ابو صديقتي جاب لنا

السلام عليكم
صديقتي واهلها جيرننا يعني نفس الحاره
اعرفها من مده واعرف اهلها لي علاقه معهم قويه
سكنت فله واشتكي الصديقتي الفله كبيره وانا مقدر عليها وقدمت خدامه فلبينيه مسيحيه تعرف عربي لسانه طوويل وقليلة ادب واضربت بعد٥ شهور طبعا قبل الاضراب افلام
مره بابا موت بزور اهلي مره ماما تحتضر مره بيبي تعبان يوم شافت حركاتها مكشوفه اضربت والمشكله كل مره تنفضح تفضحها شغالة اهلي تقول اهلها بخير بس هي ماتبي تشتغل هنا تبي انفتاح وتطلع وتدخل على راحتها وشايفتلها شغل بالصين
حومت كبدي وتهاوشت معها وسافرت
صديقتي اهلها مايتعاملون الا مع اندونيسيا ابوها يجيبهم بنفسه
تقول حنا مرتاحين معاهن مررره وتراها تصلحلك وراه ماتجربين يومين خدامة اهلي لها ٤ ايام جايه بس وابوي يبي يتنازل عنها جابها الولد اخوي الصغير وطلعت ماتعرف للبزران
انا رفضت وقلت لا انا توني متخسره مابي اعيد التجربه قالت وش بيضرك جربي يومين بس
جابتها فعلا ماهي يم الاطفال لكن
بالنظافه تذكرون شغالات الطيبين اوول البدائيه اللي مامعها جوال وبسيطه مررره وحقت كرف والله ويشهد علي ماقلتلها نظفي من نفسها شالت البيت شيل مسحت البيبان والشبابيك ولمعت الدرج وغسلت الحمامات وكوت الملابس
ابد شغالات اول مالها صوت ابدااا هاديه
انا اقتنعت فيها بس المده يومين ولا رجعيها كلم زوجي ابو صديقتي يمددلنا عشر ايام تجربة لكن ابوها رفض قال فيه كثير يبونها وانا كنت بعطيها عمة زوجتي لكن بنتي اصرت ان زوجتك تجربها اول ولكم الى بكرا اذا اعجبتكم خذوها ماعجبتكم رجعوها
وهذا الكلام قاله ١١ الصباح اليوم ومن قالنا كذا وانا فكري منشغل اخاف اخذها اندم والله زوجي مايجيبلي غيرها لو اضربت ولا هجت
واخاف ارجعها اتحسف لانها مبدئين جدا واضح تبي الشغل الدرجة تقول الزوجي اذا ماتبوني لاتسفروني انا جايه ابي اجلس سنتين ودوني عند ناس ثانيه
والله احترت بس افكر مخي تعب من التفكير واللي متعبني اكثر زوجي قال انا بدفع لكن والله ورب الكعبه اذا هذي مامشت معاك ولا اضربت انسي اجيبلك جيبي بالساعات ومن مصروفك بعد مالي دخل خايفه اتحسف
اخواتي لو مكاني وش سويتو