ابو زوجي والبيت ..

السلام عليكم ورحمة الله وبركاته ..
صباح الخير ي اخواتي وحبيباتي .. أسال الله ان يجعل لي ولكم من كل هم فرجا ومن كل ضيق مخرجا ومن كل بلاء عافيه ..

بطرح لكم موضوعي وابغى منكم نصايح الله ينور بصيرتكم ..
طبعا انا قبل كذا نزلت كم موضوع عني واكيد بعضكم عندها خلفيه عن بعض قصة حياتي او معاناتي ..

اخواتي وصلت مع زوجي ف النقاش في موضوع انه ياخذ لي بيت وانا موافقه ياخذ لي بيت لو فيه غرفتين بس هو رافض يقول لازم 3 غرف عشان باخذ ابوي معاي قلت يعني الوضع مايتغير نفس هنا ياحبيبي انا ابغى اخذ راحتي ف الطلعه والدخله واذا ابوك كان معاي ماباخذ راحتي ويكون علي حجاب قال عادي مافيها شئ .. ابوه عنده 7 عيال غير زوجي وعنده زوجته بس هي مقاطعته من 4 سنين وهو ينام ف السطح تخيلو اول ابو زوجي كان غني ماشاء الله كان ينام على فلوس بس للاسف لعبو عليه الناس عطنا وعطنا بنسوي لك مشاريع وخسر كل شئ وتحطم وانصدم وخلاص ما اشتغل طبعا وقت كان غني كان هو زوجته سمن على عسل بس لما خسر كل شئ صارت ماتهتم .. العيال هما اشتغلو وصرفو على انفسهم وتزوجو والى الحين يصرفون ع البيت .. هي خلاص غسلت يدها من زوجها لانه مااشتغل وخسر كل شئ صار ينام لوحده ف السطح كثييير مرات شفته يجي يعتذر لها بس هي ماتبغاه تقوله طلقني هو مسكين ماعنده احد دايم مشاكل بينهم انا نفسيتي تعبت وبديت اتأثر منها ماتحترمه صرت ما احترم زوجي المهم قبل 20 سنه امي كانت ساكنه معاهم لان ابو زوجي يصير خال ابوي وتقول امي لو تشوفون كيف كانت .. كل يوم عندها معازيم وبيتها مايخلى من شئ وكل يوم عليها طقم ذهب وزوجها كان يركض وراها ركض .. امي سكنت عندها سنه هي ماقدرت تتحمل ما ادري ايش قالت لزوجها زوجها جاء عند ابوي وقال الحريم مو متفقين تخيلو امي المسكينه كانت تخدمها وتخدم عيالها بس م ادري وش صار وش قالت حماتي لزوجها وابوي ضاق وقال لأمي جمعي اغراضك بنطلع من هالبيت وابوي كان على قد حاله ترك امي ف بيت عمها وراح يشتغل والحمد لله ربي رزقه واخذ لها بيت ..

نجي للموضوع الاهم ..
انا اتغطى من اخوان زوجي وابد مو مرتاحه عند اها زوجي ولا حاسه ب الاستقرار والحريه .. وكلما افكر ف موضوع البيت اتحطم اقول دامه بياخذ ابوه معانا الحال مابيتغير .. ابوه الحين تعبان عنده الكلى الله يشفيه ومسوين له قصطره ويبول عن طريقه الله يكرمكم .. وماحد مهتم فيه زوجته ابد مافكرت تدخل عليه او تهتم فيه زوجي اللي مهتم يعني يسأل عنه لما يكون جوعان يجي عندي زوجي يقول ابوي جوعان واروح اجهز له اكل المشكله زوجته موجوده بس ابد مو هاااامها واغسل ملابسه واكويه وزوجته ولا همها انا انقهر بصراحه دايم تذم زوجها عندنا ف حيااااته ماذكرت لنا جميل واحد سواها لها زوجها كل يوم تطلع عيوبه وتقول عندنا وعند عيالها انا ماتهنيت وما شفت ووووو يعني حتى اذا جينا نطلع مكان مع ازواجنا تقول روخوا استانسو عيشوا يومكم وانا ماشفت وابوكم ماسوى زوجي يتنكد عشان كذا مايطلعني يقول امي مسكينه وهي والله كانت عايشه ف عز مع زوجها .. المهم هو كبير ف السن ويحتاج احد يرعاه انا ما اصير له محرم عشان ارعاه ف اشياءه الخاصه يحتاج محرم هو .. الحين زوجي لما ياخذ بيت وهو معاي يصير لازم اكون عنده واخدمه وانا مو قدها بصراحه اذا صار عندي زوج وطفل وبيت مسؤليه بصراحه ولما اطلع ينشغل بالي ومانتركه لحاله بس هو ف بيته عند عياله وبناته اكيد لما الكل يطلع واحد منهم يجلس عندي وبصراحه احيانا اهل زوجي كلهم يطلعون وزوجي برى مافي ف البيت الا انا وابو زوجي اخاف يعني يجيني وسواس وانا تعبت والله ما ادري كيف اقول لزوجي اني ما تبغى ابوك معانا وهو اصلا يبغى ياخذ البيت عشان ابوه .. وانا منقهره ما ادري وش اسوي والله وكيف اقول لزوجي اني انا حاسه نفسي مو قادره على خدمته وهو ف هالحال وهو محتاج لمحرم .. تكفون ارشدوني لطريق الصواب وش اسوي .. الله يسعد قلوبكم من جد تعبت من التفكير