ابى اطرد اختي في الشارع او اهرب انا من البيت/قديم

السلام عليكم بنات
اوكيه انا عندي مشكله وياما فكرت اني انزلها هنا ع المنتدى علشان تساعدوني بس كنت دااااائما اقول. السالفه ما تستاهل ومو لازم احلها..يعني بموت لو انا واختي كرهنا بعض؟
انا باااااااخذ راحتي في سرد كل التفاصيل واللي باله مو طويل وبيمل مني رجاء اطلعوا من الحين
بس قبل لا ابدا عندي نقطتين احب اوضحهم
1) لو انك (انتي) اخت كبيره فما عندي شيء اقوله لك غير اتقييييييي الله في اللي اصغر منك في البيت لانك وربي راح تسالي عنهم يوم القيامه
الاخوات اللي مايصدقوا يلاقوا احد اصغر منهم علشان يتسلطوا عليهم ويقلبوا حياتهم جحيييييييييييييييم بس لفرق السن ربي يارب يحاسبهم ويسلط عليهم احد زيهم

2) في احتمال كبييييييير انه اختي اللي اناااا اعاااااااااااااااااني منها تقرا موضوعي... وبصراحه ماعندي اي مانع لانه طفح الكيل عندي.. لو عندكم اي ردود لهذه النوعيه من الاخوات فياليت توجهوا

الكلام مباشرة لها يمكن ياثر عليها وتحس شويه

اوكيه انا اصغر العنقود.. مااعتقد اني مدلعه بس الحمدلله اخواني واخواتي كانوا مره يحبوني ويخافوا عليه لاني زي مايقولوا "كنت كيوت ومؤدبه"

كبرت عادي..طفولتي كانت عاديه ومابدات احس بالمضايقات الا بعد مادخلت المتوسط ودخلت النت
عندي اخوات كثااااااار مشاء الله واخوان كمان. بس مالي خص فيهم الحين. ركزوا بس على اختي بخيته (تستاهل الاسم!) هي اكبر مني ب6 سنوات وفي بيننا اخت اكبر مني ب3.

قبل 8 سنين لاحظت النت عندنا في البيت وكنت مو مره احبه. اذكر اختي بخيته كانت تدخل على كم منتدى تقرا عادي ويوم كانت تقول انها تدخل منتدى الدكتور السويدان! يالله كنت ازعل عليها مره

واقول كيف تسمحي لنفسك تدخلي منتدى فيه رجال.مو هذا اللي يسموه الشات ومدري ايش؟

شويه شويه بدات انا كمان ادخل منتدى وبدات بمنتدى شبابي اسلامي. ومع اني كنت صغيره الا اني كنت الحمدلله ملتزمه وهذا اللي خلاني شويه انطوائيه لان نوعية البنات اللي على قدي ايامها كانوا مررررره داشرين. فلقيت صحبه صالحه ولله الحمد في المنتدى وكونت احلى واروع العلاقات مع انضج الاخوات
المهم..بدانا نتخاصم على الكمبيوتر وبما اني طالبه ماكنت اقدر اطول على النت.عكسها تماما

وبدات الاحظ انانيتها..يعني مثلا هي تعرف انه اليوم الوحيد اللي اقدر اجلس على النت يوم الاربعاء.. بس كانت تقولي انه مالها دعوه ومو ذنبها وفي ذاك اليوم تجلس تشاركني فيه وما تسمح اني اجلس عليه في الليل..ومابى احد يتفلسف علي ويقول انه من حبها او خوفها لانه اكيد كان بيكون في اسلوب!!!! لكن انا اتكلم عن وحده تقوم تصرخ او تهز كتفها او تهدد الخ


كانت تركز على سلبياتي.. اني مثلا عندي مشكله في الكتابه فتقوم تتريق عليه مع انها ادررررررى بحساسيتي وانه هذه هي الاشياء اللي من جد تحطمني (وقد حطمتني اوريدي!).. تعلق على شكلي الخ
كنت اطنش..وما زلت.
كبرت وهي كبرت..وكبرت مشاكلنا..لين الحين هذه المشاكل اللي كنت اتكلم عنها هي في الاصل تفاااااااهات مع اني والله كنت دائما ابكي بسببها
يوم صار عمري 18 صرت الحمدلله مره مره مره متفوقه.. وصرت عادي اجلس على النت زي ما ابى.. الحمدلله صرت مره اجتماعيه..وصرت اهتم بنفسي اكثر بكثير

والله يابنات ياما حطمتني بكلامها وكنت دائما اقول وشمعنى انا? يعني اختي اللي بيننا انا وهي, تعاملها عادي بس انا غير
مابى اقول كلام البنات الغبي اني حلوه ومدري ايش بس انا مني قبيحه ابدا واجتهد بنفسي
هي كانت مره كسوله يعني مثلا كانت كل شوي تبدا كورس وتلغيه تبدا برنامج وتكنسله وبعدين تنساه. لكن قبل مااتخرج انا من الثانوي بفتره اتغيرت مشاء الله وصارت تهتم بنفسها كثييييير (ظااااااااااااااااااهريا) وتسوي خلطات وصارت بالفعل تتكشخ وتطلع حلوه في المناسبات
والله ماكرهتلها هالشيء.. بالعكس اتمنيت انه علاقتنا كانت احسن علشان اسالها واخذ واعطي معاها..يمكن اتعلم؟ مو هذا اللي يسووه عادة الاخوات؟

لكن سبحان الله.. اتحسن شكلها الخارجي من هنا.. واتوسخت اخلاقها اكثر من هنا. والله يا بنات كانت مثلا تجلس معانا وتدلع وتقول بالله مو انا احلى وحده فيكم؟ وتجلس عااااااااادي تاشر على كل وحده فينا وتقول عيبها! كنا عادي نضحك ونمزح او نقلها اوكيه.. لو هذا اللي شايفاه انت! ونعديها
لكن اللي زاد الطين بله اخلاقها ودلعها وغرورها وسيطرتها وعنادها.. اخلاقها مع امي وابويه زفت. يعني بصراحه محد فينا يداني ابويه وهو السبب. من يوووووووومنا نشوفه يصرخ ويعامل امي زي

الجزمه بالضبط.. ماقدرنا نحترمه وهو كل يوم يدعي علينا ويسوي حركات واطيه ومقرفه..فبالتالي ماقدرنا نحبه..
صدقوني مااقول كذا ونا فخوره بالعكس جالسه ابكي على حالنا وياه بس والله هو السبب..هذا موضوع ثاني.. ماعلينا..بس انا ادري انه يمكن بسبب دعاويه انه البيت متروس مشاكل ومحد طايق الثاني
لكن عكس البقيه..بخيييييييته من النوع اللي مشاء الله لو زعلت تصرخ.. ممكن ترفع يدها كنها بتمد يدها على امي (سوت هالحركه مرتين وماااااراح انسالها ياها) تدعي علينا كلنا وعلى اميييييييي وابويه..

مشاء الله بكل قوه ممكن تضرب الجدار وتكسره.. وتنهار وتبكي كنها بزره..حالها هذا وربي ماتغير وهي بنت ال 14 لين يومها هذا وهي 28

اخواني الشباب متجنبيها ماعادا واحد وهو سبحان الله اقرب واحد لي في البيت..والله مااحبه لاننا مثلا لقينا شيء مشترك.. وهو انه الاثنين منبوذين منها بس نحن علاقتنا قويه من ونا صغيره

مشاكلها كثرت في البيت وانانيتها زادت و والله صارت داااااااااااااائما تشوف نفسها المظلومه.. المشكله مو في الموقف اللي صار واصل العلة... لا, ردة فعلها هي اللي تقرف. تتوحش..تضرب..تدعي..تهدد.. تكره البيت كله في بعض.مهي هينه ابد وتوتر الكل وقام البيت كله يحسبلها حساب.
كان هذا كله يصير في جهه ونا من جهه زاد كرهي لها وماصرت اتحملها ابد. ماااا اقدر اعديلها زي ما البقيه يعدولها. بالفعل معظم البيت صاروا يعاملوها كانها مجنونه.. بس هي مهي مجنونه.. فليش اجي على نفسي عشانها؟


صارت تجلسلي على الصغيره وتعلق كثير ووجودها في البيت صار يوترني..ينكدني..يقهرني! صرت اطول مره في الجامعه او المدرسه المهم اني ما اتواجد في نفس المكان معاها
انخطبت وماتغير ابد. بالعكس صارت تتثاقل وماتسوي شيء..واختي اللي اكبر مني الغبيه كانت دائما بس تقولي اتحملي بطلي مشاكل بتطلع ونخلص. اللي استغربت منه انه اخواتي الثانيات يوم حسوا انه ايامهم في بيتنا قربت تنتهي اتغيروا معانا 180 درجه. اي نعم ما كانوا يقدروا يشتغلوا كثير لانهم انشغلوا بالخلطات ومدري ايش.بس كانوا معنويا مره مره مره مره مره مرررره متعاونين..يدعولنا..يراضونا..يدلعونا.. اما هي..فوربي كانت تعاملنا (انا واختي وامي) كننا خدم يعني ممكن بكل سهوله تعفن الحمام بخلطاتها وتطلع. تعرف انه في احد بيجي فجاه ونكون انا واختي ضايعيين محن عارفيين وين نبدا وتجلس هي عادي تتفرج!

قلنا معليه..مرت الايام وكنت اطمن نفسي انها بتهون.. والله مااااااااااا انسى يوم سافرت امي وخلتني انا واختي معاها. لو كانت مرة ابوي كانت بتعاملنا احسن بمليون مره! ماتذكر وش كان السبب بس صورتي ونا مرميه في الارض جالسه ابكي بحرقه ومني قادره اتنفس وهي بس تتريق من بعيد واختي اللي اكبر مني جالسه جنبني وهي تحاول تهديني مسييييييييييييييييطر على ذاكرتي. لين الحين كل ما اشوفها اتذكر المنظر واكرررررررررررهههههها زياده
المهم ايام زواجها كانت نكد لانا برضه كانت قالبه على الكل ومو عاجبها شيء وماحاولت ولا مره تشكرني انا واختي على تعبنا ولاااااااا حاولت تساعدنا ابدا. يوم زواجها كنا متخاصمين لانها برضه كانت منكده عليه قبلها بايام ولا حاولت تجي تعتذر او تقلي خلاص خلينا نبدا صفحه جديده او شيء. رحت انا معاها الكوفيره وبرضه ماقالت شيء. انا اللي صورتها يوم الحنه والزواج وبرضه كانت تشتغل في نفسها من غير ما تشكر ونا مضيعه يومي علشانها
ماتكلمنا الا في اليوم اللي كانت بتسافر فيه بعد زواجها..سلمت عليها عادي ومااااااا انسى كيف كان السلام..يمكن كتبت في مذكراتي اكثر من 5 صفحات اوصف فيه شعوري.. كان صعب صعب صعب صعب علي اني احضنها.وللحين.ماااااا اقدر

سافرت ووعدت نفسي اني احاول انسي واتغير اتجاهها بس والله كنت ابكي ونا اقول مني قادره. كنت اكلمها بين فترررررررررررررره وفتره في التلفون لانها كانت عايشه في بلد ثاني مع زوجها. ايامها كانت اختي اللي اكبر منها عايشه معانا في البيت بعد ما ولدت وزوجها سافر. وهي الثانيه كانت مقصره في الشغل ومره مهمله. وزاد الشغل علي انا واختي. ثواني خليني اوصفلهم حالنا في البيت للي مهم فاهمين
نحن عيله مشاء الله الله اكبر كبيره والكل متزوج غيري انا واختي. كلهم مشاء الله الله اكبر عندهم اكثر من 3 اطفال. كلللللللل يوم عندنا اكثر من عيلتين واقل شيء 6 اطفال. من الغدا لين الللييييل ونااااااااااااادرا مااحد يروح بيته. لا التعب يكمل لليوم الثاني. النظافه علينا نحن بس. محد يساعد. الحمامات تتنظف في اليوم اكثر من مرتين. المكنسه ملينا ونحن نطلعها وندخلنا فصارت جزء من اثاث البيت. المطبخ اربع وعشرين ساعه واقفين عليه. بيتنا تقريبا يعتبر نادي, حضانه, ملعب, قهوه, مطعم وفندق طبعا!
نحن ماااااااااااااااااااااااااااانطلع من البيت ابدا ابدا ابدا ومانتجرا نعزم صحباتنا لانها بتكون فشيييييييييييييييييله

محد من اخواتي يساعد او يتحمل هالموضع, او يعزمنا وحريم اخواني نفس الشيء. كل يوم عندنا. واللي يقهر اكثر..انه لو غلطوا ونادونا..ينتقل شغلنا من البيت لبيوتهم.فبكل بساطه ممكن بعد الغدا تجلس صاحبة البيت وتستنى وحده فينا نحن تقوم تنظف!

الحمدلله.. بس هذا برضه موضوع ثاني. نرد للاخت بخيته
بعد فتره من سفرها يمكن بعد 6 شهور..سمعنا انه عندها مشاكل مع زوجها واهله. الحقيقه انه زوجها مشاء الله الله اكبر روععععععععععه وربي هو يمكن اكبر مني بعشرين سنه لكن قسم بالله لو كان اتقدملي كنت اخذته وبست رجله! خلوووووووووق وسيييييييييم غنييييي مرررررررررح ومدلعها ع الاخر. هي بنفسها اللي تقول هذا الكلام لكنها ببساطه تزيد على هالكلام وتقول "مني قادره استحمل الوضع" حملت مشاء الله وقررت انها ترد هنا علشان الولاده. شرفت مشاء الله على شهرها السابع. وبدات المعاناه مره ثانيه. من ثالث يوم وقفت تصرخ علينا وعلى امي وتقول الله ياخذكم مدري وش جابني هنا والله نفسييييييي ارد لزوجي. كرهتنا في حياتنا والله. كانت تدخل الحمام وتطلع وتقل وش القرف؟ ادخلوا نظفوا الحمام وهي ادرى بوضعنا وادرى اننا محن ملحقين على شيء وانها تقدر وبكل سهوله تدخل وتنظفه! ليش الاحتقار هذا لي ولاختي؟ لييييييييييييييش الاهانه هذه..قلتلها لو مو عاجبك شيء ادخلي وسويه. في ذاك اليوم وربي ماانسى حركتها. وقفت قدامي وجلست تصرخ باعلى صوتها وتهز اصباعها قدامي وتقول وربي الكعبه مني رافعه شيء في هذا البيت! ومشاء الله عليها قدرت تمسك
كلمتها
جلست معانا 9 شهور ولدت مشاء الله احلى ولد اموت فيه موت ووالله ماقصرنا معاها ابد كنا نحن ناخذها اي مكان تاكل تشرب زي ماتبى نغسلها ملابسها ونكويها وهي ماتسوي شيء! عليها غرفتها اللي والله يشهد ماتسويها الا مرتين في الاسبوع

المهم قلنا يالله معليه يمكن تعبانه..راحت وهي والله يابنات بكل سهوله جلست تقول ماسويتوا لي شيء وطلعت من غير ما تشكر احد. سافرت ومن ثاني اسبوع بدات مشاكلها مره ثانيه مع زوجها. وسبحان الله يوم سافر اخوي وجلس معاهم اسبوعين طلعت عيونه. والله كانت تقول انه وسخ ويبهدل الدنيا ومايساعدها في شيء وهو رجاااااااااااااال!
مرت ايام وعادي.. ردت حياتها لنفس الشيء شغل ومااتغير حالنا لانه بيتنا برضه جلس ملجا الكل! وبعد 8 شهور بالضبط ردت وهي حامل بالثاني وجلست 7شهور مااتغيرت فيها ابدااااااااا والله

---
فاصل عاجل: علشان بس تفهموا اكثر قد ايش نفسياتنا زفت في البيت خليني اخبركم بشيء توووووووه صار وربي..نفسي الطم وجهي او اصقع راسي ع الجدار قلت خليني اطلع اليوم مع وحده من صحباني اللي كانت بتجيني هنا بس نظرا لحال البيت ماكنت راح اتجرا واقلها تعالي ( اباكم بس تفهموا انه يوم اقول حال البيت مو قصدي انه مو قد المقام! لا قصدي الدوشه والربشه اللي بيكون فيه مع اخواتي المبهذلات والبزوره) المهم اتفقنا قبل كم يوم والحين توي رحت البس عبايتي دخلت اختي الكبيره مع عيالها! واخوي مع عياله واختي الثالثه مع عيالها! اخويه اتغدا هنا وقبل لا يطلع الصلاه اتقابلنا عند المغسله وهو يتوضا وقالي ترى زوجتي بتزوركم قلت الله يحييها انا كذا كذا طالعه! قالي على وين قلتله بطلع مع صحبتي! قالي وين قلتله ما ادري يمكن بنشرب كوفي في مكان قالي من جدك? قلتله تحب تطلعني انت? قالي بتطلعي عادي كذا? قلتله ايوه ودخلت غرفتي البس قام لحقني وسالني وش هالحيا قلتله قلي انه عيييييييييييب او حرام واجلس بس انا طفشااااااااااااااااانه لو تطلعني بكنسل مع البنت! هز راسه وقالي سفيهه وطلع قمت رحت اخذت جوالي ودقيت على بنت الناس وكنسلت معاها! هذا اللي يصير دااااااااائما معايه يوم اغلط واقول خليني اشوف نفسي شويه
انا مااتذكر اخر مره طلعت من البيت وصحباتي نسيوني من كثر ما بطلت اقابلهم
لاحظوا انه الكل مل ولاحظوا بعد انهم كلهم جايين هنا! الساعه الحين 3 ونا منظفه المطبخ مرتين اليوم والبيت مرتين! وماكان احد فيه غير الست هانم بخيته اللي بقلكم وش صار معاها الصباح بعدين

جالسه ابكي بحرقه والله
انا بالفعل متعاطفه مع نفسي والله احس نفسي وحده مطلقه معاها 100 طفل! كل يوم نظافه ونظافتنا كانه بكره عيد لكن للاسف ماتجلس ساعه
ماعندي هويه في البيت الا الكمبيوتر واللي مصمممممممممه انه محد يدخل او يتجرا يتحكم فيني بخصوصه
---

امس في الليل انا واختي وصل فينا الطفش انه هي بطلت تكلمني ونا بطلت اكلمها..قلتلها خلينا نطلع نمشي نشتري ايس كريم نجيب افلام نسوي اي شيء نروح عند مرة اخوي او اختي اي مكان اي مكان المهم نطلع
ووالله يا يبنات انه الطلعه عند اختي اللي تبعد عندنا 5 دقايق بالسياره تتحسب علينا طلععععععععععععععععه حتى نرد ونحن حاسين انه يالله! ماراح نطلع الاسبوع كله وهذا بالفعل احساسنا!
كان وصل الحد عندها انها جلست تصارخ ونا ابد ما الومها لاني ادرى انها قهرانه من الوضع كانت اليوم كله تنظف لحالها. البيت 6 غرف وحمامين وسيبين ومطبخ وبخيته ماساعدتها في شيء ويوم
رديت والله كان البيت شكله زباله من كثر مابهدلوه

بعد ماحاولت اكثر من مره مليت وجلست اتخاصم معاها وانتهى اليوم. الصباح كنت مره نعسانه وبطني تعورني جت بخيته تقلي بيجوا يشيكوا على البيت قومي نظفي المطبخ والبيت انا بنظف غرفتي! التفتت لاختي اللي اكبر مني بس ذيك طنتشها فقامت قالتلي خلاص سيبيها تنام قومي انتي ماعندنا وقت والله! عضيت شفايفي من القهر وقلت خير! وراحت هي قمت ونظفت المطبخ واللي اخذ مني 3 ساعات وقامت هي نظفت الصاله (شالت العاب عيالها من الارض وكنست الارضيه بس) واختي اللي اكبر مني قامت ونظفت البيت كله بسرعه مشاء الله

