ابو زوجي مثل قضيه فلسطين ماله حل !!
هذا سلمكم الله ابو زوجي مافي مشكله مباشره بيني وبينه يتخاصم هو ولده اللي هو زوجي ويحط ثلاث ارباع حرته فيني انا والربع في ولده يجي عند بابي طغاوه يدق ويهزأ لين يقول يادايم ولو ولده ماهو موجود يمكن يتجرأ ويضربني بس ولده يمسكه ويحاول يهديه وولده مايقوله اي شي يذكر اتوقع لانه مايقدر عليه فيحط جام غضبه علي انا لكم ان تتخيلوا الفاظ الكبار في السن ماخلى ولابقى انا والله ماهتميت فيه ولافي مشاكله اللي يصطنعها لي لاني مبسوطه مع زوجي وهو مبسوط معي زوجي الحمدلله عارف اني ماسويت له شي ماسكه بيتي وعيالي وصاكه بباب بيتي ويحبني ومقدر صمتي وحاطني فوق راسه ودايم يترجاني اني اتماسك وما ارد واذا صارت مشكله ومارديت يقعد يشكرني يومين قدام لااني بالعاده ما اسمح لاحد يتكلم علي وعشان خاطر عيونه يابنات وعشان انه عسل معايه ومع اهلي وكل من يعز علي اسكت دايما اقول ليس جزاء الاحسان الا الاحسان وبرضه عشان ابوه كبير بالسن اقول الكبار بالسن دايما كذا يابنت طنشي والله معاك مدام انك ساكته انا اتوقع ان هذي حركات كياده من ابوه واهله عشان يخلقون مشاكل بيني انا وزوجي يموتون اذا شافوا وضعنا مستقر ولاني معاه بالحلوه والمره ماتركته رغم كل الظروف السيئه اللي مرينا فيها واقفه معه اكثر من اهله ولا احب اخوض في تفاصيل الظروف السيئه لانها موجعه ومازالت موجعه بس صابره ومتحمله لاني ادري ان مابعد العسر الا يسر وان فرج الله قريب وابوه يعرف فضلي على ولده وعلى صبري رغم انه ماقدر يتحمل ولده وانا تحملته سنين والقريب والبعيد يشهد بفضلي الا هم ناس ناكره مستحيل يعترفون بالجميل بالعكس يحرضون زوجي علي ويقولون ترى مالها فضل عليك وانت رجال والرجال مايعيبه شي ببس الحمدلله زوجي بصفي ومستحيل يسمع فيني اللي مايشوفه بعيونه ومقدر كل وقفاتي معاه صراحه ماتحملته اليوم قمت ارد عليه لمن وصل الموضوع للعرض رحت بتفاهم معه قلت عيب عليك 00000ومن خلافه مايفهم ولايبي يفهم ومستحيل يفهم وقت غضبه مايشوف بعيونه وزوجي زي العاده يراضيني وياخذ بخاطري ويقول معليش ابويه كبيربالسن ومريض وعصبي ومحرض بس والله وهو راضي مافي اطيب منه ومن هالكلام وانتي ابشري بالخير قصده بدل ضرر بس انا صراحه محتاره بين زوجي اللي غمرني بحبه وطيبه وبين ابوه الظالم اللي مايخاف الله ومدري وش السواااات 0000
13
1K
يلزم عليك تسجيل الدخول أولًا لكتابة تعليق.
فاقده اخوي
•
معليش اختي اهم شي زوجك وهو حنون اكيد بتحمل علشانه واذا جاء ابوه معصب ليش تجلسين عنده ادخلي غرفتك وقفلي عليك الباب وخليه يتفاهم مع ابوه وانتي قوليله انك بتقفلين عليك ولاتروحين لهم خل يحسون انك زعلانه وماخذه موقف الله يهديه يارب
مادام زوجك معك ارمي الكلام اللي يقوله ابوه باقرب زباله عندك ولا تردين عليه وتفتحين على نفسك مشاكل مع زوجك وانا ماارضى ان زوجي يرد على ابوي حتى لو ابوي غلطان يحز بنفسي ولو تحمل بيكبر بعيني.....قال صلى الله عليه وسلم انا زعيم ببيت بربض الجنه لمن ترك المراء وان كان محقا...
استمري على حنكتك وذكائك واصبري لجل عيون زوجك وخلي الشايب يتكلم من هنا لبكرة وقللي مخالطة مع الشايب وسافرو تغيير جو وابتعدي عن الاجواء ذي
وبالنسبة لشايب مصيرة رايح لربة والله يهدية على تصرفاتة
واهنيك على اخلاقك العالية والله يكملك بنظر زوجك دووم
وبالنسبة لشايب مصيرة رايح لربة والله يهدية على تصرفاتة
واهنيك على اخلاقك العالية والله يكملك بنظر زوجك دووم
ماعليه هم كذا الكبار
إنتي خليكي مثل ماإنتي إحترميه أولا لكبر سنه
وثانيا عشان خاطر زوجك
والله ييسر لك أمورك
ويهدي أبو زوجك يارب
إنتي خليكي مثل ماإنتي إحترميه أولا لكبر سنه
وثانيا عشان خاطر زوجك
والله ييسر لك أمورك
ويهدي أبو زوجك يارب
الصفحة الأخيرة