السلام عليكم
يوم من الايام ابوي مسك تليفوني وشافني اصور نفسي
والله يابنات صور عاديه يعني اكون كاشخه لمناسبه او راجعه من عزيمه اصور وادز لاهلي وصديقاتي بالسناب شات
ابوي مايرضى اني اصور نفسي بالتليفون
طقني طق كليت هوا يابنات
انا هذا كله عادي عندي انا اعرف ابوي واعرف طبعه وانه مايرضى اني اصور وانا سويت شي غلط بالنسبه له
لكن وين المصيبه
اني صايده اختي الصغيره تكلم شباب وتصور نفسها وتصور بيتنا وتصور خواني وتدزه للشباب ومو واحد ولا اثنين وااااجد
طقيتها طق وعلمت امي عليها عشان تنتبه لها
لكن ماقدر اعلم ابوي لان بيذبحها
اللي قاهرني اني صايده اختي 3 مرات ولا تابت واختي مو صغيره حيل عمرها 18 سنه
بموت من الحره لاني ماسويت شي الغلط الوحيد اني كنت ادز لصديقاتي واهلي صورتي بالسناب وكل البنات جذي واللي ادز لهم ناس معينه وواثقه فيهم
وصوري محتشمه ومافيها شي
لكن اختي الله يهديها كل شي تسويه غلط ومحد قال لها شي
انا تخصصي بالكليه تربيه فنيه انا احب الفن واحب الرسم ودخلت التخصص اللي احبه
اما اختي ماعندها اي ميول او اهداف
وقلت لها ادخلي اسلاميه
طبعا هالشي طلع مو من صالحي
ابوي معتبرني ان انا صايعه وما استحي واني خربانه
واهي العاقله الصالحه اللي اختياراتها ممتازه
وهذي حالتي معاه صار لي فتره
بموت من القهر يابنات
ترى ابوي من النوع الحنووووون وانا حيل حيل حيل كنت احبه
وادري انه طقني لانه خايف علي
لكن اللي يقهرني انه يحرني باختي الصغيره
انا سحب تليفوني مني
واهي شرى لها تليفون جديد
انا كل يوم يزفني ويذكرني اني اصور نفسي وعلى قولته كنت بفضحه
واهي يلمها ويبوسها ويقول لها قدامي انتي اعقل من اختج الكبيره
انا طلعت قدام اهلي وخواني الصغار البنت الخربانه واهي البنت العاقله
لين وصلت لمرحله صرت اكرررررههم
اكره اختي
واكره ابوي
ماني قادره اطيقهم
اعرف كل شي ومو قادره اتكلم
اكره اختي بنفس الوقت خايفه عليها
مرات احس ما اتمنى لها الخير
وابوي صرت اتجنب اقعد معاه ولا احب اتكلم او اناقشه بشي ولا اسولف ولا اضحك حيل تغيرت شخصيتي وبينت علي الضيقه
مادري شسوي حيل مضايقني هالشي حيييييل
wowsh @wowsh
عضوة جديدة
يلزم عليك تسجيل الدخول أولًا لكتابة تعليق.
jumana77 لا تسمعين كلام هالانسانه احسها طفله بالتفكير حرام الي تقوله عن اختك
هذي اختك مهما حصل حلي موضوعها من غير رجال ..
هذي اختك مهما حصل حلي موضوعها من غير رجال ..
wowsh
•
اهي ماكان عندها تليفون
كانت تكلمهم بالايباد عند طريق برامج الكيك وبرامج ثانيه ابوي الحين عطاها التليفون لما تخرجت من الثانويه وانا اخذت ايبادها وهددتها اني اعلم ابوي وتليفونها الحين مافيه شي لكن هي واثقه اني مراح اعلم ابوي لان خايفه عليها وتحرني بحركاتها لما يمدحها ابوي وجذي تزييد وتقط كلام قدام ابوي عشان تغثني
كانت تكلمهم بالايباد عند طريق برامج الكيك وبرامج ثانيه ابوي الحين عطاها التليفون لما تخرجت من الثانويه وانا اخذت ايبادها وهددتها اني اعلم ابوي وتليفونها الحين مافيه شي لكن هي واثقه اني مراح اعلم ابوي لان خايفه عليها وتحرني بحركاتها لما يمدحها ابوي وجذي تزييد وتقط كلام قدام ابوي عشان تغثني
علمي ابوك خلي يربيها بس مهدي الموضوع له لو بتتعدل كان تعدلت عليك وعلى امك بس هالمواقف تحتاج رجل صارم بكره يتطور الموضوع لاقدر الله وتقابل او صورها تنتشر بتتندمون والله يهديها
الصفحة الأخيرة
هددوها خوففوها هذا مشكله البنات الحين اعمارهم 11 ومعاهم جوال ورقم سري كمان
لازم في رقابه من الاهل لا فات الفوت ماينفع الصوت اذا انتشرت الصور مشكله والبنت صغيره بالعمر
وابوك يعزها الانها الصغيره مو مشكله اتحملي
الله يصلح حالكم يارب ويفرج همكم