امي تعبت فقامت اختي اخذتها الدكتور وجلست انا مع الوحش
قالت انها بتطبخ اليوم باشيميل وقلنا حلووووووو وشكرناها الخ
وجلست اتفرج تلفزيون دخلت يابنات والله بعدها بعشر دقايق علي بس
وقالت المطبخ ( ونا وربي الكعبه سايبته وهو يللللللللللمع) يباله تنظيف والصاله يبالها تنظيف! قلتلها مو دوبي جالسه انا? قالت الحرمه اللي بتشيك على البيت بتجي الحين انا بعيد على الصاله وانتي سوي المطبخ! قلتلها ليش ما تسوي انتي المطبخ ونا بسوي الصاله (والله بسسسسسسس لانه طلعتلي حساسيه ف اصابعي ومع اني استخدم قفازات الا انه المويه الحاره تحرقني) قالت مافي فيري قلتلها خلاص استخدمي تايد! قالت ماقدر قلتلها استخدمي قفازات قالت لا
غمضت عيوني ورحت المطبخ لقيت مافي شيء غير العفش الي هيييييييييي استخدمته في الطبخ! قلتلها حرام عليك? ليش كذا اطبخي ونظفي وراك
طالعت فيني بنص عين قمت انقهرت وماقدرت اسكر فمي
قلتها هذااااااا الللي اقصده يوم اقلك انتي ماتحترمي احد في هذا البيت وجالسه تستخدمينا كخدم! ليش بس ليششششش ماتساعديني وش فيها يعني لو ساعدتي او غسلتي

مشكله النظافه في حد ذاتها مهي مشكله
تصدقوا او لا انا اموت في النظافه والله استمتع فيها لكن مو يوم يكون الوضع زي كذا
هي ما تسوي شيء ابد لا تطبخ ولا تغسل ولا تكنس ولا تسوي حتى شيء لعيالها
هذا اللي انا مني فاهماه! قسم بالله لو اني بس رايحه عندها زياره وشفتها داخله مالمطبخ ماراح اتجرا اجلس واخليها تشتغل لحالها! طيب ليش عادي عندها? وهذا كللللللللللله كوم! واحتقارها لنا كوم

خلاص طيب لا تشتغلي! بس على الاقل بينيلنا انك ممتنه! اشكري! اعتذري قولي والله معليه ماساعدتكم! لا بكل وقاحه والله تقول انا وربي في بيتي ماتجلس الكاسه في الحوض دقيقه اشرب واغسل واردها الدولاب! طيب ليش تطبخي وترمي كل شيء في الحوض ويكون عادة والله الحوض فاضي والمطبخ فاضي ويلمع من النظافه

احيانا تاخذ المكنسه ومثلا تكنس غرفتها والله ترميها بره الغرفه وما حتى يهون عليها مثلا تكمل السيب اللي بره او تدخل غرفة احد

انا مليييييييييييييت
اباها تنقلللللللللللللللللللللللللللع ترجع بيتها
يعني كارهتنا مهي مقدره احد شافيتنا محن مسوينلها شيء
طيب ايييييييييييييش مجلسها????

فهموني الله يرضى عليكم ليش الذل هذا؟

اباكم تتناولوا كل المواضيع اللي ذكرتها
- لو انك اخت ال(اخت) او مرة اخ ال(الاخت) ليش هالاحتقار وقلة احترام اهل البيت! ليش ماتحطي نفسك مكانهم وتقولي لا خليني اعزمهم بدل ما انا كل يوم عندهم!
ترانا نحن كمان بشر ونحب نتدلع ونرفع رجولنا ومانسوي شيء!
ليييييييييييييش وانتوا في بيتونا ماتقولوا وتشيكوا على عيالكم وتنظفوا وراهم وتدخلوا تنظفوا الحمام وراهم?? ليش ماتدخلوا غرفة الاعاب وتردوا كل الاعاب في مكانها وتكنسوا الغرفه وتطلعوا?
ليش ماتباتوا في بيوتكم الله لا يسامحكم! حرام وربي حرام
اتزوجتوا ليش لو ماراح خلاص تستقلوا بحياتكم وتسعدوا غيركم! ليييييييييييييييش هالانانيه هذه لييييييييييييييييش

