ابو زوجي وحركاته الي ترفع الضغط

السلام عليكم بنات
انا بدخل طوالي بالموضوع انا متزوجه وعندي بنت عمرها سنتين والثانيه جايه بالطريق والحمد\لله والشكر مااعترضت ولاشي البنات نعمه في هذا الزمن
بس حركاته ابو زوجي ترفع ضغطي يحب الاولاد وتحسينه من عصر الجاهليه لا تبشر ان احد جاه بنت

المهم في احدى المرات كنا كاشتين جا لم فرشتنا ومسك يد ولد بنته وراح يمشي فيه وبنتي مسكينه تناديه وراحت تركض وراه وربي ماالتفت لمها وانا كنت اناضرهم انه يمشي ومخلي بنت وراه مع انها سنتين عمرها
وهم راجعين طاحت وتجرحت المسكينه ولا رجع لها يقولها احسن تستاهلين
ومرة كنا بالسيارة انا وزوجي وبنت وولد بنته وبنودي اخته لم اهل زوجها هو كان بالحوش جا فتح باب السيارة ونزل الولد وراح يتمشى فيه لان امه تاخرت مانزلت لسيارة وبنتي تبكي تناديه تقول بابا انا انا هنا عصبت وقمت قلت لزوجي معليش ياخذهم كلهم او يخليهم بالسيارة اصلا احنا ماشين امه جايه الحين
والحين مرسل على جوال زوجي يقول اختك جابت ولد الحمدلله
احسه وده يقهرنا باي طريقه وغيرحركاته لزرناهم ياخذ الاكل من قدامي ويوزعه على الثانين كنه متحسف اكل شي من عنده وغيرها من مواقف كثير ياخذ مناشف السيارة الوصخه ويعلقها على ملابسي المغسله كانت منشورة بالنشارة هذا كله سار بالصيف
وغير ان زوجة ابو زوجي مرة جت قالت ترى مايحب بنتك يحب الاولاد اكثر انا وربي سود وجهي ليش كذا اقارنه باابوي الي يموت ببنتي ويتصل يسمع سوايلفها ويحبها ويشتري لها العاب وهي تحبه لدرجه انها تناديه ابويه مثلي

شورو علي وواسوني الي زي كذا كيف تتصرفون معهم

نسيت اضيف نقطة مهمه انا عندي اخ واحد وخلفته كلها اولاد ماشاء الله ومع كذا ابوي يفضل البنات ويعطف عليهم حتى بنتي تسلم على يد ابوي مثلي واذا حلق شعره يجي يبي لعبها تجي تلمس صلعته وتبوسها ارحمها احسها تحبه بجنون