ابوي وامي احرجوني آآآهـ يالقهر

تخيلو انا انخطبت لواحد وتمت الموافقه وتحددت الملكة بعد 10 ايام
خلال هال10 ايام كلمت وحده من البنات علاقتي فيها سطحية وكنت ابغا موديلات جديده فبلغتها اني انخطبت وسالتني مين ومن اي عايله وجاوبتها وليتني ما جاوبتها :44:

على طول دقت علي وقالت هذا زوجي عندي وهو يعرف الشخص وانتي واهلك كيف توافقون ماسألتو عنه ؟ قلت الا سالنا والناس كلهم يمدحونه
بعدها عطتني كلااااام شراب وبنات ومغازل وسفر يعني كل بلاوي الدنيا حطته في الرجال واهله وزوجها جنبها ويتكلم وانا اسمع

بلغت أهلي و كنت مصدومه ونفسيتي تعبت والبنت ترجع تدق وتقول لاتقولين اني انا اللي بلغتك هالكلام ترا انا وزوجي بنروح فيها ,, واهلي طفشوني وانا ماني عارفه ايش اسوي لان هالكلام مصدره البنت وزوجها فقط وانا طفشت وقلت لأمي خلاااااااص ما ابغا اتزوج كلميهم وقولي مافي نصيب

واخته دقت علي وتترجاني وتبكي تقول غيري رايك ووافقي وش جاكي كنتي فرحانه وموافقه واحنا بدينا بالتجهيز حتى مهرك جهزناه ,, وانا طبعا ماقلت لها السبب

بعدها بكم يوم انتشر الخبر وطلعت صديقتي الحقيرة وزوجها في مشاكل مع اهل الرجال ومطلعين عليه هالاشاعه حسبي الله ونعم الوكيل

بعدها جاو بيتنا الرجال مع اخوانه ومعهم زوج صديقتي وجلسو مع ابوي والحقير زوج البنت يقول هاذي سوالف حريم واحنا اهل وانا ماقول كلام عليكم ,, انا كنت اسمع صوته وهو بالمجلس والله العظيم نفس صوته اتذكره لما كان يسب فيهم بالتلفون مستحيل انسااااااااه

اخته كلمتني بعدها وتقول والله اناا مررة متضايقه على اللي صار وراح اكلم اخوي بموضوعكم مرة ثانيه ,,, ودقت بعدها تقول انه خلاص صرف النظر عن الموضوع :44: وانكم ليه صدقتو الكلام وليه ماقلتو له من البدايه عشان يدافع عن نفسه قلت لها اللي صار صار انا وش يدريني ان البنت تكذب

الى هنا الموضوع انتهى وانا كل يوم اتحسب على البنت وادعي عليها تشوفه في نفسها وصحتها بس ماجبت طاري عيالها حرام مالهم ذنب

بعدها بكم يوم تقدم لي واحد كويس مررة بس من دولة خليجيه ثانيه وانا كنت موافقه بس امي عيييييت تقول مانعرفهم ولايعرفوننا وانا مابيك تتغربين عني !! تدرون وش سوت :44:

راحت هي مع ابوي ومن وراي اتصلو في خطيبي السابق يبون يصلحون الموضوع !!!!!!!!! مع انهم عارفين ان الرجال خلاص غض النظر عني ما يبيني وشو له يدقون عليه وشدعو ه لهالدرجه انا ثقيله عليهم والله العظيم مرررررررة مصدومه يابنات

الحين مدري اذا بيرجعون يتقدمون لي مرة ثانيه هل اوافق ؟؟ احسها مررة قوية الحركه
واذا خلاص يمكن الرجال مايبغا يتزوجني وكرهني بعد هالسالفه وش بيكون موقفي وانا عارفه ان هالموضوع بينتشر بين اهلنا :(

بالله عليكم وش اسوي الحين
طبعا اول ماعرفت بالسالفه تهاوشت مع اللي بالبيت كلهم وقلت لهم انا خلاص ما ابيه عشان يعايرني بعدين انكم دقيتو عليه

بنات مقهووووووورة ما توقعت امني وابوي بيرخصون فيني لهالدرجه :44: