ابى العدل بدون تفضيل

معليش انتي زوجه ثانيه؟
اذا ايوه معليش اتحملي الي يجيك هي الاولى

لاتهتمي ياختي
الغلط منه هم عياله ولهم حق في القطيه حقة ابوهم وعمانهم ولهم الحق يعرفوا اهلهم واقاربهم
بس انتي لاتوقفي دنياك على واحد مو معبرك ومثل ماهو يخرج لاهله روحي لاهلك واتفسحي وانبسطي ونسي عيالك الهم مصيره بيوم بيرجع ناااااااااادم يحب اليدين قبل الروس علشان الرضي
لا تزعلي نفسك واوكلي همك لله العلي العظيم
واتصدقي عسى الله يجعلها سبب لسعادتك

ياقلبى والله حاسه فيك وعندنا قرايب كثير مثلك ياختى هذا المجتمع صعب حتى لوزوجك يبى يعدل ما يقدر
افسرلك كلامى
مجتمعنا مع انه مسلم لكن دايم الزوجه الثانيه مرفوضه وبالتالى عيالها يتبعونها
مثال لو اخو زوجك عنده عزومه وزوجته الاولى معلمه الربع كلهم اللى يبينى لاينادى حرمته انا ما اجتمع معاها
فكل الناس مع الاولى لانها هم عرفوها قبلك فهى السابقه لديهم
فبما انك رضيتى تكونى الثانيه فعذرا انتى الثانيه بكل شى
هذا مجتمع مو وحده او ثنتين تقدرين تطنشينهم
الحل قززى وبكيفهم بكره يكبرون عيالك ويصيرون مراكز وكلن يجرى عليكم يبون ينا سبونك وتختل الموازين ينادونك بلاكى نسيبه ويتركون ذيك وتعيش نفس مأساتك مدري ليه الحريم كذا
مجتمع الحريم متعاضد من ناحيه الزوجه الثانيه يكرهونها لو ما يعرفونها والسبب علشان ازواجهم ما يتزوجون يقولون شف فلان اعرس ومحد رضى بزوجته لاتتهور تري بيصير لزوجتك مثلها
وبصراحه لو زوجى تزوج انا بعد يمكن اسوى مثل الناس اقول اللى يبينى احضر لاينادى فلانه فبحكم علاقاتى ومحبينى كلهم ما راح ينادون الثانيه
وجه نظرى والله اعلم
وبعدين الردى في زوجك المفروض ما يعزل عيالك المفروض يروحون عزايم قرايبهم وانتى مش مهم لاتروحين اهم شئ عيالك ما ينحرمون من عزوتهم الله يهدى زوجك وزوجته وبسخرهم لك ولعيالك
ونصيحه عيشى عياتك بالميسور لاتزنين بعدين يمل ويطلقك تري الرجال بياع ماهمه الا راحته وكلى امرك لله دام انه يصرف عليكم نعمه
وانتى اسعدى نفسك روحى انتى وعيالك لقرايب اهلك وخوالك وزورى عمانهم مسايير مولازم عزايم
افرضى نفسك باسلوب حلو واعزميهم في بيتك
ونادى عياله وعشيهم او غديهم حتى يحبو اخوانهم ويتعودون عليهم
لاتفرقى الاخوان والاخوات ابدا حبيهم مثل عيالك وان كانو صغار حضك الحين دورك اكسبيهم بحلاوه وعلك لعبه ترى الطفل ما ينسى الاحسان ابدا وبيذكرها لك وهو كبير
ودوري صديقات وجيران واخرجى معاهم حدايق وملاهى وسعى صدرك بالميسور مولازم تلزقين في زوجته ذيك اتركيها فوق ماخذتى زوجها تبينها تحبك مستحيييييييييييييييييييييل تحبك او تبي شوفتك افهمى والله انا نا صحتك من قلبى انتى وجميع الزوجات الثانيات تر الزن والنكد والتشرهه طريق طلاقك تراكى ورقه بالنسبه للزوج غير مربحه ماخذك بستانس ماهو يبى وجع راس
والله يوفقنا واياك لما فيه صلاح انفسنا
واخرنصيحه عيالك لايحسون بشئ لاتحسسينهم انهم منبوذين تري ياثر على نفسيلاتهم ويتعقدون او تجيهم امراض نفسيه خلى الامر عادى ولا تعلمينهم ان فيه عزيمه وماحد ناداكم انسى تكفين خليك حكيمه راس مالك عيالك
حنى عليهم وعوضيهم كل شئ ورفهى عنهم بالموجود
واذا جاء زوجك صلحى حلا وقهوه وانبسطى مهاه او اطلعو بر قريب بس شاهى وقهوه وارجعو فقط تغيير جو

ماهو تحملي اذا هي الثانيه وش هالكلام

الدين ما يرضى بكذا

لازم يعدل والا يوم القيامه يجي وشقه مايل والرسول وصى ان اللي يبغى يتزوج اكثر من وحده يتزوج بس يعدل

اما هالحركات لا

كلميه عن الدين او خلي احد يكلمه

مو عشانك الثانيه تتحملين

اجل ليش متزوج وحده ثانيه

يعدل بينكم

له رب بيحاسبه ..

افرشي سجادتك وادعي بصلاح الحال والاحوال ..