ريمـو @rymo_13

عضوة نشيطة

ابوي وتصرفاته كانه اخوي الكبيير

الســــلام عليكم ورحمة الله وبركاته

اولا انا اعتذر اني اشتكي والدي هنا الذي ربانا وكبرنا بس وصل الامر الى شي لايطاق
تعبنا منه ومن مششاكله ومشاكل اخوانه وكيدهم لبيتنا وامنــآ وطفح فينا الكيل

اللي كل مادخل احد منا ثانويه عامه او جامعه كثرو مشاكل عشان نفشل زيهم

لاحظو قلت اخوانه وامه مو عماتي

اول شي اخوان ابوي اللي مااتشرف بهم اعمام

ناس حسوده حقوده منبوذين بين بمعارفنا وقامو يهايطون ولقوا ابووووي يسمع لهم ويمشي بشورهم وتمادو

اول ماانخطبت جلسو يعبونه شلون تزوج بنتك قبل عماتها عيب وماله داعي تتجهز خذ مهرها وانتفع به

وخل زوجها ياخذها بهلاهيلها << ملابسها او خلاقينها

وابوي كان يخاف الله وعطاني مهري وتجهز وانبسطت لكن ليلة زواجي ماخلوه يحضر وهذا كاسر
نفسي الى يومكم ذا حتى صار عندي ولد الله يحفظه ومانسيت

ثاني شي اول مادخلت الجامعه انا واخوي كادو لنــــآ لين زوجو ابووووي مره ثانيه
وقسوه عليــــنــــآ شلون احنا عياله مانباركله

وكادو لنا لين ابوي اخذ غرفة اخواني وخلاها غرفة مرته ورمى اخواني في المجالس وصارو كانهم مشردين

واللي يغبن اكثر انه كان حنون على عيال الثانيه اكثر مناآآ !!!! وياخذ من مكافاتنا ويعطيهم وزي اللي نعطيه لامنا

يعني انا اذا عطيت امي 100 ريال من مكافاتي راح صرف من صرافتي وعطاها !!

فاهم العدل غلط !! هو الملزوم مو احنا بس امي قالت دفعة بلا مسيكينه عطوها
وسبحان الله كسبناها من هالاسلوب

يسبنا ويشتمنا ويبينا خدم لها ولعيالها ولادفعنا عن كرامتنا قال انتم عاقين وامكم مقسيتكم علي

وقام يكلم اخوانه خلت اجسامهم من العافيــه عساهم المرض

وقامو يعبونه

دارت الايام وزوجته عافت ابوي وطلبت الطلاق وطلقها ويشهد الله امي كانت معها زي اختها
وحتى يوم تططلقت جلست تبكي عشان بتفارق امي وتواصلت معنا فتره وتزوجت عسا ربي يسعدها

وهنا شعللوها بقلب ابوي ان امي مسويته خاتم وان الناس تقول كذا وكذا وكيف تطلق حرمتك لاجلها

جيب مره ثانيه بس ابوي رجع لامي احسن من اول
وصارت امي لاراحت لاهلها جلسو ينقوون براس ابوي لين يجيبها تكرف لهم ولا بين بعينهم
ويدورون الزله
ومن كثر المشاكل كرهت ام الجامعه ع ام المكافاه اللي ماتهنيت فيها وكلن عينه فيها ويبوني اوجبهم
واوكلهم واسوي بيتهم منها !!

ومن كثر النق والاكتئاب سحبت من الجامعه وهنا انبسطو وحولو ع اخواني الباقييين

عموما مالكم بالطويله تزوجت وارتحت ورجعت اكمل دراستي
والله اني ابوس راس زوجي بدون مااعلمه السبب وهو السبب اللي حفزني اكمل ووقف معي

اللحين اخوي موظف انا ادرس اختي بالجامعه واخووي اللي بعدها ثانويه عامه

ومراقبينا مراقبه عمة عيونهم جابولنا المررررض وزادو العياااار

زوجو ابووووي مره ثانيه ويقولون دخلها بيتك وخلها مع ام فلان يتوالفن << حسيتهم طيور وخدم عندهم مو مراعيين مشاعرنا

