لاحول ولاقوة الابالله

الله يصلح مابينكم ياااااااااااااااااارب ..

تحملي كلامي حبيبتي بطول عليك
أختك ماتمادت وقللت ادبها واحترامها عليكم
عشانها شافت الوضع سايب كل من هب ودب داس بيتكم صاير ماله احترام
وين هيبة ابوك وامك هذيله لثنين لو يهيبون عن البيت راح يهابونكم ويحترمونكم
وخييييييييير ان شاء الله حريم اخوانك معقوله كلهم مافيهم خير واحساس يعاونونكم با البيت..؟!!
وانتي ماشاء الله تقولين كثير ومعقوله ولا وحده من زوجات اخوانك معها شغاله.......؟
او حتى وحده فيهم طيبه وراعيه ذوق وادب ....!!
وهم كل يوم عندكم بصراحه شيء عجيب
اسمعي كلمي امك تحدد يوم با الاسبوع يزورونكم وكل وحده جايبه اطباقها معها
وتقوم بزارينها وتعاونكم بيتكم وشذا من جد قلة ادب والي تجي ماتعاون تنثبر بيتها
وتقوم بزوجها وعيالها انتوا مسؤلين عن بيتكم وامكم بس غير كذا حي الله من زاد وخفف
لازم تجتمعين أمك( لا زم امك تكون لها كلمه وتكون حازمه معهم )
وابوك وانتي وخواتك وتكلمين اخوانك لو حابين يزورونكم ويفطرون معكم لابد يتعاونون
واليد الوحده ماتصفق وش فايدة الجمعات واللمه والقلوب شايله ع بعض .
افتحي قلبك وقولي الي تبين لكن بذوق وادب ولاتستحي الي ماستحوا منكم لاتستحين منهم
مافي اي احراج من حقكم قولي حنا فتحنا لكم بيتنا ويا هلا ومرحبا فيكم
لو تبون اللمه هذي تدوم قوموا معنا ورحمونا ارحمو من في الارض يرحمكم من في السماء
وبنسبه لختك منتي مسؤله عن اي شيء يخصها وامك مرا دلعتها ليه بيدينها نقش حنا ولا يا دافع البلا مشلوله يدينها ..؟
امك تغسل وتكوي عنها
هذي انكست الايه بدل ما تساعد امك وترحمها وتبرها صارت امك تخدمها ليه ؟
انتي بري بمك وعطيها الدعم النفسي وخليها تعلي صوتها وتتكلم بكل جرئه وخليها تكلم اخوانك وزوجاتهم
الي يجي عندي حياه الله بس بيتي مو ملاهي ومكان وساخه كل وحده تمسك لها شغله وتساعد
خلي ابوك يهيب عنكم ويتكلم صدقيني اذا خفت الزيارات راح ترتاحون .
خلوا حريم اخوانكم ببيوتهم وكل يوم دوريه عند وحده تجتمعون
او كل يوم عائله تعزمون وحده بيت بيت تعزمون لو مضطرين
او مره با الاسبوع يجتمعون يوم الجمعه عندكم صدقيني اريح لكم ولهم
واذا مرا مرا تحسينها ثقيله وتعب يوم فقط با الاسبوع يجتمعون معكم ومثل ماقلت كلهم يعاونونكم
واختك اعتبريها ماهي موجوده ولو كثرت عليك كلام( خلي عندك شجاعه ) و ردي عليها لو موعاجبينك ولاعاجبتك عيشتنا وشوله
كل شوي شايله عفشك وجايه بكرشك مسويه زحمه ومذيتنا اقضبي ارضك واجلسي بيتك دايم تتذمرين محنا فايدينك ولاحامده ربك وشاكرت
وع كلامك محنا نافعينك وتسبين فينا اجل وش حادك تجين اجلسي بيتك واولدي بمستشفى ديرتك ماهو عذر الحمل والولاده لو الحريم
سواا مثلك ماظلت حرمه ع ذمة رجال .
وخوفيها قوليلها من كثر ما تهجرين بيتك بتتركين للشيطان ثغره بينك وبين زوجك وبيتزوج عليك ولا لاسمح الله يخونك مجرد( تخويف)
حتى تركد
ولو كنتي حرمه سنعه ماتركتي بيتك وش راح يقولون عنك الناس ...؟! ولو زوجك يحبك ماقدر يستغني عنك لحظه
بس الي باين انو يبي يرتاح منك سرحك بيتنا يبي يتنفس لاتخربين بيتك حنا خواتك تحملناك وجاملناك
اما ولد الناس ماراح يصبر ولا راح يجاملك
اجلسي بيتك وقومي بيتك واركدي وترى حنا كبرنا محنا بزارين كل شوي تتامرين وتصارخين اهجدي وجنانك مايمشي علينا
ويوم انك جايه بيتنا ورافعه يدك ماتبين تحركين ساكن زوجك مقتدر ليه ماتجيبي شغاله تخدمك وتنظف وساختك انتي وراعينك .
محنا بخدمك ولاملزومينا الافي بيتنا وامنا غير كذا ماعندنا ( اناعارفه وش راح ترد هذا مو بيتك بيت ابوي واذا صار بيتك تكلمي)
ردي عليها بيتي بيت ابوي وانتي بيتك بيت زوجك وعيالك .
وابد لا تخدمونها ولاتمشون لها كلمه وخلي كل البيت يتجاهلها
ولاتلبون لها اي شيءء
وصدقيني راح تتسنع وتتأدب
كل شيء له حد لازم توقفون هل المهزله وتحطون النقاط ع الحروف
ولا انتوا مجبورين تفتحون بيتكم وتستقبلون ضيوف مايعرفون السنع .
اسفه طولت بس من جد شيء قهرني .
والي تقول تحملي واحتسبيه اجر
انا اقول مافي شيء ضايع اجره عند رب العالمين
لكن الانسان طاقه وهي بنت صغيره والتعب والارهاق والقهر يقصف العمر
يكفي صبرها كل هذي المده ولازال بقلبها محبه لأختها الكبيره ولازالت
تعين وتعاون
مانصحتك الا عشاني خايفه عليك اساليني عن القهر
ياخذ شبابك وصحتك وانتي توك بعمر الزهور
احتسبيه اجر ومافيها شيء لو وضحتي الامور واصلحتي وضع بيتكم واهلك
بكذا تتصافى الانفس وترتاحون والكل تكون الصوره واضحه له.
والله يعينكم ع ما بلاكم
ويرزقك الزوج الي يحبك ويغليك

الله يعين

الحال من بعضه بس انا مو اختي الكبيره نفسيه بل اختي الصغيره

وطبعآ هي مطلقه وعندها بنت وشوفي كيف تتحكم في بيت كامل

وام واب لا يحلون ولا يربطون الله لنا

استغفر الله الحي الغيوم واتوب اليه

وعليكم السلاام ورحمه الله وبركااته ..

الله يعينك يااختي ويصبرك عليها

يمكن في حل واااحد يمكن يسااعدك

حااولي تكثري من الاستغفااار

وقولي داايم في نفسسك ( الله يعطيها على قد نيتها )

طيب عندي سواال ؟؟

امك واخوانك رااضين باللي تسوويه اختتك !

الله يفرج همك ويفوووفقك ووين مااتروووحين