ابوي يسب الي فبطني

صباح الخير ..
طبعا انا بس هذي حالتي مع ابوي من قبل لاتزوج .. مادري اذا تذكروني او تذكرون سالفتي باختصار انا الي امي وابوي انفصلو وابوي حرمنا من امي حتى بعد زواجنا مايبينا نروح لها وقايل لنا الي بيروح لها ما ابيه يدخل بيتي وحاليا انا اكلم امي وازورها بس بدون علم ابوي (ابوي كان طاغيه وكان يعذب امي ويضربها وضيع شبابها معاه ودفنها وكان حارمها من حقوقها الزوجيه ويحرمها حتى من اهلها)
المهم السالفه الجديده ... ان انا سالت في الانستقرام سؤال عن حكم الاب اللي يحرم عياله من امهم ويقول ان اللي بيكلمها بيتبرى منه ..حلو؟ عمتي شافت سؤالي الله لايسامحها وراحت على طول ورت ابوي تدور المشاكل بس الله يبليها بنفسها
وابوي قام ماخلا سبه ماسبني اياها عند اختي وقال عني ان هذا مستواي القذر (يقصد امي) واني سفله ووو ..
وانا حامل ببنت بلشهر السابع وهذي اول ضنى لي ...زوجي اسمر فاتح سماره سمار الخليجيين العادي ...فابوي قال ان بنتي مابيقول عنها حفيدته يعني مو معترف فيها وانه مايبي يشوفها بنت العبيد .. حزت بخاطري هالكلمه لو على انه يسبني عادي متعوده بس بنتي اللي للحين مايات عالدنيا يغلط عليها ليش؟
وكل هذا وهو للحين مادرى حتى اني اكلم امي
كان المفروض بعد ما اولد انفس عنده مع انه بيته مافيه حرمه يعني بس هو واخوي بلبيت متخيلين؟ وانا هذا اول طفل لي يعني احتاج ام تعلمني وتساعدني لكن كنت قايله معليه بنفس عنده شسوي بعد ماقدر انفس عند امي لان بيتبرى مني اذا درى اني اكلمها
بس بعد الكلام الي قاله خلاص انا ماكلمته ولا هو كلمني حتى قال الكلام حق اختي عشان توصله لي وماكلمني ابدا وهلسالفه لها ثلاث ايام وطبعا هو مقصده انه متبري مني ويبيني اروح اكلمه واذل نفسي له...المهم انا قررت بولد وماببلغه وبنفس عند امي وبصدمه واذا فتح فمه وقال شي بقوله مو بنت العبيد ماتشرفك؟ خلاص عيل خلك بنفسك
بموت من الحرقه شورو علي صح اللي بسويه ولا لا؟ شسوي ابوي طاااغيه بشكل فضيع ومتكبر على الناس ودايم داايم بكل سالفه يغلط على زوجي ويسبه مع ان زوجي مااعمره اذاه بشي