وامي باركت لابوي ومرته ويوم رجع سوتله عشاء وذبيحه من حلالها وكلن يمدح بامي وسنعها وان ابوي مايلقى زيها بالكون يكفي مرحبه به ومسويتله عشاء بس ماحضرت كنت مقهوره ع امي

وخفت اجرح مرته وهي مالها ذنب مسكينه وكبيره لازم احترمها

وتحسسسسبونه كل ذا بــــــــــــين

الا داق ع خالي يشتكي من امي يقول ماتحترمني ومقسيه عيالي وبناتي علي يتشكوا عشانهم شراهنين عليه

وعيال اليهود اخوانه قالوله دق تشرهه عشان يعرفون انك ماتزوجت الا لتادبها

والله ماقسينا عليه من شي هين يعاملنا كانه اخوي مو ابوي وحياتنا تحت تحكم اخوانه حتى خطاطيبنا ع مزاجهم

لا يلتزم بمصروف ولا باسلوب ولا ينصحنا ولا شي كانه اخوي اللي عمره 22 سنه
حتى اخوي احن منه واطيب

ان جاء صك الباب ع نفسه حتى عشاء معنا مايتعشى ولا عمره قومنا للصلاه اصلا هو بنفسه يصلي مره والباقي لا عسا ربي يفتح عليه ويهديه

صراحه طفشششت منه ومن هالاسلوب لاجيت قام يعاتب ويتامر صرت اتجانب ايام يكون عند امي

واجيها بايام يكون عند مرته

والله اخاف الله بس ابوي صاير ماينطاق يدور المشاكل والزله
كل شي مو عاجبه بيته احنا كل شي اخوانه صح واحنا غلط يحللون كلامنا مليون تحليل ويبهرونه ويحطون باذن ابوي

انا حلفت عماني ذولي لا اكلمهم ولا اتواصل معهم ولا اجي مكان هم فيه حتى عماتي مااجيهم رغم مالهن ذنب نفسيات

بس اتذكر حديث الرسول عليه الصلاه والسلام ( لايدخل الجنه قاطع ) اتراجع

بس ناس تبي اذيتنا ايش اسووي انهنا وامي جابولها القولون والقهر دموعها ع خدها

انا ايش اسوي علموني قسم ضايعه وودي اكون باره بس ماقدر ابوي شوره مو بايده عندهم هم اللي يديرون حياتنا

معلومات عن اخوانه

كلهم اعمارهم بالاربعينـــآت ومخلفين اليهودي احن منهم ولايبين به المعروف
مايدلون المساجد ولا المصاحف وراعين سفر
اذا صليت عندهم مسكوني شماته وللاسف هذا الشي خلاني زيهم اتقا لكلامهم

والحمدلله زوجي ساعدني ارجع لصلاتي وكان ملااحظ اني مااصلي وهاوشني وقاطعني
وجابلي منشورات ورجعت لديني ربي يغفر لي مامضى

اسفه ع الاطــآأله بس ابي شوركم ايش اسوي وكيف اسعد امي

يلزم عليك تسجيل الدخول أولًا لكتابة تعليق.

تسجيل دخول

قوت القلووووووب • 11 سنة

والله ياختي فيه اعمام كدا..ابوك فاتح اذنة لهم هذه اكبر غلطة وسمحلهم يدخلون ..عموما هدا ابوك ادعي له بلهداية مع انة غلطان مليون بالمية..بس عشان تكوني بارة به..امك لاتحسسونها بشي تجمعوا انبسطوا لا تركزون عليه. .اشترولها هديه بين كل فترة اخوانك يطلعونها انتي خديها معاك ولاكانه موجود بس البر به وهو ب يراجع نفسه ان رجع بركه وان مارجع دعاء..اهتمي بعيالك وزوجك وانظري لقدام حياة وبتمرخليها برضى الله وان ضايقوك احتسبي..وكرري بصلاتك اللهم اطفي عني نار من اشب الي نارة..و تذكري الحقران يقطع المصران..ويوم قريت قصتك تدكرت عمي زززززن على ابوي الين اقنعه يبيع بيتنا يقله ابغى سوي مشروع. .وحنى نقعد بشارع بس اخواني وقفوووووا لهم شيبان اخرزمن..مانقول غير الله يهديهم ويصبرنااااااا.

