ابوي يهددني بعدم حضوره زواجي

السلام عليكم ورحمة الله وبركاته
بنات انا بنت ماشاء الله بين 11بنت انا ترتيبي 4 بينهم اختي الكبيرة متزوجة مشاكلها ماتنتهي وللاسف لحقتنا بالمشاكل والي تحتها خالعه زوجها وفي ثنتين ماجاهم نصيبهم بعدين انا ربي كتبلي شخص مقتدر ومحترم وخلوق
المهم المشاكل بالبيت كثيرة البيت صاير احزاب بنات مع امي وابوي واختي الكبيرة (ابليس اسميها ) وحزب انا ومعي 4 بنات نسال الله السلامة ع هالحال بس هذا الواقع
قبل ملكتي خواتي الكبار حاولو يسوون مشاكل حتي تخرب المللكة وحدة فيهم كانت تقول والله لخرب عليك والله مااخليه يتمم هالزواج علما بانها اكبر من سن وللاسف حقدها باين من وجهها والثانية كانت تقول لاخواتي الي بصفي لا تطلعون للناس خلوها لوحدة والكلام كثير انا كنت ادافع عن نفسي ومع ثنتين وكنت اقول لهم الله اذا كاتب هالزواجة غصبا عنكم مهما سويتي بتم وفعلا ربي تمم علي فرحتي بملكتي وابشركم ولا وحدة فيهم قالت لي مبروك كل وحدة رافعه حواجبها حاليا لي سنتين متملكة وللاسف المشاكل كثير بالبيت وكنت اتمني اطلع تعبت نفسيا بس ربي عوضي ان شاء الله وزواجي ان شاءالله الشهر الجاي شهر 8 لكن انا مريت بظروف بالعمل وتركت الوظيفه وحصلت غيرها لكن ابوي مسكني قالي ليش مستعجله كم ناقصك قلت له المبلغ الفلاني قالي اعتبرية في بنكك انا بعطيك هالمبلغ علما ان ابوي ماديته حلوة ودايم يساعد الناس ولما اختي خلعت عطاها مهرها كامل للرجل والثانيه الكبيرة المتزوجة دايم تطلب ابوي ويعطيها من 30 الف وغيرها المهم ها انا قرب زواجي قبل اسبوع دخلت ع ابوي حصلت البنت المطلقه الي خالعه تقول للوالد مثل ماتعطيها عطني سمعتها وسكت واليوم الثاني قلت الابوي عطني ماعاد يمديني اقضي قالي والله لو في رصيدي ملايين ماعطيتك ثم تهاوشت معه اقول له ليش ماعاد بقي شي ع زواجي والله طلعني من طوري قلت انت تعطي وانت وعدتني قال مالك شغل وماابي اعطيك المهم طلعت من عنده اتحسب وابوي نادي امي قال اذا اعطيتها لازم اعطي خواتها الثانين كلهم بتساوي يعني قلب علي وانا ان شاء الله ينصرني ربي (لما كان يعطي اول البنات ماكان يساوي سبحان الله لما طلبته قال ابي اساوي بينكم علما انا كنت موظفه 4 سنوات اهلي كنت شايله عمري بالمصروف استحي اطلب منه ريال غير خواتي المتوظفات الثانيات يطلبون منه المهم لما احتجته للاسف قال دبري عمرك والسبب خواتي حسبي الله عليهم )
من قهري وهمي الي مثل الجبل ماسلمت ع ابوي وبصراحة اعتبرته بدنيتي ميت وهو الله يسامحة مو انا يقول لي وللبنات قبل زواجك باسبوع بطلع الطائف عن اهلي واخذ خواتك وانتي احضري زواجك لوحدك
شووفو كيد الحريم ايش يسوي بالرجال
هذي السالفه بالمختصر صارت كلام كثيرررررررر لكن هذا اختصارها
بنات انا اكذب لو اقولكم بسامحة الانه حطني بموقف عمري ماانساه ثانيا انا حصلت وظيفه وقالي اتركيها لا تستعجلين انا بعطيك الي تبيه لكن للاسف صار الي صار
خواتي الي معي يقولون لي هذا من حسدهم يحاولون يخربون عليك الاخر لحظة وفعلا هذا الي انا اشوفه حسبي ربي عليهم اذا هذي نيتهم .... انصحوني انصحوني