ابى اروحلهم وهذي طبايعهم شنو تنصحوني؟

ياعمممري انتي
لو انا مكانك ماطب عليهم الا بالسنه حسنه ماله داعي تروحين
لو زوجك عنده اجازه ويبي اهله قوليله يسفرك عند اهلك اسبوع تغيرين جو و تنبسطين
بصراحه ذولا ماينراح لهم وفراقهم عيد
الله ياجرك على هالحموله يارب

كلها اسبوع تحملي وش تسوين

والله يا حبيبتي أنا لو بمكانك ماعاد بأروح لأهل رجلي ولا أجيهم والوجه من الوجه أبيض
حبيبتي إذا زوجك متفهم اشرحي له موقفك وتصرفاتهم وكل شئ وإنك ماعاد تقدرين على كذا ويمكن بيوم تغلطين على أهله لأنك وصلتي حدك
وهو بيتفهم لأن ذولا أهله ويعرف طبايعهم أكثر منك قولي له ماراح أمنعك عنهم بس أنا ما عندي استعداد اروح لهم وإذا شفتيه مصر إلا تروحين معه خلاص يأخذ لك شقه تجلسون فيها لحالكم وهو يروح ويجي على أهله وقولي له إذا خاطره يأخذ بنته معه يشوفونها أهله لا يخليها عندهم ويروح لا يقعدها معه الين يرجع وهي لاصقه فيه وعينه ما تروح عنها لا كذا ولا كذا
وحبيبتي انتي ما عندك لسان يعني اوكي الواحد ما يغلط على احد بس لا غلطو عليك وزودوها لا يردك الا لسانك اخته ذي ترا مو لازم تعطينها قيمه وشيمه والفرش يا عيوني شيلي معكم مفارشكم منة الله ولا منة خلقه

وسلامتك

اذا في امكانيه تاخذون شقه برا او فندق احسن لك عشان تفتكين قولي له عشان اخذ راحتي معاك واقعدي جهزي له من قبلها بمده يعني لما نروح بسوي لك وبلبس لك وووو وعندي لك حركات وبعدين اقترحي عليه الفندق اذا رفض قولي له عشان ناخذ راحتنا بالنوم واللبس وانا استحي وووو ولا تشدين معاه هاتيها بهدوء ودلع

اما اذا رفض روحي لاهلك وغيري جو بس لا تقولين له بزعل يعني قولي له انت بتنشغل مع ربعك وانا ماراح اشوفك الا اخر الليل وماراح اخذ راحتي معاك وعشان نشتاق بعض وبسوي لك مفاجئه لما ترجع ومن هالكلام

اذا اصر تروحين معاه وكلي امرك لله وكوني رسميه معاهم وبعدين انتي مب مجبوره تطلبين للكل اطلبي لك ولزوجك وممكن تعطين امه نصيبها ودشي غرفتج وكلي على راحتك ولا تحتكين ابدا ابدا بعمك ولا باخت زوجك ولا بغيرهم خليك بحالك وحاولي تشغلين نفسك او تطلعين انتي وزوجك دوري الاماكن المعروفه عندهم والمشهوره وخليه يوديك او حتى روحي زوري قرايبكم بنفس هالبلد انتي وزوجك يعني بالمختصر غيري هالروتين واطلعي عشان لا تكثر المشاكل

كلها اسبوع تعدي بس انتي اصبري

وفراشك جبيه معاك خليهم يحسون فيك

اما ضرب البنت مايضرها بكره يتندمون عليه


ولما تدخلين البيت قولي في نفسك اللهم انى اجعلك فى نحورهم واعوذ بك من شرورهم

مو تقولين انا ماني داخله على اعداء بس بهذا الدعاء ربي يشغلهم عنك

وربي يعينك عليهم