أم منوعي :

آسفة أختي على التأخير , تعرفين اليوم أول يوم دوام لنا بعد الاجازة الحلوة ,,, المهم , بسم الله نبدأ ... المقادير : ملفوفة كبيره راعي تكون انها مو اللي مثل الكرة , لا اختاري اللي تكون مفروشة فهمتي ولا لا , وقولي للبياع أريد ملفوف للمحشي وأهو بيفهم ,,/ 5 بصلات مقطعة ناعم / 5 حبات طماط مقطعة ناعم , علبة معجون طماطم ( البوارجي أفضل نوع حمراء وثقيلة ) / كزبرة مفرومة / بقدونس مفروم / رز مصري منقوع في ماي / بزار ( بهارات مخلوطة ناعمة ) / 2 مكعب ماجي / ملح / عصير نص ليمونة حسب الرغبة / زيت .. الطريقة : 1- يمكن سلق الملفوف بطريقتين واختاري اللي تريحج ,, ( الأولى ) : تحطين قدر كبير فيه ماي على النار وتضيفيله 3 أو 4 ملاعق كبيرة ملح ولما يبدأ يغلي تحطين الملفوفة بعد ما تكونين نزعتي عنها الراس اللي بالوسط , انتبهي وانت تنزعينه بالسكين عشان ما تخرمين الملفوفة , وطبعا راح تستوي كل حين طبقة وكل ما تستوي طبقة اسحبيها بلطف عشان ما تنقطع واللي بيسهل سحبها انا شلنا راس الملفوفة وراح تعرفين انها ستوت لونها صار شفاف وملمسها شوي لين انتبهي مو تهرسينها ( أنا أفضل هاي الطريقة ) , الطريقة (الثانية ) : تنزعين راس الملفوفة وبعدين تفككين الملفوفة ورقة ورقة وتسلقينها بالقدر اللي فيه الملح ( ( ( بس تخافين الأوراق تتكسر وانتي تنزعينها قبل السلق ) ,,, لما تخلصين من السلق تفرشين الورقة وتشيلين الجزء اللي بوسطها وتقطعينها كل قطعة بحدود حجم الكف ..... 2- ( تحضير الحشوة ) أضع البصل في القدر ولما يبدأ الماي ينشف أضيف الزيت وأحرك لحد ما يبدأ البصل يحمر بعدين أضيف الطماطم وأحرك لحد ما يبذل بعدين أضيف معجون الطماط والبهارات والماجي والملح والكزبرة والبقدونس , وأحرك لحد ما أشم ريحته الحلوة , بعدين أروح أشيل نص الخلطة أو أقل من النص وأخليها على جنب , بعدين أضيف الرز على باقي الخلطة وأقلبها على النار لحد ما ينخلط الرز مع الخلطة ويصير لونه برتقالي تقريبا .... 3- أقطع بطاطا دوائر وأحطها بقاع القدر , أبدأ أحشي أخلي الجزء الناعم تحت والمعرق فوق وأضع الرز وألف الورقة بشكل دائري ما في داعي اني أسكر الأطراف مثل محشي الورق عنب , وأصفه بشكل دائري مرتب فوق البطاطا ... 4 - بعد ما أخلص من اللف , أدهن الطبقة الأخيرة من المحشي بالخلطة اللي خليناها على جنب ب وأضيف عليه كمية من الماي المغلي مع الملح تقريبا يغطي الخلطة وزيادة ب3 سم تقريبا وأضغط على المحشي بغطا صحن زجاج يتحمل الحرارة عشان ما يفك المحشي .... 5 - أحط القدر على النار على حرارة متوسط لح ما يبدأ الماي يقل وقبل ما ينشف أوطي النار خفيخ مرة وأغطي القدر , ولما ينشف الماي بيكون المحشي جاهز ,,, وبالهنا والعافية والله اني ما أمدح نفسي بس الكل يعرف طريقتي ويمدحها ويطلبون مني أسويلهم لما يزوروني ,,,, ملاحظه خطيييييييييييييييييرة : جربي احشي ورق العنب بنفس الخلطة وبنفس الطريقة ( طبعا من غير خطوة السلق ) بس قبل لا تضيفين الماي على محشي ورق العنب حطي نص كوب ليمون ونص كوب زيت زيتون ,,, شوفي كيف بيطلع المحشي خبااااااااال روعة أتحدى أي شيف ,,, وبتقولون أم منوعي قالت , ساعتها الله يخليكم ادعولي الله يسعدني مع زوجي ويوفقني ويحفظ لي عيالي ,,, وجربي احشي الكوسا والبطاط بعد بنفس الحشوة ,,,, واسمحولي على التفاصيل الدقيقة عشان أضمن يضبط معاكم المحشي عدل,,,, واتأكدوا ان شاء الله انه بيضبط مو تكسلووووون ,,,, سلام ,,,,,,

آسفة أختي على التأخير , تعرفين اليوم أول يوم دوام لنا بعد الاجازة الحلوة ,,, المهم , بسم الله...