مـــدى ^ ـــ ^ • 11 سنة

اسمعي ومالك بالطويله حصني نفسك وبيتك وبيت اهلك وشدي حيلك واحتسبي مو ماتبينهم خلاص اطردي ارواحهم ونفوسهم وقشارتهم من البيت

حربي وصفة الرميح للرش لابطال الاذى والسحر وبيطرررد الاذى وشياطين الانس والجن
"ابحثي بالنت منتشره الوصفه مجربه ولها قصص واقعيه وانا من جربتها ويعلم الله حالنا "

ويتحصن بيتكم بالكااااااااامل وهذي سبب والله هو الكافي وحده

أم توتوه • 11 سنة

مـــدى ^ ـــ ^ :

اسمعي ومالك بالطويله حصني نفسك وبيتك وبيت اهلك وشدي حيلك واحتسبي مو ماتبينهم خلاص اطردي ارواحهم ونفوسهم وقشارتهم من البيت حربي وصفة الرميح للرش لابطال الاذى والسحر وبيطرررد الاذى وشياطين الانس والجن "ابحثي بالنت منتشره الوصفه مجربه ولها قصص واقعيه وانا من جربتها ويعلم الله حالنا " ويتحصن بيتكم بالكااااااااامل وهذي سبب والله هو الكافي وحده

اسمعي ومالك بالطويله حصني نفسك وبيتك وبيت اهلك وشدي حيلك واحتسبي مو ماتبينهم خلاص اطردي ارواحهم...

الله يكون بعونكم وبالذات امك
انت دائما كلمي امك واخوانك وخواتك وحتى ابوك على قضية الصلاة
ولازم المحافظة عليها وبوقتها
الصلاة امرها عظيم ومن تركها فقد كفر
لعل بعدكم من الله وترككم للصلاة اثرها عليكم
ارجعو الى الله وما يضركم شي بعدها
لان من كان مع الله كان الله معه
واعمامكم طنشوهم ولا يهمكم ما يفعلوه بكم
لان كل ما يفعلوه بكم راجع اليهم وسينصركم الله عليهم لا محاله
لكن ابوك برو به لان البر به واجب
جيبي له هديه من مناسبه لمناسبه
لان الهديه تالف القلوب
واحتسبو العمل هذا لوجه الله تعالى
ومن باب البر
واما بالنسبة لا عمامك ادو حق الله فيهم واياكم والقطيعه
لان الله قال من وصلك وصلته ومن قطعك قطعته
صلوهم بالمعروف ادو الواجب فيهم واهم شي المحافظه على الاذكار

والله يكون بعونكم ويكفيكم شرهم

لا اله الا انت سبحانك اني كنت من الظالمين

ام خوخة • 11 سنة

الله يكون بعونكم .. يعني كل عيوب ابوك وزواجه ع امك وفشل الدراسه بسبب كلام اعمامك واجدتك ؟؟؟
يااختي الكلام لايودي ولايجيب

عجيب هالزمن • 11 سنة

اولا اسال ب العبا يهدي ابوك ويسخره لكم ولامك غصبن عليه ..
ثانيا: الغلط من ابوك هو ساس البلا من اول ليه يسمع لاعمامك عمت عيونهم. والله يشغلهم بصحتهم.
فعلا في اقارب. عقارب واشد من العقارب الله ياخذهم ..
انا من رائي ان امك تاخذ موقف قوي. وتترك عنها النراه الضعيفه المغلوب على امرها؟
ليه مو انتي وامك واخوانك. تصيرون يد وحده. وتوقفون ابوكم عند حده؟
اسمعي نصيحتي: ولا تصرفين ولا تدفعين لا انتي ولا امك ولااخونك ريال واحد وبصوت علي. قولو لابوك. خذ زوجتك واطلعو من البيت؟ ولا الناكم موجوده؟ محد قالك تزوج وجبنا عى الدنيا نتبهذل؟
اقل شي يخاف منكم ؟ ويحسب لكن الف حساب؟
اما اعمامكم عمت عيونهم؟ مافي غيير. انكم تطنشونهم حتى السلام والاعياد لاتزوورونهم
مو انتو اصلا بكل الاحوال بنظرهم مقصرين وان امكم مقسيه قلوبكم عليهم وعلى ابوكم ؟ صح؟
خلاااص خلو هالاعتقاد. يصير صدقي. وحقيقه وطزززز. فيهم.