ثمارو

ثمارو @thmaro

عضوة فعالة

ابوي وامي وعدم اهتمامهم بزواجي

الأسرة والمجتمع

السلام عليكم ورحمه الله وبركاته
اخباركم يا اخواتي انا صراحه ابي اقولكم مشكلتي يابنات انا انخطبت مرتين واللي خطبوني يشهد الله مافيهم اي عيوب لكن مشكلة ابوي وامي الله يسامحهم حطمو حياتي كل ما تقدم لي شخص يطفشون الناس مايردون لهم بسرعه لين يملون بسرعه ويروحون وما يرجعون وهذا طبعهم كل مره لين صرت اكره اي احد يتقدم لي ويكلموني صديقاتي صرت ارفض قبل ما يجون لاني عرفت طبعهم يابنات انا موظفه واصرف على امي واخواتي وابوي ما يصرف شي لانه متزوج من حرمه ثانيه تخيلو اليوم جاي واحد يخطب اختي اللي من ابوي وافق على طول بسرررررررررررعه وانا ليش يسوي فيني كذا هو وامي عشان اصرف عليها ليش ظلموني وعمري وصل الي 31 سنه ماني صغيره وش بقى من العمر يابنات انا متضايقه من تصرفات اهلي وش اسوي تكفون واذا تقولون استغفري انا كل يوم استغفر وادعي وقريت سوره البقره سنه كامله والحمدلله كلن يشهد لي بطيبة القلب واني احب اساعد كل الناس ولا عمري رديت احد اذا يبي خدمه مني سوى قريب او بعيد لكن ليش حظي ردي بموضوع الزواج ؟؟؟؟؟؟؟؟؟؟؟ ليش اهلي يعاملوني كذا ليش يتصرفون كذا وليش ابوي ما يهتم بموضوعي واختي الثانيه يركض لها ويحاول يزوجها وانا اذا جاني احد يقول هذي هي اللي جايبته بذمتكم وش رايكم وش اسوي اذا جاني احد اتجراء واقول ابي اتزوج ولا ابقى اصرف عليهم وقسمن بالله راتبي ورب البيت ما يبقى منه ريال واحد لدرجه اني اتسلف ويقولون راتبك وين يروح ويشهد علي ربي اني اصرفه عليهم كله يابنات انا متضايقه مره من عدم المساواه ليش ابوي كذا يسوي فيني وامي حتى الكلام اذا جاء احد يطلبني تطلع كلام ماله داعي ينفر الناس ويخليهم ياخذون موقف والله اني مدري وش اسوي بحياتي ابقى عانس طول عمري ولا كيف مع اني معذبه مع اهلي بشكل ماهو طبيعي والله يشهد علي اني ماني مرتاحه نهائيا ابي اتزوج وارتاح واخذ لي بيت لحالي واعيش حياتي مثلي مثل غيري يابنات انا ما باقي شي واوصل سن 40 مين يبي يرضى فيني ؟؟؟؟؟؟؟؟ بهذا العمر وما ابي ابقى عانس طول عمري والله احيانا اقول ما ابي اصير طيبه واخلي كلن الناس اذا طلبتني شي ما اساعدها يمكن ربي يرزقني عشان اني اكيد مغبوطه على مساعدت هالناس لا تقولين ارقي نفسك قريت الرقيه الشرعيه كثيرررررررررررررررررررررررررررررررررررررررررررررررررررررر وش اسوي ابي حل يابنات اذا جاني احد يبي يتزوجني اوافق لو كان فيه كل عيوب الدنيا وحتى لو كان متزوج وانا صراحه اللي بسني ما راح يقبل فيها الا متززوج :44:
تكفوووووووون ادعو لي ان ربي يرزقني الزوج الصالح التقي النقي مرفوع اسمه بالارض والسماء وان يرفع قدري عند ربي وعند كل الناس ويحسون بقيمه ويزوجني عاجلا غير اجل
=======================
احدى الاخوات ارسلت لي هالرساله
ولو سمحتي اضيفي ردي بموضوعك خلي الناس والبشر والاهل يتوعون

حتى انا اهلي ما يهتمون لامري يتصرفون مع كل خاطب يجيني باستهتار ولا مبالاة

تخيلي عمري قرب 27 ويجوني خطاب ماشاء الله وربي اغلبهم اول زياره ولا يرجعون

يتكلمون معاهم بجفاء ويشددون عليهم لين الخلق تهج تحسب اهلي شديدين او متكبرين

وهم والله طيبين.. لكن يمكن جهل يتصرفون كذا او الاكيد لامبالاة بأمر البنت

البنت لو كان نصيبها حيتم مهما كان طيب.. وكيف يتم وانتوا هذا اسلوبكم مع الخلق؟ ربي قال اسعى يا عبدي

واللي ما يعجبهم يطنشونه وهو يكون ينتظر الرد يقولون لا يفهمون انه ما في نصيب

والناس بعدين تمشي وتشعشع انه بيت الفلان جفسين فيهم وفيهم وبكذا يقطعون نصيبنا

مره واحد واعدهم ولمن قرب من البيت اتصل ياخذ الوصف قال انا والاهل قريبين

اعترض اخوي قال اتفقنا يجينا لحاله ليش يجيب اهله؟ تعال لحالك الاسبوع الجاي

وراح ولا رجع.. بعذره إكرام الضيف بغض النظر عن انهم خطاب انهم يستقبلونهم

والأمر واللي يقهر فيه اخ لي بعمر زواج ولو تشوفين ابوي واخوي الكبير يحاولون فيه

ياخذ وحده من قرابتنا عمرها 18 كاسره خواطرهم يا حرام ههههههه شر البلية ما يضحك

شايل هم غيرهم واللي عندهم ما يشوفونها

ربي يغنينا بفضله عن من سواه بس

انا موقنه بان رزقي بيد ربي.. لكن تصرفاتهم ذي تضيق خاطري

تحسسني انه محد يهتم لامري محد يفكر في مصلحتي.. كأني مو لازم اعيش او انبسط

ربك كريم بس
52
5K

يلزم عليك تسجيل الدخول أولًا لكتابة تعليق.

تسجيل دخول

وسوونه R
وسوونه R
اختي خوذي لجازه طويله وقولي لهلك انك استقلتي ولتزوجتي ارجعي
MIRYAM23
MIRYAM23
أختي الله يفرج عليك ورأيي تكلمي أحد كبير في العائلة زي عمك أوخالك وتحكيلو عن معاناتك ويتدخل إزا جاك عريس,وقولي لأمك أنك حتصرفي عليها ولو تزوجتي,وحتساعديها ومراح يتغير شي
مس آتيكيت
مس آتيكيت
الله يكون بعونك
ثناء_ماجد
ثناء_ماجد
الله يساعدك
zeena22
zeena22
حياتي الجأي الى احد كبير في العايله وله كلمه مسموعه جد خال عم اي احد لاتستحين انتي ماتطلبين غير حقك
شوفي اي احد له تأثير على اهلك وكلميه

وترى مافيها شي لو رحتي لخطابه .. الله يرزقك الزوج الصالح عاجلا غير اجل يااااااااااارب