على شو تبارك له ؟
على شهامته ورده لجميل زوجته اللي ضحت بشبابها وصحتها في تربيه عياله ومراعاه ابوه وامه .
غريبه يعني عادي عندكم تفرحون له ؟ شايب خرف يبغي يرجع شبابه اللي ما بيرجع بزوواج ثاني عشان يثبت انه للحين شاب وما كبر ، ترى معظم الرياييل اذا شافوا اولادهم وبناتهم تزوجوا ويابوا عيال يتزوجون عشان ما يحسون انهم كبروا وام عيالهم ما تهمهم وبيحطون عليها وبيقولون فيها وفيها وهي لو تموت من القهر والحزن ما بتهمهم المهم يعيشون حياتهم .


ياترى لو ابوج تزوج على امج بتروحين عرسه ؟، ما ادري والله اذا فيه ناس عندهم هالشي عادي ويفرحون لابوهم اذا تزوج على امهم ؟ بالنسبه لي اوقف مع امي " امك امك امك وبعدين ابوك .
بصراحه انا اعتبر زواج الريال على زوجته طعنه بسكين في صدرها ومب اي طعنه "" طعنه غدر "" والغدار ما ينضمن جانبه . حتى لو قلتوا الشرع احل له الزواج باربع ، الشرع احل لنا اكل البحر واللحوم ونحنا مب مجبرين على اكلها اذا ما نبيها . الشرع احل لهم هالشي وما حث عليه او فرضه للأسف معظم الرياييل يقولون انه الاسلام يحث على الزواج بأكثر من وحده والحريم الحين بدوأ يصدقونهم !!!!!!!!

اعذريني اختي &&جودي&& اذا حسيتي انه كلامي يزعل

أنا مع البنات لا تروحين خالتك أهم مليون مره
والشايب والله مادرى عنك ولا فكر فيك
ومدام كلهم بيروحون وخالتك تجلس لحالها أجلسي معها
وقولي ماقدرت اروح واترك خالتي لحالها00000
وأنا مع كلام أختي عيوز مخالفه في كل كلمه قالتها
الشرع حلل أربع ما قلنا شي لكن وووان خفتم الا تعدلو فواحده

من غير سؤال طبعا لاتروحين كيف تؤذين مشاعر ام زوجك بعد كل هالعشره?? هي ابد ما اذتك في شئ لازم توقفين معاها وتواسينها في هالمشكله وما عليك من ابو زوجك وزوجات ابنه لانه يمكن الهم مصلحه في الذهاب وخلك مع الحق وماعليك من احد لان ام زوجك ستقدر لك ذلك فهي في حاجه لمن يقف معها فبذهابك للعرس ستخسرينها وستتغير عليك

لاا والله حرام
شنو ذنبها ام زوجج المسكينه :(
تشوف الكل يحتفل بزواج زوجها ومن عيالها وزوجاتهم :(
ترى صعبه حيييل :(
انتي صلي استخاره
وشوفي الله شنو ييسر لج

خالتك بتكون بحاجه لاحد يخفف عنها
بذاك اليوم..
خليك جنبها الله لايحرمك الاجر..
وانصحك اذا كانت ساكنه لوحدها انك
تنامين عندها كم من يوم..
تتقهوين معاها الصباح..
وتونسونها باقي اليوم انتي وزوجك..
واحتسبوا الاجر..