لا تنسوا انكم عندكم بيوت تقدروا تسوو فيها اللي تبوه ليش ناطيين في بيوت غيركم! انتوا ادرى اننا مالنا مكان غير البيت نتسلى فيه ليش جالسيين تستغلوا ضعفنا وتزيدوا همنا هم ليش



طبعا قمت ونظفت المطبخ والصاله ورديت لكوخي وهذه انا جالسه اشكيلكم! والله كان ودي اعيش في اهلي وادلع نفسي وعادي استمتع بكوني بنت عايشه عند اهلي! لكن والله والله ماتمنيت الزواج الا بسبب قرفهم!
استغفر الله العظيم معليه على الاطاله وسامحوني ان اخطيت لكني متضايقه
انا ما اكرهها بالعكس نفسي تتحسن علاقتي معاها! هي مرحه وتحضكني وعيالها قماري وهي مره مره مره حساسه في موااااااااااااااااقف وماانسى قد ايش كانت حنونه عليه وانا صغيره (ونا عمري 3 سنين اتذكرلها موقفين) بس شكلي حسدتها وما سميت بالله!

انا اكره حياتي واحس انه حياتي تحوم حول النظافه والبيت والتضحيه علشان اخواتي واخواني وحريمهم وعيالهم ينبسطوا..
-----------------
الكلام اللي قوق كله كاتباه من حوالي 8 شهور والحال والله اخص الحين بمليون مره.. انا مو بس اكرهها الحين والله والله والله اتمنى يا انها تموت او اني اسبقها
كل يوم كل يوم كل يووووووووم ابكي بسببها
علاقتي باخواتي وامي صارت زفت بسببها لاني ماصرت اتحمل وصرت اصرخ وابكي بهستيريا لاني ماصرت اقدر اكتم بداخلي
وصرت اكرررررررررره اخواتي لانهم للحين مهم قادرييين يقولولها كلمه وحده توقفها عند حدها وصرت انا بس اللي آخذ الواجهه

لين يومكم هذا ماتسووووووووووووووووووووووووي شيء
امي تغسل وتكوي وتتبطق ملابسها هي وعيالها
امي اللي تطبخلهم
ورب الكعبه غرفتها اعوذ بالله صرت اشك انه فيها بسم الله وصرت اخاف ادخلها من كثر ماهي وسخه ومهجوره
قررت انها خلاص بتعيش معانا مااااااااااااااااادري ليش اتزوجت
بتستنى لين ماينقل زوجها هنا.. متى الله اعلم

تقول انه البيت بيتها
كييييييييييييييييييييييييييييييييييف بيتها وهي ماتسوي فيه شيء
كيف كيف كيف؟
كيف بيتها وهي ماتدفع فلس واحد؟؟؟؟؟

اليوم جلست ابكي وفجاه طقت ف راسي فكره
قلت اكيد مهي اختنا لانها اصلا ماتشبهلنا ابببببببببببببببببببببببببببببببببدا واخلاقها المعفنه هذه مو تبعنا
انا وبقية اخواتي واخواني محن كامليين بس وربي يشهد حنونيييييييييييييييييييييييييييييييين وكله كوم والظلم كوم
يعني مستحيل نرتاح ونحن جارحيين احد وعندنا كرااااااااااااااااااااامه
اما هي اعوذ بالله شايفه كرهي لها وعااااااااااااارفه انه محد يباها هنا وبرضه جالسه على قلوبنا!
ابى اقطع علاقتي بيها
اكررررررررررررررررررههههههههههههههههههههههههههاااااااااااااااااااااااا
---------------------------------
وش عندكم تقولوه؟ :09:

لاحد يجي يقولي جيبوا شغالات
ماااااااااااااااااااااااااااااااااافي مجال والفكره مرفوضه!