك علي اردهم لك باقرب وقت
قالت لي والله يابنتي ابوك عطاني الف يوم الجمعه اللي راح لمصروفي حق هالاسبوعين
حسيت انها ماتبي تعطيني لم قالت كذا
قلت خلاص انا اشوف صرفه
رحت له مره ثانيه وكلمته بشويش وبهدوء
قلت له لو مشغول اروح مع السواق وخواني
قال منيب مشغول
قال انا مابيك تدرسين اصلا
وترا ابوي كل همه دراستنا مدري ليش قال الكلام هذا
قلت له والله ذا اللي تبيه
قال ايه
قلت عز الطلب
وتركته
اختي طلبت منه شامبو وصابون
قال لها مابي اشتري
تساله ليش
يقول انا مزاجي كذا كيفي اسوي اللي يعجبني..
وش رايكم..؟!!
ليش يسوي كذا
ابوي عمره ماكان كذا
عمره ماعاملنا بالجفا هذا
والله ان العبره خانقتني
احس ان ابوي مهو طبيعي
وش اللي مغيره كذا
الله يصلحه بس ويهديه
آسفه على الاطاله..
حبيت افضفض لكم بس:44:
سميـهـ الامورهـ @smyh_alamorh
عضوة فعالة
يلزم عليك تسجيل الدخول أولًا لكتابة تعليق.
لاتتسرعين حبيبتي باالحكم عليه يمكن يمر بظروف ولا صاير معاه شي مكدر مزاجاه
و****للله بيرجع نفس قبل واحسن
و****للله بيرجع نفس قبل واحسن
شكله يمازحكم لأنه خميس وجمعه معه وقت يلعب باأعصابكم شوي
شوفي الين بكره اذا جاء بكره بالليل وقت النوم وماسواء شئ معناتها جااااااااااد
وكانه جاد الشكوى لله هذا ابوك وماتقدرين تسوين الا انك تحبين ع راسه ويده ورجله بعد
وتحاولين فيه وقولي له يبه انا قريب اتخرج واصير مدرسه وانفعك بعدين وماراح اقصر معك ابد
ومن هالكلام
طرا براسي شئ بس لاتعتبرينه جد انا شاكه انه بيزوجك :22:
شوفي الين بكره اذا جاء بكره بالليل وقت النوم وماسواء شئ معناتها جااااااااااد
وكانه جاد الشكوى لله هذا ابوك وماتقدرين تسوين الا انك تحبين ع راسه ويده ورجله بعد
وتحاولين فيه وقولي له يبه انا قريب اتخرج واصير مدرسه وانفعك بعدين وماراح اقصر معك ابد
ومن هالكلام
طرا براسي شئ بس لاتعتبرينه جد انا شاكه انه بيزوجك :22:
حبيبتي اسكتي ولا عاد تجيبين سيره
ان شاء الله بس يروق وهو يلبي طلباتكم...هو شكله من النوع الكتوم ...اكيد عنده هم كبير وانتم موب دارين....
لا عاد تطلبون منه شي لين هو يرد عليكم
وطمنينا
ان شاء الله بس يروق وهو يلبي طلباتكم...هو شكله من النوع الكتوم ...اكيد عنده هم كبير وانتم موب دارين....
لا عاد تطلبون منه شي لين هو يرد عليكم
وطمنينا
الصفحة الأخيرة
مدري صراحه وش اقولك
بس برفع الموضوع لعيونك