ابوي و عمي و حلالهم

مرحبا ... انا صديقة عايشه متواضعة وابي رأيكم في موضوعي او مشكلتي ::


عمي اخو ابوي و ابو زوجي ....
خالتي اخت امي و ام زوجي .....
عسى الله مايفرقهم ويطول بأعمارهم .. حبيت اعطيكم خبر عشان تشوفوا كيف العلاقه حيل قويه .




المشكله :
ابوي و عمي عندهم حلال و حاطينها خارج المدينه ٤ ساعات المسافه بعيده مو قريبه ... ومكانهم مافيه ربيع و لا شئ ...




عمي يبي ينقل الحلال في مكان تبعد عن المدينه نصف ساعه يبي يقرب ( عشان عياله لأنهم تعبوا من المسافه و هما موظفين و قصروا على عيالهم وبيتهم و البنزين غالي و كذا او كذا هما يشتروا لهم علف ... ))




لاكن ابوي رفض وقال ماأبي انقل ...
عمي زعل من ابوي و سكت و مايبي يزعله علما ان عمي الكبير ،،،




اليوم انصدمت ان زوجي يقول : اذا عمي مشى من الحلال نبي نروح من ورآه ونأخذ حلالنا ونترك حلال عمي بكيفه يبي معنا ينقل حلاله حياه الله ، مايبي يقعد بمكانه ..





جاء عندي وباسني على راسي وقال : أسف يافلانه ادري انه أبوكي وماترضي عليه ، وماتشوفي عيوبه من غلاه ،،، لاكن عمي مايبينا ننقل و تعبنا المسافه مو قريبه ٤ ساعات رايح و ٤ ساعات جاي .. سياراتنا خربت وانعدمت ( زوجي صلح سيارته ١٠ آلاف ريال ) والبنزين غالي و ذبحنا وإجباري كل جمعه وسبت نمشي للحلال ، قصرنا معكم ومع امي لا تطلعون و لا تروحون ،،، اعذريني انا اطيع ابوي و احنا مانضره ...




ابوي ماعنده اولاد ضناه كلهم بنات ،،، ماعندي ايش اسوي ، خايفه تكبر السالفه و يتفرقوا ....
ادري مالي شغل في السالفه وان السالفة سالفة رجال وهما يتفاهموا ،،،، تمنيت اني ولد اكون مع ابوي


يعني وش رأيكم باللي يصير ،،،،