ابوي يدعي علينا ...

السلااام عليكم ورحمة الله وبركاتة ..

بناااااااات ودي اقولكم على مشكلتي وابي منكم

حـــــــــــل




المشكلة

ان ابوووووووووووي يدعي علينا ...
:44:
والله اننا نحاول نرضيه بس هو يدور اي شئ يدعي علينا ..... أحيانا لما واحد يمر من عندة يقط علية كلام

ويهاوشة وطبعا احنا مانرد واذا ردينا بس نقوووووول طيب ليش (( يعني نسأل اذا مسوين خطأ .... خلاه يدعي علينا ))

يقوم يدور اي شئ ... أحيانا شئ نكون دايم نسوية او شئ مر علية فترة صاير بس كذا هالمرة مالقى شئ يحطة عذر ...



والله والله لو جاءت على الهوشة مستعدة اسمعهاااا

كل دقيقة .....بس مايدعي علينا ..... :44:

وتخيلوا بنات حتى في رمضان بالعشرة الأخير يدعي ... وربي اكتب الموضوع واتذكر دعواتة والعبرة تخنقني ...

ودايم لما يكون ماهو معصب ... انا اقولة ياابوي لاتدعي علينا احنا نخاف الدعوة تستجاب .. اذا غلطنا تعال قول لنا اضربنا .. نبهنا .. بس لاتدعي علينا ...(( مع العلم انة ماهو من الأباء اللي يضربون ... يعني الحمدلله بحياتة ماضربنا بس يضرب احيانا اخواني الصغار بس ))

يقول انا سويت وسويت ... اقولة على عيني بس دعاء لا ... يقول انتم تتمنون لي الموت ... وانا اساسا ماجبت طاري الموت بس بعدين يضيع الموضوع ..

عاد هو يشوف اني انا دايم اقولة لاتدعي ..

على الطالعة والنازلة يدعي علي ... وربي اجلس ابكي واحيانا اقولة حرااااااااااام عليك لاتدعي علي ..

واحيانا امي تقول فلانة (( جارتنا مثلا )) خخخخ يقوم يدعي عليها

كذا بدون سبب ...


اتذكر مرة لما امي ولدت رحنا لها المستشفى ولما وصلنا تذكرنا اننا نسينا ملابس الطفل تدرون ايش قااال :44:

يقووول عساة ماينفع ......؟؟؟ :44:

وقتها وربي ماقدرت امسك نفسي قلت له (( طبعا مارفعت صوتي )) :: قلت انت ذحين تقول عساة ماينفع واذا كبر ومانفعك بتقوول ليش ... طيب حرام لاتدعي علية ...:09:

تخيلوا بنات انة اذا جاء الصباح بعد مايجيب الفطور يجلس بالصالة ويسب ويهاوش ويدعي (( احيانا على اشياء يتذكرها وهي زمان صايرة ومع ذلك يدعي )) الين نلبس ويأخذنا للمدرسة ..

والمشكلة احيانا يسال عن اخواني ووقتها مثلا مايكونوا فالبيت يروح عند امي ويجلس يدعي عليهم ..
عند امي ... عاد حرام عند امي :44: واذا وصلوا البيت يسكت ولا حتى يكلمهم ..

وبعد احيانا يتوهم الشئ يقول والله امس رحت اصحي فلان (اخوي ) وقالي انقلع

وهو بالحقيقة ماصار وهو عارف انة ماصار بس يصدق هالشئ ..



بنات تكفوووون كل يوم اشوف آثار دعواتة فينا وفاخواني ..(((((((( ياليتة بدل مايدعي علينا يدعي لنا ))))))

ايش اسووووووووي ..