ابوي ويش شعوره تجاهنا

دخلت بس عشان افضفض لاني مقهوره بنات انا معرف من وين ابداء قصتي طويله بس بحاول اختصر وارتبها قدر المستطاع انا واختي تطلقت امي من ابونا زمان وأخذنا ابونا لدوله خليجيه احنا وزوجته بعد ماتزوج وعشنا حوالي ١٥ سنه بعيد عن الوطن ابوي كان مره عنيف معانا واحسه كان يعتبرنا حمل ثقيل عليه وجاف وبعيد مننا ما يكرهنا بس كان يضربنا لو غلطنا مره يعنفنا
وزوجه ابوي الحمد لله كانت طيبه معانا نوعا ما المهم كبرنا وبدأوا الخطاب يجونا انا واختي وقرر ابوي يأخذنا للوطن زياره ولما زرناها شافنا عمي وخطبنا انا واختي لعياله المهم هم عايشين في ريف وتخلف عن كل شي وحياه بدائيه نوعا ما انا ماكنت موافقه لكن ابوي ضغط علي وانا لاني كنت اخاف منه وافقت بس عشان رضاه المهم وعشان ابوي كان وقتها متمشكل هوا واعمومي الثانيين فيقهر فيهم يعني شوفوني عطيت ٢ من بناتي لاخوي بس عشان يقهرهم ولاكان يهمه احنا ولاشعورنا ولاغربتنا ولا اي شي وبحكم اننا صغار كنا مسلمات امورنا كلها لابوي
ومرت السنين وتزوجنا انا واختي لهذي القريه وخرجنا من البلد الي عشنا وتربينا فيه الي قريه مانعرف فيها أحد كننا في كوكب ثاني اندرثرت احلامنا وكل شي وعشنا في بيت عمي ومرت السنين وكل ما لابوي يقسى علينا ويكرهه ازواجنا مدري ليه بس مايحبهم ويكرهمهم ولايفتخر فيهم مع انهم عيال اخوه بس يحس أنهم تحت وهوه فوق وخاصه بعد ماربي رزقه واعطاه رزق وخير كثير يحس أنهم غجر وقرو وبدو ولا عيالنا مايدانيهم ويحسهم مدري ايش والله يابنات معي بنتي الصغيره مثل القمر جميله ربي يحميها أول ما كلمته يوم يقولها هاه يا راعيه الغنم وربي لو انه اعطاني بسكين في صدري ولا يقول لبنتي كذا المهم صار قاسي علينا ولا حتي عمره كلف نفسه يتصل ولايسأل علينا احنا بس الي نتصل ونسأل وصار له جوالي سنه من يوم اعطاني ٥٠٠ريال مع انه ربي فاتح عليه واخواني يلعبون بلفلوس لعب ويشترون كل شي بخاطرهم ربي يزيدهم ويعطيهم اكثر وانا زوجي الحمد لله مستورين ولله الحمد وانتقلنا من الريف إلى المدينه وعايشن وزوجي وزوج اختي الحمد لله طيبين وما في مثلهم يحبونا ويحبون عيالهم بس انا مقهوره لانه ابوي مايحبنا لا احنا ولا ازواجنا ولا عيالنا مع انه هوا الي زوجناهم وفرض علينا هذي الحياه هوه كان يتصرف ويمشينا مثل مايبي عانينا كثير انا واختي من ذي الحياه الي اختارها لنا هوه من مصاعبها ووعارتها وغربتها تخيلو صار فينا كرونا والله ماسأل عننا والحين عندي عمليه الأحد وهوا بيسافر مصر ولا على باله كثثير أحداث لو ذكرتها ما اخلصها صار بارد معنا ماهوه شعور الأب الي بناته بعيد عنه ولا عايشات في غربه تعبت مدري اكرهه مدري ازعل عليه مدري ايش شعوري تجاه انا قصتي طويله وفيها أحداث كثير بس هذا اكثر شي يأثر فيني لانه مقدر اواجه ابوي واقوله هذي الحياه انت الي فرضتها علينا وليه ما تحب ازواجنا انت الي جبتهم لنا ما هوه احنا الي فرضناهم عليك ليه وليه وليه اشياء كثير نفسي أواجه ابوي فيها بس مدري الخوف منه مزروع فينا بس يقول الو في الجوال ارتبك واتلخبط في الكلام ويضيع كل شي في بالي