ابوي واخوي المراهق ..

السلام عليكم خواتي


وربي فاتحه الموضوع ولا ادري وش اقول او وش اكتب ..

مشكلتي بين ابوي واخوي اللي باول متوسط

الولد شقي ومايسمع الكلام واللي يبيه لازم يسويه غلط صح مايهم

وابوي الله يهديه طبعه حار شوي ..

اخوي كم مره يفوت المدرسه يدس كتبه ويسوي انه رايح للمدرسه

اليوم سواها وقد سواها هالسنه وابوي مشاها له .. وهدده ان سواها مره ثانيه

دقو المدرسه قبل شوي وعلموا ابوي .. دق علينا ابوي يسأل عنه ندوره بالبيت اكيد مالقيناه

لقينا الاخ متكي بالبوفيه ويفطر ..

الشي اللي ضيق صدري عقاب ابوي له طقه بطريقه وقسسم ماتقولون ولده :44:

عور قلبي وهو يرجفه ويشيله وربي شوي وتنكسر رقبته .. وضربه له بالعقال حسيت كن ضلع فيه انكسر ..

قمت اصارخ بدون ماحس خلااص يكفي عاقبه بس مو كذا مو بهالطريقه ..

حتى توني بفطر وبحط اللقمه بفمي عجزت لا اكملها ..

ووداه الحين المدرسه بعد ماخلاه يتفل العافيه .. وربي خايفه عليه من الانحراف بهالسن ..

الضرب ماعمره حل مشكله الا يزيدها ويعقدها ..

انا تفائلت باسلوب ابوي معاه بالاول قلت يمكن ينحرج ويستحي على وجهه و حتى يخاف من تهديد ابوي له

بس اليوم رجع يعيدها .. وطقه ابوي طق بيأثر بنفسيته طول عمره يمكن :44:..



ما ادري ليه كتبت الموضوع وما دري شبيكم تقولون لي ..

بس قلت يمكن اسمع كلمه طيبه و نصيحه تفيدني نحل هالموضوع قبل لايضيع الولد ..