®ام ميرا® :

ما اعرف مواضيعك القديمه،، بس مهما يكون هذا أبوك كيف انتي منسدحه وزوجك يسّلم عليه ولا كلفتي ع عمرك تقومي تسلّمي عليه اصلا مهما يكون كيف منسدحه ولا عبّرتيه وفوق هذا ما شافك من زمان يعني شو تتوقعي منه مثلا وانتي حطيتيه بهذا الموقف قدام زوجك واولادك مهما يكون حبيبتي هذا أبوك مهما سوى فيك واجب عليك تبّري فيه وما تعالجي الغلط بغلط ثاني،، يعني افترضي يمكن أبوك كان بيسامحك وبيسلّم عليك لكن لما شافك ما احترمتيه قدام زوجك واولادك اكيد ضايقه الموقف وطردك وبيني وبينك ما ألومه لما طردك يا اختي مهما يكون أب وله احترامه مهما سوى،، نصيحتي تسامحي منه وانسوا الماضي وافتحي صفحه جديدة مع أبوك حتى يحترموك زوجك واولادك وبالعكس بتحسي حياتك احلى لانه هذا بينعكس ع حياتكم بعدين يعني توقعي اولادك يعاملوك مثل معاملتك لأبوك الحين ترضيها لنفسك؟! نصيحتي انتي اهدي الحين كم يوم لحد ما يهدي أبوك وبعدها كلّمي امك قوليلها تبي تتسامحي من أبوك لانك غلطتي وخليها تستأذنه تجي تسلمي عليه وتتسامحي منه وافتحي صفحه جديده معه وصدقيني بتفتح لك الحياة وبتحسيها احلى،، شو ترفعي قضيه وما اعرف شو وانتي اصلا تصرفك خطأ من البدايه يعني تتوقعي ياخذك بالاحضان وانتي منسدحه وبدون احترام قدام زوجك واولادك ما كلفتي ع نفسك تقومي وتسلّمي عليه هذا اب يا اختي مهما يكون ومهما غلط بالعكس انتي الحين تعاندي والاب مهما سوى بأولاده ما يعتبره غلط يمكن طبعه عصبي وبيظل أب وبينسى،، وانتي لازم تنسي الماضي وتتسامحي منه وتبرّي فيه وصدقيني مره ومرتين وثلاث وعشر ولما يشوفك جاده بيسامحك وبتكبري ف عينه وبيحبك مثلك مثل اخواتك،، اعذريني طولت عليك لكن حبيت اقدم لك نصيحه وربي يوفقك ويحنن قلبك ع ابوك ويحنن قلب أبوك عليك ويرضى عنك

ما اعرف مواضيعك القديمه،، بس مهما يكون هذا أبوك كيف انتي منسدحه وزوجك يسّلم عليه ولا كلفتي ع...