ياختي انت عندك بيت ومسؤولة يوم القيامة عن هالبيت٫ الي هو بيت رجلك... اما عاد تروحين يوميا تنظفين بيت سكانه مو جايبين هم للتنظيف؟ انت عندك بيتك تشتغلين وتكرفين فيه... ومانت مسؤولة عن بيت اهلك

لو تصير مشكلة ثانية مع رجلك بسبب اهمالك لبيتك و ولدك ساعتها ماحد عليه اللوم الا انت٫ بترجعين تكرفين في بيت اهلك... اما عاد يوميا تروحين لاهلك؟ امسكي بيتك وحافظي على حياتك الزوجيه ولا تقصرين في تربية ولدك... لين متى بتقعدين كذا؟ واذا صار عندك ولدين والا ثلاث؟ ناوية تتركينهم عند ابوهم وتروحين تنظفين بيت اهلك؟

الشرع واضح بهالامور٫ لو تستفتين اي شيخ بيقول لك مالهم حق يطلبون منك تنظفين بيتهم وهم الحمد لله مستطيعين٫ اهلك على راسك من فوق٫ (لو كبار بالسن وماعندهم احد يخدمهم بنقول مرة بالاسبوع او مرتين بغياب زوجك تعالي بريهم٫ لكن السالفة من كلامك كسل)... الواجب عليك تزورينهم حتى تتطمنين عليهم وتحسنين اليهم بالكلام٫ مرة بالاسبوع ساعتين وترجعين بيتك... لا خميس ولا جمعة! هذي وقت اجازة زوجك٫ ماينفع تتركينه بالبيت لحاله وتروحين عند اهلك. مو من حقهم يطالبونك باكثر من كذا٫ والباقين رجل على رجل! والله هذا جزاء المعروف الله يهديهم

ذكرتيني بوحدة يوم بغت تزوج امها وابوها بكوا ﻻنها راح تتركهم وهم شباب ماهم شيبان وهي كانت العن من الشغاله بالشغل كرف مو طبيعي ومذاكرة ﻷخوانها واللحين اي مشكله بينها وبين زوجها يكبرونها كأنهم يبونها تتطلق بعض اﻻمهات واﻻباء فيهم انانيه

الله يكوون بعووونك

وعليكم السلام .. الله يكون بعونك ويسخر لك .. اذا هذا وضعك وهم بصحتهم وعافيتهم بالتدريج قللي روحاتك لبيت أهلك .. أول الوقت بيكون فيه زعل بس تحملي لين يتعودون وتعالي لهم خميس او جمعه ونظفي اللي تقدرين عليه وقولي لخواتك يشتغلون معك . .

قولي لهم انك مانك قد بيتين تكرفين فيهم و حاولي تحتوي زوجك ما امكن ولا تروحي زعلانة عند اهلك   الزمي بيتك حتى لو متزاعلة معاه   
ولو رحتي لاهلك بس ساعه بعدين يمرك زوجك ما يمداك تشتغلين شي  كذا راح يعتمدوا على نفسهم شوي شوي 
انت انسانة متزوجة اهتمي بنفسك  و بصحتك و ارتاحي شوي  
موفقة باذن الله