شوفي ياقلبي انتي عشتي غلطتي وانا راحت علي ولا اقدر اصححها
غلطتك تحببن الناس اكثر من نفسك وتدورين رضاهم ع حساب نفسك وبالتالي اي تفكير داخلك تحاولين تسعدين نفسك من خلاله تلقينك تتكاثرينه وتستثقلينه ع روحك ليش؟! لأنك عشتي لغيرك
انا عشت حياتي كذا وهلحين ندمانه عدد شعر راسي لأن الكل للأسف استغلني لمصلحته خواتي وازواجهم واخواني وزوجاتهم كل صيفيه بمكان وايام الدراسه كل نهاية اسبوع بكفي وو مطعم وانا مالي حق غير اقابل امي المريضه وابوي المتسلط وياويلي اتكلم وهذي مو غلطتهم غلطتي انا بخق نفسي عودت الناس اني ماأحس ولا أتضايق ولا ابي اعيش زيهم وهم بدل مايحسون ويخجلون تمادوا حتى امي وابوي انفسهم صاروا يتكاثرون علي لو أكلم زميله لي 5دقايق تصير كارثه طبعاً الخرجات ممنوعه نهائي والمولات بالشهر مرة ويالله القى من يوصلني هذا غير بنات كنت اعتبرهم صديفات ونكبوني زيك
كرهت نفسي وكرهت حتى ابوي وامي
انحرمت من اقل حقوقي ولا زالوا غير راضين
اتمنى عمري ينعاد اعيش لنفسسي وبسسسس
بس انتظر الفرج من الرحيم لعل الله يحدث بعد ذلك امرا
الله يرزقك بالزوج التقي النقي الملتزم الي يعوضك عن كل لخظة حرمان
ونصيحتي لك حاولي تغيرين من شخصيتك وتقوينها عودي نفسك تتجرأين أكثر ع الناس ومن جرحك ردي عليه ولاترحمينه واحمدي ربك ع نعمة ابوك وامك ترا دامهم بالحياة اعتبري نفسك بعز 

الله يوفقك ويرزقك باللي تبينه وصدقيني أغلب البنات كذا اذا تزوج الكبير والصغير تطيح كل المسؤؤليات علينا وفي الاخير نصحى وكل شي فاتنا
ونرجع نعيد بناء مستقبلنا من جديد..
الله يعينك ويعينا أجمعين..

ظروفك مشابهه لظروفي الى حد ما
عشت حالتك قبل ١٢ سنه
واقولك انا الان انظر لحالتي ذيك واضحك
الوحده تخلي الشخص يتحسس من اي موقف ويكبر الموضوع في نفسه
لا تجلسين تتابعين مشاعرك لانها راح توديك لطريق مسدود
اللي لازم تعرفينه ان همك ما راح يغير من الوضع
لازم تتخذين قرار
اذا جاك عريس من المدينه فخير وبركه وان شاء الله ربي يسخر لك
ولو كان برا المدينه صعب توقفين حياتك
اللي ابغى اوصله لك
الله يعطي امك وابوك طوله العمر بس العمر له نهايه ما فكرتي وقتها كيف وضعك
نصيحتي اللي يجيك ترضين دينه وخلقه تزوجي
حتى لو برا المدينه
هذي سنه الحياه والحياه ما راح تتوقف لوجود ظروف خارج ارادتنا
انا تزوجت وامي وحدها ابويه متوفي
امي كانت موظفه وتقاعدت متخيله الوحده اللي هي تعيش فيها
قراري حق الزواج ما كان اناني
لكن امي تحب تشوفني اعيش حياتي زي ما هي عاشتها
يمكن امك وابوك راح يفتقدونك بس راح يكيفون انفسهم على الوضع الجديد هذي سنه الحياه
راح تتزوجين وتتغيري كل افكارك
بس نصيحه عيشي حياتك بالطول والعرض ترى الحياه ما تتحمل نعيشها في نكد
والماضي ارميه ولا تبقين منه غير الذكريات الحلوه
اذا كان الماضي يقيدك فتأكدي ان حياتك ما راح تتقدم
وعلى مواقف صحابتك يوووووووه كلنا حصل لنا مثلها واسوأ
بس لا تتفانين علشان اللي حولك تتعبين
وعزي نفسك مو كبر بس علشان ما تعطين احد فرصه يجرحك
الله ييسر امرك ويفرح قلبك قريب
عليك بقيام الليل والاستغفار والصلاه على النبي
والفرج قريب

الله يرزقك على قد نيتك وبر بوالديك سوي الي تشوفينه مناسب لا يهمك كلام الناس امك وابوك محتاجينك فلو تقدم لخطبتك شخص شرحي له ظروفك الاسرية امك وابوك وهم محتاجينك تكوني جنبهم وبنفس المدينة وبتكبرين بعينه لانك ما شاء الله بارة بوالدينك
لا تكبرين المواضيع اذا طلب منك احد شيء لا تردينه بس لا تعرضي عليهم بصراحة بيستثلونك

الله يفرررج همممك ياااارب